ന്യൂഡല്‍ഹി: ഉച്ചത്തില്‍ പാട്ടുവെക്കുന്നത് ചോദ്യം ചെയ്ത സഹോദരന്‍മാരെ അയല്‍വാസി കുത്തിവീഴ്ത്തി. പരിക്കേറ്റ മൂന്നുപേരില്‍ ഒരാള്‍ മരിച്ചു. 29കാരനായ സുശീല്‍ ചന്ദാണ് മരിച്ചത്.
/sathyam/media/post_attachments/1XIc8ZwA7aWyf53gV2hm.jpg "publive-image")
ഡല്‍ഹിയിലെ മഹേന്ദ്ര പാര്‍ക്ക് ഏരിയയിലെ ബഡോല ഗ്രാമത്തിലാണ് സംഭവം. ഉച്ചത്തില്‍ പാട്ടുവെക്കുന്നതിനെ ചൊല്ലി രണ്ടു കുടുംബങ്ങള്‍ തമ്മിലുണ്ടായ വഴക്കാണ് കൊലപാതകത്തില്‍ കലാശിച്ചതെന്ന് പൊലീസ് പറഞ്ഞു.
സുശീല്‍ ചന്ദും സഹോദരന്‍മാരായ സുനിലും അനിലും ചേര്‍ന്ന് അയല്‍വാസി അബ്ദുല്‍ സത്താറിനോട് പാട്ടിന്‍റെ ശബ്ദം കുറയ്ക്കാന്‍ ആവശ്യപ്പെടുകയായിരുന്നു. തുടര്‍ന്നുണ്ടായ തര്‍ക്കം കൊലപാതകത്തില്‍ കലാശിക്കുകയായിരുന്നു. സുശീല്‍ ചന്ദിനും സേഹാദരന്‍മാരെയും കത്തികൊണ്ട് പലതവണ കുത്തി പരിക്കേല്‍പ്പിച്ചു. പരിക്കേറ്റ മൂവരെയും ബാബു ജഗജീവന്‍ രാം മെമോറിയല്‍ ആശുപത്രിയില്‍ പ്രവേശിപ്പിച്ചെങ്കിലും സുശീല്‍ മരിക്കുകയായിരുന്നു.
ഗുരുതരമായി പരിക്കേറ്റ അനിലും ആശുപത്രിയില്‍ ചികിത്സയിലാണ്. സുനിലിന്‍റെ പരിക്ക് ഗുരുതരമല്ലെങ്കിലും ചികിത്സയില്‍ തുടരുകയാണെന്നും പൊലീസ് അറിയിച്ചു. ഇരുവരെയും പിന്നീട് സഫര്‍ദഞ്ച് ആശുപത്രിയിലേക്ക് മാറ്റി.
അയല്‍വാസിയായ അബ്ദുല്‍ സത്താറിെന്‍റ ഭാര്യ ഷാജഹാനും പരിക്കേറ്റു. ഇവരെ ബി.ജി.ആര്‍.എം ആശുപത്രിയില്‍ പ്രവേശിപ്പിച്ചിരിക്കുകയാണ്. സുനിലിെന്‍റ മൊഴിയുടെ അടിസ്ഥാനത്തില്‍ മഹേന്ദ്ര പാര്‍ക്ക് പൊലീസ് സ്റ്റേഷനില്‍ കേസ് രജിസ്റ്റര്‍ ചെയ്തു. സത്താറിനെയും മക്കളായ ഷാനവാസിനെയും ആഫാക്കിനെയും പൊലീസ് അറസ്റ്റ് ചെയ്തിട്ടുണ്ട്.
Follow Us/sathyam/media/agency_attachments/5VspLzgrB7PML1PH6Ix6.png)
