ഇടയിൽ കൂട്ടത്തിൽ ചേരുന്നവൻ
ഇടനിലക്കാരൻ .
പാതിമുറിഞ്ഞ സന്ദേശങ്ങളെ
മുഴുമിപ്പിക്കുന്നവൻ.
അവനവനിഷ്ടംപോൽ ചേരുവകൾ
ചേർക്കുന്നവൻ.
മാമായെന്നും പിമ്പെന്നും വിളിപ്പേരിൽ
അറിയപ്പെടുന്നവൻ .
കച്ചവടങ്ങളിൽ കഴുത്തറപ്പൻ
കമ്മീഷനടിക്കുന്നവൻ.
പണക്കാരുടെ വിളയിടങ്ങളിൽ
ഇഷ്ടതോഴൻ .
എല്ലാത്തിനെയും ലാഭക്കണ്ണോടെ
കാണുന്നവൻ .
ഒരിക്കൽപോലും മേലനങ്ങി
പണിയെടുക്കാത്തവൻ .
വടിവൊത്തവസ്ത്രത്തിൽ ചുളിവുകൾ
വീഴാതെനോക്കുന്നവൻ.
കപടസ്നേഹത്താൽ ഏവരെയും
കുഴിയിൽവീഴ്ത്തുന്നവൻ.
ജീവിതയാത്രയിൽ ഏവരെയും
കൂടെകൂട്ടുന്നവൻ .
ഒരിക്കൽപോലും അറുത്തകൈക്ക്
ഉപ്പുതേക്കാത്തവൻ.
കൂടെകിടക്കാൻ കൂട്ടുതേടുമ്പോൾ
ഒഴിവാക്കേണ്ടവനിവൻ ഇടനിലക്കാരൻ .
ഹരിഹരൻ പങ്ങാരപ്പിള്ളി