Advertisment

സോഷ്യൽ അടുക്കള (കവിത)

author-image
സത്യം ഡെസ്ക്
Updated On
New Update

publive-image

Advertisment

-രാജു കാഞ്ഞിരങ്ങാട്

അടുക്കളയിലാണ്

ആളനക്കം, യേറെയുണ്ടാകുന്നത്

കുശുമ്പും, കുന്നായ്മയും

വെന്തു തൂവുന്നത്

തോരനും, പൊടിവിനുംകൂടെ

പൊടിപ്പും തൊങ്ങലും ചേർക്കുന്നത്

ഭാവനയുടെ ഭവനഭേദനം നടത്തുന്നത്

വിവാദത്തിൻ്റെ ഒരുരുളയെങ്കിലും

വീർപ്പുമുട്ടലിൻ്റെ ചട്ടിയിലിട്ട് ഉരുട്ടി -

തിന്നുന്നത്

ചിലർക്ക് നുണയുടെ സാധ്യതകളുടെ

ഒരു പറുദീസയാണ് അടുക്കള

ചിലർക്ക് കടുകു പൊട്ടുമ്പോലെ -

പൊട്ടുന്ന ചങ്കിടിപ്പിൻ്റേത്

വെന്തുപോകുന്നുണ്ട് ചിലർ

കനലുപോലെ ഉള്ളം അനലുന്നുണ്ട്

സോഷ്യൽ അടുക്കളയിലിപ്പോൾ

ജാരസംസർഗമാണ്

ഗൂഢാലോചനകളെയാണ്ഗാഢം -

പുണരുന്നത്

നുണകളാണ് നുണയുന്നത്

വ്യാജസിദ്ധാന്തമാണ് വെന്തുതൂവുന്നത്

 

cultural
Advertisment