ഏറ്റുമാനൂർ പുന്നത്തുറയില്‍ നിയന്ത്രണം നഷ്ടമായ 108 ആംബുലന്‍സ് കാറില്‍ ഇടിച്ച് മറിഞ്ഞു നഴ്സിനു ദാരുണാന്ത്യം. അപകടത്തില്‍ ആംബുലന്‍സ് ഡ്രൈവറും രോഗിയുമടക്കം മൂന്നു പേര്‍ക്കു പരുക്കേറ്റു. മരിച്ചതു കട്ടപ്പന സ്വദേശിയായ മെയില്‍ നഴ്സ്. അപകടത്തില്‍പ്പെട്ടത്  ഇടുക്കിയില്‍ നിന്നും രോഗിയുമായി എത്തിയ ആംബുലന്‍സ്

ഏറ്റുമാനൂര്‍: ഏറ്റുമാനൂര്‍ പാലാ റോഡില്‍ പുന്നത്തുറയില്‍ നിയന്ത്രണം നഷ്ടമായ 108 ആംബുലന്‍സ് കാറില്‍ ഇടിച്ച് മറിഞ്ഞു നഴ്സിനു ദാരുണാന്ത്യം. കട്ടപ്പന സ്വദേശിയായ മെയില്‍ നഴ്സ് ജിതിന്‍ ആണു മരിച്ചത്. അപകടത്തില്‍ ആംബുലന്‍സ് ഡ്രൈവറും രോഗികളും അടക്കം മൂന്നു പേര്‍ക്ക് പരുക്കേറ്റു. പരുക്കേറ്റ ആംബുലന്‍സ് യാത്രക്കാരായ ഇടുക്കി നെടുങ്കണ്ടം സ്വദേശികളായ ഷിനി, തങ്കമ്മ എന്നിവരെ കോട്ടയം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.

ഇന്ന് ഉച്ചയ്ക്കു രണ്ടരയോടെ പുന്നത്തുറ കവലയ്ക്കു സമീപമായിരുന്നു സംഭവം. ഇടുക്കിയില്‍ നിന്നും രോഗിയെയുമായി എത്തിയ 108 ആംബുലന്‍സ് നിയന്ത്രണം നഷ്ടമായി  എതിര്‍ ദിശയില്‍ നിന്നും എത്തിയ കാറില്‍ ഇടിച്ചു മറിയുകയായിരുന്നു.  കാറിനും സാരമായി കേടുപാടുകള്‍ സംഭവിച്ചിട്ടുണ്ട്. ഓടിക്കൂടിയ നാട്ടുകാര്‍ ചേര്‍ന്നാണു പരുക്കേറ്റവരെ മൂന്നു വാഹനങ്ങളിലായി ആശുപത്രിയിലേക്കി മാറ്റി. അപകടത്തെ റോഡില്‍ ഗതാഗത തടസവും ഉണ്ടായി. പിന്നീട് ഫയര്‍ഫോഴ്‌സ് എത്തി റോഡില്‍ പരന്ന ഓയിലും രക്തവും കഴുകി മാറ്റി.