യുഎഇയില്‍ 13 വാഹനങ്ങള്‍ നിരനിരയായി കൂട്ടിയിടിച്ചു; മൂന്ന് പേര്‍ക്ക് പരിക്ക്; നിയമങ്ങള്‍ കര്‍ശനമായി പാലിക്കണമെന്ന് ഡ്രൈവര്‍മാരോട് പൊലീസ്‌

ദുബായ്: മോശം കാലാവസ്ഥയും പൊടിക്കാറ്റും കാരണം യുഎഇയില്‍  13 വാഹനങ്ങള്‍ നിരനിരയായി റോഡില്‍ കൂട്ടിയിടിച്ചു. മൂന്ന് പേര്‍ക്ക് പരിക്കേറ്റു.

മോശം കാലാവസ്ഥ തുടരുന്ന സാഹചര്യത്തില്‍ ഡ്രൈവര്‍മാര്‍ നിയമങ്ങള്‍ കര്‍ശനമായി പാലിക്കണമെന്ന് ദുബായ് പൊലീസ് ആവശ്യപ്പെട്ടു.

മറ്റ് വാഹനങ്ങളുമായി സുരക്ഷിത അകലം പാലിക്കുക, വേഗത കുറയ്ക്കുക, വാഹനം ഓടിക്കുമ്പോള്‍ വെള്ളം ഉപയോഗിച്ച് ഗ്ലാസ് വൃത്തിയാക്കരുത് തുടങ്ങിയ മുന്നറിയിപ്പുകളും പൊലീസ് നല്‍കിയിട്ടുണ്ട്.