/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/post_attachments/seVdSS360Vd2uhzijXd5.jpg "publive-image")
കെ.എസ്.ആര്.ടി.സിക്ക് അടിയന്തിര സഹായമായി 50 കോടി അനുവദിച്ച് ധനവകുപ്പ്. ശമ്പളവിതരണത്തിന് 50 കോടി അടിയന്തരമായി സര്ക്കാര് കൈമാറണമെന്ന് ഹൈക്കോടതി ഉത്തരവിട്ടതിന് പിന്നാലെയാണ് തുക അനുവദിക്കാനുത്തരവായത്.
്ജീവനക്കാര്ക്ക് ശമ്പള കുടിശികയ്ക്ക് പകരം വൗച്ചറും കൂപ്പണും നല്കണമെന്നും കോടതി പറഞ്ഞു. ആറാം തീയതിക്ക് മുന്പ് ഇതു വിതരണം ചെയ്യണമെന്നും നിര്ദ്ദേശിച്ചിരുന്നു.
സിവില് സപ്ലൈസ് കോര്പ്പറേഷന്, മാവേലി സ്റ്റോര്, കണ്സ്യൂമര്ഫെഡ് ഉള്പ്പടെ സംസ്ഥാന സര്ക്കാരിന്റെ ഉടമസ്ഥതയിലോ നിയന്ത്രണത്തിലോ ഉള്ള സ്ഥാപനങ്ങളുടെ കൂപ്പണുകളാണ് നല്കേണ്ടത്. കൂപ്പണ് സ്വീകരിക്കാത്തവരുടെ ശമ്പളം കുടിശികയായി നിലനിര്ത്തും. കെ.എസ്.ആര്.ടി.സിക്ക് 103 കോടി നല്കണമെന്ന സിംഗിള് ബെഞ്ച് വിധിക്കെതിരെ നല്കിയ അപ്പീലിലാണ് ഹൈക്കോടതി ഈ നിര്ദേശം വച്ചത്. പിന്നാലെയാണ് കോടതി ഉത്തരവ്.
പ്രതിസന്ധി നേരിടുന്ന കെ.എസ്.ആര്.ടി.സിക്ക് ഓണക്കാലത്ത് സര്ക്കാര് 50 കോടി നല്കുമെന്ന് മന്ത്രി കെ.എന് ബാലഗോപാല് നിയമസഭയിലും പറഞ്ഞിരുന്നു. അതേ സമയം കൂപ്പണുകള് നല്കാമെന്ന നിര്ദ്ദേശത്തെ ജീവനക്കാര് എതിര്ത്തു. കുടിശികയുള്ള ശമ്പളത്തിന് പകരം കൂപ്പണുകള് ആവശ്യമില്ലെന്ന് ജീവനക്കാര് വ്യക്തമാക്കി.