ഡബ്ലിന്‍: വര്‍ക്ക്‌പ്ലേസ് റിലേഷന്‍സ് കമ്മീഷന്‍ (ഡബ്ല്യു ആര്‍ സി) മധ്യസ്ഥതയില്‍ രൂപംകൊണ്ട പുതിയ പബ്ലിക് സര്‍വീസ് പേ പാക്കേജ് അംഗീകരിക്കണമെന്ന് ഫോര്‍സ യൂണിയന്‍ അംഗങ്ങളോട് അഭ്യര്‍ഥിച്ചു.ഏറ്റവും കുറഞ്ഞ ശമ്പളക്കാര്‍ക്ക് എട്ടു ശതമാനം വരെ വര്‍ധന അനുവദിക്കണമെന്നതുള്‍പ്പടെയുള്ള നിര്‍ദ്ദേശങ്ങളടങ്ങിയതാണ് ഈ പ്രപ്പോസല്‍.
/sathyam/media/post_attachments/W0hCxkVldTNuiaurAygB.jpg "publive-image")
പ്രതിവര്‍ഷം 25,000 യൂറോ വരുമാനുമുള്ള വര്‍ക്കര്‍ക്ക് എട്ട് ശതമാനവും 37,500 യൂറോയുള്ളവര്‍ക്ക് ഏഴ് ശതമാനവും വര്‍ധനവാണ് പുതിയ പാക്കേജ് അനുവദിക്കുന്നത്. 2022 ഫെബ്രുവരി 2 മുതല്‍ പ്രാബല്യത്തില്‍ വരുന്ന ശമ്പള നിര്‍ദ്ദേശത്തില്‍ മൂന്ന് ശതമാനം വര്‍ദ്ധനവാണുള്ളത്.ഏറ്റവും മികച്ച കരാറാണ് ഇപ്പോഴത്തേതെന്ന് ഫോര്‍സ ജനറല്‍ സെക്രട്ടറി കെവിന്‍ കാലിനന്‍ പറഞ്ഞു.
ഇക്കാര്യം യൂണിയന്റെ എക്സിക്യൂട്ടീവ് അംഗീകരിച്ചിട്ടുണ്ട്. ഈ പാക്കേജ് അംഗങ്ങള്‍ക്ക് വിശദീകരിച്ചു കൊടുക്കും.അവര്‍ അടുത്ത മാസം അന്തിമ തീരുമാനമെടുക്കുമ്പോള്‍ യൂണിയന്റെ നിലപാട് പ്രഖ്യാപിക്കും.അടുത്തയാഴ്ച മുതല്‍ അംഗങ്ങള്‍ക്ക് ഇതിന്മേല്‍ വോട്ടുചെയ്യാം. ഒക്ടോബര്‍ ആദ്യം വോട്ടെടുപ്പ് അവസാനിക്കും.ആവശ്യപ്പെട്ടതെല്ലാം നേടിയില്ലെങ്കിലും ബില്‍ഡിംഗ് മൊമെന്റത്തിന്റെ ശമ്പള വ്യവസ്ഥകളില്‍ കാര്യമായ പുരോഗതി കൈവരിക്കാനായെന്ന് കാലിനന്‍ പറഞ്ഞു.
Follow Us/sathyam/media/agency_attachments/5VspLzgrB7PML1PH6Ix6.png)
