40 വര്‍ഷത്തിനിടയിലെ വലിയ വരള്‍ച്ചയില്‍ ആഫ്രിക്ക

ജോഹാന്നസ്ബര്‍ഗ്: ആഫ്രിക്കന്‍ വന്‍കര നിരവില്‍ നേരിടുന്നത് നാല്‍പ്പത് വര്‍ഷത്തിനിടയിലെ ഏറ്റവും രൂക്ഷമായ വരള്‍ച്ച. സോമാലിയ, എത്യോപ്യ, കെനിയ, ജിബൂട്ടി, എറിത്രിയ തുടങ്ങിയ രാജ്യങ്ങളാണ് ഇതിന്റെ കെടുതി ഏറ്റവും കൂടുതല്‍ അനുഭവിക്കുന്നത്.

വരള്‍ച്ചയെത്തുടര്‍ന്ന് 18 ലക്ഷത്തിലേറെ കുട്ടികള്‍ പോഷകാഹാരക്കുറവും രോഗങ്ങളും കാരണം ബുദ്ധിമുട്ടനുഭവിക്കുന്നു. രണ്ടു വര്‍ഷത്തോളമായി ഈ രാജ്യങ്ങളില്‍ ആവശ്യത്തിനു മഴ ലഭിച്ചിട്ടില്ല. ഇപ്പോള്‍, തുടരെ അഞ്ചാം സീസണിലാണ് മഴയുടെ കനിവ് കിട്ടാതെ പോകുന്നത്.

ഇവിടെനിന്ന് പത്തുലക്ഷത്തോളം പേര്‍ ഭക്ഷണവും വെള്ളവുംതേടി പിറന്ന നാടുവിടാന്‍ നിര്‍ബന്ധിതരാകുന്ന സാഹചര്യമാണ്.