ബര്‍ലിന്‍: ജര്‍മ്മനിയില്‍ നായ്ക്കളുടെ നികുതി Hundesteuer റെക്കോര്‍ഡ് തുക നേടി.ഇത് കേള്‍ക്കുമ്പോള്‍ ഇന്‍ഡ്യയിലെ അല്ലെങ്കില്‍ കേരളത്തിലെ പട്ടിപ്രേമികള്‍ മുഖം ചുളിയ്ക്കും, ഓ പട്ടിയ്ക്കും നികുതിയോ എന്നു ചോദിച്ച് മൂക്കത്ത് വിരല്‍വെയ്ക്കും.
/sathyam/media/post_attachments/RmLUXgBEGAMKxkc6VQXb.jpg "publive-image")
അതുപോലെ തന്നെ ജര്‍മ്മനിയിലെ നായ ഉടമകള്‍ക്ക് പ്രത്യേക നികുതി നല്‍കേണ്ടിവരുമെന്നറിയുമ്പോള്‍ ഇവിടെ പുതുതായി എത്തിയ പല മലയാളികളും ആശ്ചര്യപ്പെടും.
ഇവിടുത്തെ ഭരണകൂടത്തിന് ഇത് ഒരു വലിയ വരുമാനമാണ് ~ കഴിഞ്ഞ വര്‍ഷം Hundesteuer റെക്കോര്‍ഡ് 401 ദശലക്ഷം യൂറോ സമാഹരിച്ചു. 2021~ല്‍, ജര്‍മ്മനിയിലുടനീളമുള്ള നഗരങ്ങള്‍ക്കും മുനിസിപ്പാലിറ്റികള്‍ക്കും നായ നികുതിയില്‍ നിന്ന് മുമ്പത്തേക്കാള്‍ ഉയര്‍ന്ന വരുമാനം ഉണ്ടായിരുന്നു, ഇത് പകര്‍ച്ചവ്യാധി സമയത്ത് ആളുകള്‍ നായ്ക്കളെ ദത്തെടുക്കുന്ന പ്രവണതയെ പ്രതിഫലിപ്പിക്കുന്നു.
ഫെഡറല്‍ സ്ററാറ്റിസ്ററിക്കല്‍ ഓഫീസില്‍ നിന്നുള്ള പുതിയ കണക്കുകള്‍ പ്രകാരം 401 മില്യണ്‍ യൂറോയാണ് അധികാരികള്‍ ശേഖരിച്ചത് ~ 2020ല്‍ ഇത് 308 മില്യണില്‍ നിന്ന് ഉയര്‍ന്നു. ഫെഡറല്‍ സ്ററാറ്റിസ്ററിക്കല്‍ ഓഫീസിന്റെ കണക്കനുസരിച്ച് പാന്‍ഡെമിക്കിന് മുമ്പുള്ള വര്‍ഷങ്ങളില്‍ നായ നികുതി വരുമാനം ക്രമാനുഗതമായി ഉയര്‍ന്നു. 2011 ല്‍ 275 മില്യണ്‍ യൂറോ മാത്രമാണ് അധികൃതര്‍ ശേഖരിച്ചത്.
ജര്‍മ്മനിയിലെ എല്ലാ നായ്ക്കളും Hundesteuer ന് വിധേയമാണ്, നായ ഉടമകള്‍ നല്‍കേണ്ട വാര്‍ഷിക ഫീസ്. ഇത് പ്രാദേശിക അധികാരികളെ പിന്തുണയ്ക്കുന്നതിന് വേണ്ടിയാണ്, എന്നാല്‍ ആളുകള്‍ക്ക് ഒരു നായയെ ദീര്‍ഘകാലത്തേക്ക് പിന്തുണയ്ക്കാന്‍ താല്‍പ്പര്യമുണ്ടോ എന്ന് ശരിക്കും ചിന്തിക്കാന്‍ പ്രേരിപ്പിക്കുന്നു. നികുതി എത്ര ഉയര്‍ന്നതാണെന്ന് ജില്ല നിര്‍ണ്ണയിക്കുന്നു, അത് കൃത്യമായി എങ്ങനെ രൂപപ്പെടുത്തിയിരിക്കുന്നു. പലയിടത്തും വീട്ടിലുള്ള നായ്ക്കളുടെ എണ്ണത്തെയും നായയുടെ ഇനത്തെയും ആശ്രയിച്ചിരിക്കും തുക.
ഉദാഹരണത്തിന്, ബെര്‍ലിനില്‍, ആദ്യത്തെ നായയ്ക്ക് പ്രതിവര്‍ഷം 120 യൂറോ ചിലവാകും, ഓരോ അധിക നായയ്ക്കും പ്രതിവര്‍ഷം 180 യൂറോയും ചിലവാകും. ഡ്യൂസല്‍ഡോര്‍ഫില്‍, വീട്ടിലെ ഒരു നായയുടെ നികുതി 96 യൂറോയാണ്, ഇനിയും രണ്ടാമത് ഒന്നുണ്ടെങ്കില്‍ 150 യൂറോയായി ഉയരും..
വളര്‍ത്തുമൃഗങ്ങളെ വളര്‍ത്തുന്ന പ്രവണത മറ്റിടങ്ങളിലും കാണാം. ഉദാഹരണത്തിന്, Industrieverband Heimtierbedarf (പെറ്റ് സപൈ്ളസ് ഇന്‍ഡസ്ട്രി അസോസിയേഷന്‍), Zentralverband Zoologischer Fachbetriebe (സ്പെഷ്യലിസ്ററ് സുവോളജിക്കല്‍ ബിസിനസുകളുടെ സെന്‍ട്രല്‍ അസോസിയേഷന്‍) എന്നിവ ഏപ്രിലില്‍ റിപ്പോര്‍ട്ട് ചെയ്തത് ജര്‍മ്മന്‍ വളര്‍ത്തുമൃഗ വ്യവസായത്തിലെ മൊത്തം വില്‍പ്പന ഏകദേശം 10 ശതമാനം ഉയര്‍ന്നു ~ ഏകദേശം 6 ബില്യണ്‍ യൂറോയാണ്.
അതേസമയം, ജര്‍മ്മന്‍ ആനിമല്‍ വെല്‍ഫെയര്‍ അസോസിയേഷന്‍, വേനല്‍ക്കാലത്ത് നിരവധി മൃഗസംരക്ഷണ കേന്ദ്രങ്ങള്‍ അമിതഭാരമുള്ളതായി റിപ്പോര്‍ട്ട് ചെയ്തു. പല ഷെല്‍ട്ടറുകളും അനുസരിച്ച്, മിക്കപ്പോഴും കൈമാറുന്നവരില്‍ യുവ നായ്ക്കളും ഉള്‍പ്പെടുന്നു. ജര്‍മ്മന്‍ കനീന്‍ അസോസിയേഷന്‍ പറയുന്നതനുസരിച്ച്, മാസങ്ങളോളം വീട്ടില്‍ നിന്ന് ജോലി ചെയ്തതിന് ശേഷം ഉടമകള്‍ക്ക് ജോലിയിലേക്ക് മടങ്ങേണ്ടിവന്നതും അവരുടെ നായ്ക്കളെ പരിപാലിക്കാന്‍ കഴിയാത്തതുമാണ് ഒരു കാരണം.
ഈ വിവരണം പറയാന്‍ ഒരു കാരണമുണ്ട്. കേരളത്തില്‍ ഇപ്പോള്‍ തെരുവുനായ്ക്കളാണ് പ്രധാന വാര്‍ത്ത. എന്നാല്‍, നായ്ക്കളുടെ ആക്രമണം പേടിക്കാതെ നടക്കാവുന്ന തെരുവുകള്‍ ഒരു യൂറോപ്യന്‍ രാജ്യത്തുണ്ട്. നെതര്‍ലന്‍ഡ്സാണ് തെരുവുനായകളില്ലാത്ത യൂറോപ്യന്‍ രാജ്യം. അതെ, വെള്ളപ്പൊക്ക പ്രതിരോധം പഠിക്കാന്‍ കേരള മുഖ്യമന്ത്രി അടക്കമുള്ളവര്‍ നേരത്തെ സന്ദര്‍ശനം നടത്തിയ അതേ നെതര്‍ലന്‍ഡ്സ്. തെരുവുനായ ശല്യം പരിഹരിക്കുന്നതിനെക്കുറിച്ച് പഠിക്കുന്നതിനും ഒരു നെതര്‍ലന്‍ഡ്സ് സന്ദര്‍ശനം വേണമെങ്കില്‍ ആലോചിക്കാവുന്നതാണ്.
നികുതിയും നിയമവും കരുതലും സ്നേഹോപദേശവും ചേര്‍ത്താണ് നെതര്‍ലന്‍ഡ്സില്‍ തെരുവുനായ്ക്കളെ ഇല്ലാതാക്കിയത്. അവയെ കൊന്നൊടുക്കുകയല്ല, അവയ്ക്കെല്ലാം 'വീട്' നല്‍കിക്കൊണ്ടാണ് പരിഹാരം കണ്ടത്. തെരുവുനായ്ക്കളില്ലാത്ത ലോകത്തെ ആദ്യ രാജ്യമെന്ന ഔദ്യോഗിക പ്രഖ്യാപനവും വന്നു.
കടയില്‍നിന്ന് പട്ടിക്കുട്ടിയെ വാങ്ങുമ്പോഴുള്ള നികുതി വ്യവസ്ഥയും സമര്‍ഥമായി ആവിഷ്കരിച്ച ഒട്ടേറെ പദ്ധതികളുമാണ് തെരുവുനായ ശല്യം ഇല്ലാതാക്കാന്‍ ഡച്ചുകാരെ സഹായിച്ചത്. വലിയ തുക നികുതി കൊടുത്ത് പട്ടിയെ വാങ്ങുന്നതിനു പകരം ജനങ്ങള്‍ തെരുവുനായ്ക്കളെ ദത്തെടുക്കാനുള്ള കേന്ദ്രങ്ങളിലേക്കു വരാന്‍ തുടങ്ങി.
തെരുവില്‍നിന്ന് നായ്ക്കളെ പിടിച്ച് വാക്സിനേഷനും വന്ധ്യംകരണത്തിനുമുള്ള പദ്ധതികള്‍ സര്‍ക്കാര്‍ ചെലവില്‍ വിജയകരമായി നടപ്പാക്കി. മൃഗാവകാശങ്ങള്‍ക്കായി നിയമപോരാട്ടമുള്‍പ്പെടെ നടത്താന്‍ സംഘടനകള്‍ സജീവമായി. മൃഗങ്ങളോടുള്ള ക്രൂരത തടയാന്‍ പ്രത്യേക പൊലീസ് സേനയും രൂപീകരിച്ചു. നെതര്‍ലന്‍ഡ്സിലിപ്പോള്‍ 90% ജനങ്ങളും വീട്ടില്‍ നായ്ക്കളെ വളര്‍ത്തുന്നുണ്ട് എന്നതാണ് മറ്റൊരു വസ്തുത.
വാല്‍ക്കഷണം
കേരളത്തിലെ ഒരു ലീഡിംഗ് പത്രപ്രവര്‍ത്തകയും കൂടിയായ നിലവിലെ ആരോഗ്യമന്ത്രി വീണാ ജോര്‍ജിന് ലജ്ജയില്ലേ കേരളത്തിന്റെ ആരോഗ്യമന്ത്രിയായി ചുളുങ്ങാത്ത വസ്ത്രവും ധരിച്ച് മന്ത്രിക്കസേരയില്‍ ഇരിക്കാന്‍. ഒരിയ്ക്കല്‍ നിയമസഭയില്‍ തീപ്പൊരിയായി വിളിച്ചു പറയുന്നതുകേട്ടു. ഈ കപ്പല്‍ ആടില്ലന്ന്, എന്തിന്റെ വെളിച്ചത്തിലാണ് ഈ മന്ത്രി അന്ന് വിളിച്ചു പറഞ്ഞത്. കപ്പല്‍ വെള്ളത്തിലല്ല, കരയ്ക്കായിട്ട് ഒന്നരവര്‍ഷമായി. കപ്പല്‍ വെള്ളത്തിലിറങ്ങിയാലല്ലേ ആടിയുലയുകയുള്ളു. കരയ്ക്കിരിക്കുന്ന കപ്പല്‍ ഇപ്പോള്‍ തുരുമ്പിന് ഭക്ഷണമായിരിയ്ക്കുകയാണ്.
അതേസമയം മന്ത്രിയുടെ അടുത്ത നാടായ റാന്നിയില്‍ പതിനാരുകാരി കൗമാരക്കാരിയുടെ മരണമുള്‍പ്പടെ നരവധിയാളുകള്‍ പേപ്പട്ടിയുടെ കടിയേറ്റു മരിച്ചുവെന്നാണ് മാദ്ധ്യമറിപ്പോര്‍ട്ടുകള്‍. ഇനിയും മരിക്കാന്‍ എത്രപേര്‍കൂടിയെന്ന് ദൈവം തമ്പുരാന് മാത്രമറിയാം. എന്നിട്ടും വിദഗ്ധ സമിതി, അല്ല ബോര്‍ഡ് രൂപീകരണം എന്ന് വീണ്ടും മന്ത്രി പുലമ്പുന്നതു കേട്ടു. അതു മാത്രമല്ല കേരളത്തില്‍ ഒരു മൃഗവകുപ്പും അതിനും ഒരു ചേച്ചി മന്ത്രിയായി സത്യപ്രതിജ്ഞ ചെയ്തിരുന്നല്ലോ. ഈ മൃഗമന്ത്രിയ്ക്കും പട്ടികളുടെ കാര്യത്തില്‍ ഉത്തരവാദിത്വം ഒന്നും ഇല്ലേ, അതോ പട്ടി ഒരു മൃഗം അല്ലേ, ആരോടു പറയാന്‍ ആരു കേള്‍ക്കാന്‍, മരിക്കുന്നവര്‍ മരിക്കട്ടെ, ഇതൊന്നും ഭരണക്കാരുടെ ഉത്തരവാദിത്വത്തിപ്പെട്ട കാര്യങ്ങള്‍ അല്ലെന്നു വേണം കരുതാന്‍.
വെള്ളപ്പൊക്കം പഠിക്കാന്‍ നെതര്‍ലണ്ടിലെത്തി വിഹഗവീക്ഷണം നടത്തി കേരളത്തില്‍ റൂം ഫോര്‍ റിവര്‍ പദ്ധതി പ്രഖ്യാപിച്ച മുഖ്യമന്ത്രിയ്ക്ക് ഒരു പ്രഖ്യാപനം കൂടി നടത്താന്‍ പറ്റിയ സമയമാണ് ഇപ്പോള്‍ കേരളത്തിലുള്ളതെന്നു പറഞ്ഞാല്‍ അതിശയോക്തിയാവില്ല
Follow Us/sathyam/media/agency_attachments/5VspLzgrB7PML1PH6Ix6.png)
