/sathyam/media/agency_attachments/5VspLzgrB7PML1PH6Ix6.png)
Follow Usന്യൂയോര്‍ക്ക് : ലോങ്ങ് ബീച്ച് ടെന്നീസ് സെന്ററില്‍ ലീഗ് അടിസ്ഥാനത്തില്‍ നടന്ന മത്സരത്തില്‍ ശാലേം ടൈറ്റന്‍സിനെ തോല്‍പ്പിച്ച് ശാലേം ഹെഡ്ജ് കിരീടം സ്വന്തമാക്കി. മെന്‍സ് ഡബിള്‍സ് കിരീടം ഡെലവെയര്‍ വാലി സ്പോര്‍ട്‌സ് ക്ലബ്ബിലെ ബിന്‍സണ്‍-ബിനു സഖ്യം നേടി. വാശിയേറിയ മത്സരത്തില്‍ റോക്ലാന്‍ഡ് ബാഡ്മിന്റണ്‍ ക്ലബ്ബിലെ അനീഷ്-സിജോ സഖ്യത്തെയാണ് അവര്‍ പരാജയപ്പെടുത്തിയത്.
/sathyam/media/post_attachments/3v3Cj8Xdxm59qUcgqwon.jpg "publive-image")
സെപ്റ്റംബര്‍ 24 ശനിയാഴ്ച രാവിലെ 9 മണിയോടാരംഭിച്ച മത്സരം വൈകുന്നേരം 7 മണിയോടെ സമാപിച്ചു. അഞ്ചു വയസ്സു മുതല്‍ 65 വയസ്സുവരെയുള്ള കായികതാരങ്ങള്‍ പങ്കെടുത്ത ഈ കായികമാമാങ്കത്തില്‍ 126 മത്സരങ്ങള്‍ നടത്തിക്കൊണ്ടു ചരിത്രം തന്നെ സൃഷ്ടിക്കപ്പെട്ടു. ശാലേം ഹെഡ്ജ്, ശാലേം ടൈറ്റന്‍സ്, ശാലേം നൈറ്റ്സ്, ശാലേം ക്യാപിറ്റല്‍സ് എന്നിങ്ങനെ നാല് ടീമുകളായിരുന്നു ലീഗില്‍ പങ്കെടുത്ത ടീമുകള്‍. ന്യൂ യോര്‍ക്ക്, ന്യൂ ജേഴ്സി, കണക്റ്റികട്ട് പെന്‍സില്‍വാനിയ എന്നീ സംസ്ഥാനങ്ങളില്‍ നിന്നുമുള്ള കായിക താരങ്ങള്‍ ഈ ടൂര്‍ണമെന്റില്‍ പങ്കെടുത്തിരുന്നു
രാവിലെ നടന്ന ഉദ്ഘാടന ചടങ്ങ് വര്‍ണ്ണാഭമായിരുന്നു. ശാലേം യുവജന സഖ്യം പ്രസിഡന്റ് റവ. വി.ടി.തോമസിന്റെ പ്രാര്‍ത്ഥനയോടെ ആരംഭിച്ച ചടങ്ങില്‍ തോമസ് ബിജേഷ് സ്വാഗതം ആശംസിച്ചു. ടൂര്‍ണമെന്റ് ന്യൂ യോര്‍ക്ക് സെനറ്റര്‍ കെവിന്‍ തോമസ് ഉദ്ഘാടനം ചെയ്തതായി പ്രഖ്യാപിച്ചു. മാര്‍ത്തോമ്മാ സഭയുടെ വടക്കേ അമേരിക്കന്‍ ഭദ്രാസന സെക്രട്ടറി റവ. ജോര്‍ജ് ഏബ്രഹാം ആശംസയറിയിച്ചു.
റവ. ജോണ്‍സന്‍ പി. ഏബ്രഹാം, റവ. ഷാജി കൊച്ചുമ്മന്‍, സ്പോണ്‍സര്‍മാരായ സലിം ചൗധരി, ജോണ്‍ വര്ഗീസ്, ജിജോ അലക്‌സ്, സീമ ബിജേഷ്, ടീം ഉടമസ്ഥരായ ഡോ. മാത്യു ജോര്‍ജ്, ഡോ. ജെസ്സ് ജേക്കബ്, ടീന അലക്‌സാണ്ടര്‍, ടീം മാനേജര്‍ സണ്ണി ജോര്‍ജ് എന്നിവര്‍ സന്നിഹിതരായിരുന്നു തുടര്‍ന്നു നടന്ന ടീമുകളുടെ മാര്‍ച്ച്-പാസ്റ്റും കലാപരിപാടികളും ആസ്വാദ്യകരമായിരുന്നു. തോമസ് ബിജേഷ് ക്യാപ്റ്റന്മാര്‍ക്കു പ്രതിജ്ഞാ വാചകം ചൊല്ലിക്കൊടുത്തു. വിജയ ടീമിനുവേണ്ടി ക്യാപ്റ്റന്‍ ഹാപ്പി മാത്യു ശാലേം കപ്പ് സ്വീകരിച്ചു. സമ്മാനദാനങ്ങള്‍ക്കു ശേഷം പങ്കെടുത്തയെല്ലാവര്‍ക്കും ശാലേം യുവജന സഖ്യം സെക്രട്ടറി ദിലീപ് മാത്യു നന്ദി അറിയിച്ചു.