ഡബ്ലിന്‍ : ഡബ്ലിന്‍ സീറോ മലബാര്‍ സഭയുടെ കുടുംബ നവീകരണ ധ്യാനവും ക്രിസ്റ്റീന്‍ ധ്യാനവും നാളെ ആരംഭിക്കും. ഡബ്ലിന്‍ ബാലിമണ്‍ റോഡിലുള്ള *ഗ്ലാസ്‌നേവിന്‍ ഔര്‍ ലേഡി ഓഫ് വിക്ടറീസ് ദേവാലയത്തിലാണ് (Our Lady of Victories Catholic Church,Ballymun Rd, Glansevin, Dublin, D09 Y925) ഈവര്‍ഷത്തെ ധ്യാനം നടക്കുക. ഉച്ചക്ക് പന്ത്രണ്ട് മുതല്‍ വൈകിട്ട് 6 വരെയാണ് ധ്യാനം. ധ്യാനം നടക്കുന്ന മൂന്നു ദിവസവും വിശുദ്ധ കുര്‍ബാനയ്ക്കും, ആരാധനക്കും, വചന പ്രഘോഷണത്തിനുമൊപ്പം കുമ്പസാരത്തിനുള്ള സൗകര്യവും ഉണ്ടായിരിക്കും.
/sathyam/media/post_attachments/yWJk2VLXfHnPa9z70iAZ.jpg "publive-image")
ധ്യാനം നയിക്കുന്ന റവ. ഡോ. ജോസഫ് (റോയ്) കടുപ്പില്‍ ഇന്ന് ഡബ്ലിനില്‍ എത്തിച്ചേര്‍ന്നു. പാലാ രൂപതാഗവും വടവാതൂര്‍ പൗരസ്ത്യ വിദ്യാപീഠം പ്രഫസറുമാണ് ഫാ. ജോസഫ് (റോയ്) കടുപ്പില്‍. രൂപതാ കുടുംബ കോടതിയിലെ അനുഭവസമ്പത്തും, ഷിക്കാഗോ രൂപത ഉള്‍പ്പെടെ പ്രവാസികളുടെ ഇടയില്‍ പ്രവര്‍ത്തനപരിചയവുമുള്ള അച്ചന്‍ കുടുബനവീകരണ ധ്യാനങ്ങളും വിവാഹ ഒരുക്ക ക്ലാസുകളും നയിച്ചുവരുന്നു.
കുടുംബ നവീകരണ ധ്യാന ദിവസങ്ങളില്‍ (2022 ഒക്ടോബര്‍ 29.30,31) വൈറ്റ്ഹാള്‍ ഹോളി ചൈല്‍ഡ് ദേവാലയത്തില്‍ കുട്ടികള്‍ക്കായി ധ്യാനം നടക്കും. രാവിലെ 11:45 മുതല്‍ വൈകിട്ട് 6:15 വരെയാണ് ധ്യാനം നടക്കുക.
സീറോ മലബാര്‍ സഭയുടെ യൂറോപ്യന്‍ യൂത്ത് അപ്പസ്‌തോലേറ്റ് ഡയറക്ടര്‍ ഫാ. ബിനോജ് മുളവരിക്കലും യൂത്ത് ടീമുമാണ് ധ്യാനം നയിക്കുക. കുട്ടികളുടെ ധ്യാനത്തില്‍ പങ്കെടുക്കുവാനുള്ള രജിസ്‌ട്രേഷന്‍ ഡബ്ലിന്‍ സീറോ മലബാര്‍ സഭയുടെ വെബ്‌സൈറ്റിലെ (www.syromalabar.ie) പി.എം.എസ് വഴി തുടരുന്നു.
ധ്യാന ദിവസങ്ങളില്‍ ഡബ്ലിനിലെ മറ്റു കുര്‍ബാന സെന്ററുകളില്‍ വിശുദ്ധ കുര്‍ബാന ഉണ്ടായിരിക്കുന്നതല്ല.കുടുംബ നവീകരണ ധ്യാനത്തിലേയ്ക്ക് ഏവരേയും ഒരിക്കല്‍കൂടി സ്വാഗതം ചെയ്യുന്നതായി ഡബ്ലിന്‍ സീറോ മലബാര്‍ സഭാ നേതൃത്വം അറിയിച്ചു.
Follow Us/sathyam/media/agency_attachments/5VspLzgrB7PML1PH6Ix6.png)
