ബംഗളൂരുവില്‍നിന്നു മടങ്ങവേ കാമിലയുടെ വിമാനത്തില്‍ പക്ഷി ഇടിച്ചു

ലണ്ടന്‍: ബ്രിട്ടീഷ് രാജാവ് ചാള്‍സ് മൂന്നാമന്റെ ഭാര്യ കാമില സഞ്ചരിച്ച വിമാനത്തില്‍ പക്ഷി ഇടിച്ചു. ബംഗളൂരുവില്‍നിന്ന് ലണ്ടനിലേക്കുള്ള യാത്രയ്ക്കിടെയാണ് സംഭവം. ബ്രിട്ടീഷ് എയര്‍വേയ്സ് വിമാനത്തിലാണ് വലിയ പക്ഷിയിടിച്ചത്. വിമാനത്തിന്റെ മുന്‍ഭാഗത്തിന് കേടുപാട് സംഭവിച്ചു.

രാജ്ഞി സ്ഥിരമായി സന്ദര്‍ശിക്കാറുള്ള ബാംഗ്ളൂരിലെ 'സൗഖ്യ' വെല്‍നെസ് സെന്റര്‍ സന്ദര്‍ശിച്ച് മടങ്ങവെ ആയിരുന്നു അപകടം. ബംഗളൂരുവില്‍നിന്ന് ബ്രിട്ടനിലെ ഹീത്രൂ വിമാനത്താവളത്തിലേക്കു പുറപ്പെട്ട ബോയിങ് 777~200ഇആര്‍ എയര്‍ക്രാഫ്റ്റാണ് അപകടത്തില്‍ പെട്ടത്. സംഭവത്തെക്കുറിച്ച് ബക്കിങ്ഹം പാലസില്‍നിന്ന് ഔദ്യോഗിക പ്രതികരണങ്ങളൊന്നുമുണ്ടായിട്ടില്ല.

ഒക്ടോബര്‍ 20 നാണ് രാജ്ഞിയും സംഘവും 'സൗഖ്യ'യിലെത്തിയത്.