30
Wednesday November 2022
Europe

പ്രസവാവധി കഴിഞ്ഞു വന്നപ്പോള്‍ ജോലിയില്ല… ക്ലീനര്‍ക്ക് 8567 യൂറോ നഷ്ടപരിഹാരം

Inter national desk
Thursday, November 24, 2022

ഡബ്ലിന്‍ : പ്രസവാവധിയെടുത്ത ജോലിക്കാരിയെ നിയമവിരുദ്ധമായി പിരിച്ചുവിട്ടതിന്റെ പേരില്‍ ശുചീകരണത്തൊഴിലാളിയ്ക്ക് 7000 യൂറോ നഷ്ടപരിഹാരം നല്‍കാന്‍ വര്‍ക്ക്‌പ്ലേസ് റിലേഷന്‍സ് കമ്മീഷന്‍ ഉത്തരവ്. മെറ്റേണിറ്റി അവധിയെടുത്തതിന്റെ പേരില്‍ ജോലി നഷ്ടപ്പെട്ട ക്ലീനര്‍ക്ക് അനുകൂലമായാണ് വിധി.ജോലിയില്ലാതെ നിന്ന സമയത്തെ നല്‍കാത്ത വേതനവും അവധിദിനങ്ങളും അടക്കമുള്ള നിയമ ലംഘനങ്ങള്‍ക്കുമായി 1,567 യൂറോയും നഷ്ടപരിഹാരമായി നല്‍കണമെന്നും കമ്മീഷന്‍ ഉത്തരവിട്ടു.ഇക്കോ-സ്വിഫ്റ്റ് എന്‍വയോണ്‍മെന്റല്‍ സര്‍വീസസ് എന്ന സ്ഥാപനത്തിനെതിരെയാണ് വിധി വന്നത്.

1994ലെ മെറ്റേണിറ്റി പ്രൊട്ടക്ഷന്‍ ആക്ടിന്റെ വ്യക്തമായ ലംഘനമാണ് ഡോണ്‍ ഒ ബ്രിയന്റെ കേസില്‍ നടന്നതെന്ന് അഡ് ജുഡികേറ്റിംഗ് ഓഫീസര്‍ ഷെയ് ഹെന്റി പറഞ്ഞു.

സ്ഥാപനത്തിന്റെ ഉടമസ്ഥന്‍ മാറിയാലും പ്രസവാവധിയില്‍ കഴിയുന്ന ജീവനക്കാരന് സമാനമായ കരാറില്‍ വീണ്ടും ജോലി ചെയ്യാന്‍ ഈ നിയമപ്രകാരം അര്‍ഹതയുണ്ടെന്ന് കമ്മീഷന്‍ അഭിപ്രായപ്പെട്ടു.ലിംഗഭേദത്തിന്റെ അടിസ്ഥാനത്തിലാണ് വിവേചനപരമായി പിരിച്ചുവിട്ടത്.അതിനാല്‍ 26 ആഴ്ചത്തെ നഷ്ടപരിഹാരമായി 7,000 യൂറോ നല്‍കണമെന്നും കമ്മീഷന്‍ വ്യക്തമാക്കി.

പേയ്‌മെന്റ് ഓഫ് വേജസ് ആക്ട്, ഓര്‍ഗനൈസേഷന്‍ ഓഫ് വര്‍ക്കിംഗ് ടൈം ആക്ട് എന്നിവയ്ക്ക് കീഴിലുള്ള ക്ലെയിമുകളും നല്‍കിയിട്ടില്ല. അതിനാല്‍ വിവിധ തൊഴില്‍ നിയമ ലംഘനങ്ങള്‍ക്കായി 1,567 യൂറോ കൂടി നല്‍കണമെന്നും കമ്മീഷന്‍ വിധിച്ചു.

താല്‍ക്കാലിക തൊഴിലാളിയെ നിയമിച്ചതിന്റെ പേരിലാണ് നിലവില്‍ വേക്കന്‍സിയില്ലെന്ന് തൊഴിലുടമ അറിയിച്ചതെന്ന് കമ്മീഷന് ബോധ്യപ്പെട്ടിരുന്നു.

2018 ഒക്ടോബര്‍ മുതല്‍ സ്ഥാപനത്തില്‍ ജോലി ചെയ്തിരുന്നയാളാണ്്ശ്രീമതി ഒ ബ്രിയന്‍. 2020 നവംബറിലാണ് പ്രസവാവധി എടുത്തത്.തിരികെ വന്നപ്പോള്‍ ജോലിയില്ലെന്ന മറുപടിയാണ് ലഭിച്ചത്.കോവിഡ് കാരണമായി പറഞ്ഞ് 2021 ജൂണില്‍ ജോലിയില്‍ നിന്നും പിരിച്ചുവിടുകയാണെന്ന കത്തും ലഭിച്ചു. ലീവ് എടുക്കുന്നതിന് മുമ്പ് തന്നെ തൊഴിലുടമ പ്രശ്‌നമുണ്ടാക്കിയിരുന്നുവെന്ന് ഒ ബ്രിയന്‍ ട്രൈബ്യൂണലില്‍ പറഞ്ഞു.

അവധിക്കാല വേതനമോ വാര്‍ഷിക അവധിയോ നോട്ടീസ് വേതനമൊന്നും ഇതുവരെ ലഭിച്ചിട്ടില്ല. എല്ലാം കുടിശ്ശികയാണ്. ജോലിയില്‍ നിന്ന് പിരിച്ചുവിട്ട സമയത്തെ ജോലിക്കുള്ള ശമ്പളവും ലഭിച്ചിട്ടില്ല.താന്‍ ചെയ്തിരുന്ന ജോലി ഇപ്പോള്‍ രണ്ട് പേരാണ് ചെയ്യുന്നതെന്നും ഇവര്‍ പറഞ്ഞു.
പ്രസവാവധി കഴിഞ്ഞ് തിരികെ വരുന്നത് വരെ തന്റെ ജോലിയില്‍ പ്രശ്‌നമുണ്ടെന്ന് ഒരിക്കലും തൊഴിലുടമ പറഞ്ഞിട്ടില്ലെന്ന് അവര്‍ പറഞ്ഞു.

ന്യായമായ ഹിയറിംഗോ മറുപടി നല്‍കാനുള്ള അവകാശമോ അപ്പീല്‍ നല്‍കാനുള്ള അവസരമോ നല്‍കിയില്ല. ഇത് സ്വാഭാവിക നീതി നിഷേധമാണെന്നും ഒ ബ്രിയന്‍ ബോധിപ്പിച്ചു.

നേരത്തേ അഞ്ച് ഫാക്ടറികളുമായി ക്ലീനിംഗ് കരാറുകള്‍ ഉണ്ടായിരുന്നു. ഇപ്പോള്‍ ഒരു കരാര്‍ മാത്രമാണ് ഉള്ളതെന്നുമൊക്കെയുള്ള വാദങ്ങള്‍ തൊഴിലുടമ ഉന്നയിച്ചെങ്കിലും അതൊന്നും കമ്മീഷന്‍ പരിഗണിച്ചില്ല.

More News

മനാമ: ഫ്രണ്ട്സ് അസോസിയേഷൻ ഓഫ് തിരുവല്ല (FAT) പ്രവർത്തനം ആരംഭിച്ചിട്ട് 25 വർഷം പിന്നിട്ടിരിക്കുന്ന സാഹചര്യത്തിൽ വിപുലമായ ആഘോഷപരിപാടികളാണ് സംഘടിപ്പിച്ചിരിക്കുന്നത്. ഡിസംബർ ഒന്നാം തീയതി വ്യാഴം രാത്രി ഏഴിന്‌ മനാമ ഗോൾഡൻ തുലിപ് ഹോട്ടലിൽ വച്ച് നടക്കുന്ന പ്രൗഡഗംഭീരമായ പരിപാടിയിൽ കേരള സംസ്ഥാന ജലസേചന വകുപ്പ് മന്ത്രി റോഷി അഗസ്റ്റിൻ മുഖ്യ അതിഥി ആയിരിക്കും. പ്രസ്തുത സമ്മേളനത്തിൽ വച്ചു പ്രവാസ സമൂഹത്തിന്റെ നന്മ ലക്ഷ്യം വെച്ചുകൊണ്ട് വിവിധ മേഖലകളിൽ പ്രവർത്തിക്കുന്ന തിരുവല്ല മണ്ണിൽ ബോബൻ തോമസിനെ ബിസിനസ്‌ […]

ദോഹ: ഖത്തര്‍ ലോകകപ്പില്‍ വീണ്ടും ഒരു അട്ടിറി. കരുത്തരനായ ഫ്രാന്‍സിനെ ഏകപക്ഷീയമായ ഒരു ഗോളുകള്‍ക്ക് ടുണീഷ്യയാണ് തോല്‍പിച്ചത്. 58-ാം മിനിറ്റില്‍ വഹ്ബി ഖസ്‌റിയാണ് ഗോള്‍ നേടിയത്. പ്രീക്വാർട്ടർ ഉറപ്പിച്ചതോടെ പ്രമുഖ താരങ്ങൾക്കെല്ലാം ഫ്രാന്‍സ് വിശ്രമം നല്‍കിയിരുന്നു. എന്നാല്‍ ഈ മത്സരത്തില്‍ വിജയിച്ചെങ്കിലും, ടുണീഷ്യയ്ക്ക് പ്രീ ക്വാര്‍ട്ടറില്‍ പ്രവേശിക്കാന്‍ സാധിച്ചില്ല. എങ്കിലും കരുത്തരായ ഫ്രാന്‍സിനെ അട്ടിമറിക്കാന്‍ സാധിച്ചതിന്റെ ആത്മവിശ്വാസത്തില്‍ അവര്‍ക്ക് തല ഉയര്‍ത്തി ഖത്തറില്‍ നിന്ന് മടങ്ങാം. മറ്റൊരു മത്സരത്തില്‍, ഡെന്മാര്‍ക്കിനെ 1-0 ന് തകര്‍ത്ത് ഓസ്‌ട്രേലിയയും ഗ്രൂപ്പ് […]

കൊച്ചി: ഇന്ത്യയിലെ അതിവേഗം വളരുന്ന ലൈഫ് ഇന്‍ഷൂറന്‍സ് കമ്പനികളിലൊന്നായ ടാറ്റാ എഐഎ ലൈഫ് ഇന്‍ഷൂറന്‍സ് 300 ഇന്‍-ഹൗസ് ഫിസിഷ്യന്‍മാരും 4500-ല്‍ പരം മുന്‍നിര, സ്വതന്ത്ര മെഡിക്കല്‍ സ്പെഷ്യലിസ്റ്റുകളും ഉള്ള മെഡിക്കല്‍ മാനേജുമെന്‍റ് സേവനങ്ങള്‍ നല്‍കുന്ന ആഗോള കമ്പനിയായ മെഡിക്സുമായി സഹകരണത്തിലേര്‍പ്പെട്ടു. ഗുരുതര രോഗങ്ങളുമായി ബന്ധപ്പെട്ട് അക്രഡിറ്റഡ് മെഡിക്കല്‍ സ്പെഷ്യലിസ്റ്റുകളുടെ പ്രാദേശിക, ആഗോള ശൃംഖലയുടെ പിന്തുണ നേടാന്‍ ഈ സഹകരണം ടാറ്റാ എഐഎ ഉപഭോക്താക്കളെ സഹായിക്കും. ടേം, സേവിങ്സ്, പെന്‍ഷന്‍ വിഭാഗങ്ങളില്‍ പെട്ട ഇന്‍ഷൂറന്‍സ് പദ്ധതികള്‍ വാങ്ങുന്ന പോളിസി […]

തിരുവനന്തപുരം: അതൃപ്തിയെ തുടർന്ന് കുറച്ച് കാലമായി സി.പി.എം- എൽ.ഡി.എഫ് പരിപാടികളിൽ നിന്ന് വിട്ടുനിൽക്കുന്ന ഇ.പി.ജയരാജൻ വീണ്ടും സജീവമാകുന്നു. ആരോഗ്യപ്രശ്‌നങ്ങള്‍ ചൂണ്ടിക്കാട്ടി അവധി ദീർഘിപ്പിച്ച് വീട്ടിലിരിക്കുകയാണെങ്കിലും ദൈനംദിന രാഷ്ട്രീയ സംഭവവികാസങ്ങളിൽ പ്രസ്താവനയിലൂടെയും മറ്റും പ്രതികരിച്ചുകൊണ്ടാണ് ജയരാജൻ വീണ്ടും പാർട്ടിയുടെ മുഖ്യ ധാരയിലേക്ക് എത്തുന്നത്. പാർട്ടിയുടെയും മുന്നണിയുടെയും പോക്കിൽ അതൃപ്തിയുളളതുകൊണ്ട് സജീവ രാഷ്ട്രീയത്തിൽ നിന്ന് വിരമിക്കുന്നു എന്ന തരത്തിൽ വാർത്തകൾ വന്നപ്പോൾ അത് നിഷേധിക്കാൻ കൂട്ടാക്കാതിരുന്ന ഇ.പി.ജയരാജൻ ചില ഫേസ് ബുക്ക് പോസ്റ്റിലൂടെ അതിനും ശ്രമം നടത്തുന്നുണ്ട്. കഴിഞ്ഞ ദിവസം […]

കൊച്ചി: ഇന്ത്യന്‍ ടൈല്‍ ആന്‍ഡ് സ്റ്റോണ്‍ ഇന്‍സ്റ്റലേഷന്‍ ഉല്‍പ്പന്ന വിഭാഗത്തിലെ ലീഡറും ഏറ്റവും മികച്ച പ്രീമിയം ബ്രാന്‍ഡുമായ എംവൈകെ ലാറ്റിക്രീറ്റ് , ഇന്ത്യന്‍ ക്രിക്കറ്റിലെ ഏറ്റവും വിജയപ്രദനായ വിക്കറ്റ് കീപ്പറും ക്യാപ്റ്റനുമായ എംഎസ് ധോണിയെ തങ്ങളുടെ ദേശീയ ബ്രാന്‍ഡ് അംബാസഡറായി പ്രഖ്യാപിച്ചു. ഈ വ്യവസായ രംഗത്ത് സ്വാധീനം ചെലുത്തുന്നവരെയും ഉപഭോക്താക്കളെയും നൂതനമായ ടൈല്‍ ആന്‍ഡ് സ്റ്റോണ്‍ ഇന്‍സ്റ്റാളേഷന്‍ മാര്‍ഗ്ഗങ്ങളെ കുറിച്ച് ബോധവത്കരിക്കാനും മികച്ച ഗുണനിലവാരമുള്ളതും ഈടുനില്‍ക്കുന്നതുമായ ഉല്‍പ്പന്നങ്ങളിലൂടെ ലക്ഷ്യബോധം ഉണര്‍ത്താനും ധോണിയുടെ ആധികാരിക ശൈലി പ്രതിഫലിപ്പിക്കുന്ന ഒരു […]

ശ്രീ ശങ്കരാചാര്യ സംസ്കൃത സർവ്വകലാശാലയുടെ മുൻ വൈസ് ചാൻസലറും സംസ്കൃത സാഹിത്യ വിഭാഗം തലവനുമായിരുന്ന ഡോ. ധർമ്മരാജ് അടാട്ടിന്റെ പേരിൽ രൂപീകരിച്ച എൻഡോവ്മെന്റിന്റെ പ്രഥമ പ്രഭാഷണം നാളെ (ഡിസംബർ 1) രാവിലെ 10ന് മുൻ വിദ്യാഭ്യാസ മന്ത്രി എം. എ. ബേബി നിർവ്വഹിക്കുമെന്ന് സർവ്വകലാശാല അറിയിച്ചു. ‘ഇന്ത്യൻ ഭരണഘടനയുടെ ആമുഖംഃ ദർശനവും പ്രസക്തിയും’ എന്നതാണ് പ്രഭാഷണ വിഷയം. കാലടി മുഖ്യക്യാമ്പസിലെ സെമിനാർ ഹാളിൽ സംഘടിപ്പിക്കുന്ന ചടങ്ങിൽ വൈസ് ചാൻസലർ പ്രൊഫ. എം. വി. നാരായണൻ എൻഡ‍ോവ്മെന്റ് പ്രഭാഷണം […]

കുവൈറ്റ് സിറ്റി: ടൂറിസത്തിന്റെ ഏറ്റവും പുതിയ രൂപത്തിന് ജന്മം കൊടുത്ത് ‘ഫ്ലൈ വേൾഡ് ലക്ഷ്വറി – ടൂറിസം റിസർച്ച് സെന്റർ’ കുവൈറ്റിൽ പ്രവർത്തനമാരംഭിക്കുന്നു. ആഡംബര യാത്രകൾ തുടങ്ങി ഏറ്റവും നൂതന വിനോദസഞ്ചാര മേഖലകളിലേക്ക് തികച്ചും ആകർഷകമായ പ്രീമിയം സെർവീസുകൾ മുൻനിർത്തിയാണ് ഫ്ലൈ വേൾഡ് ലക്ഷ്വറി കുവൈറ്റിന്റെ ഹൃദയ ഭാഗത്ത് സ്ഥിതി ചെയ്യുന്ന ദാവലിയ കോംപ്ലക്സിൽ പ്രവർത്തനം തുടങ്ങിയിരിക്കുന്നത്. ടൂറിസത്തിലെ തന്നേ ഏറ്റവും വ്യത്യസ്തം എന്ന് പറയാവുന്ന ഈ ലക്ഷ്വറി ടൂറിസം സർവീസുകൾ ആരംഭിച്ചിരിക്കുന്നത് കുവൈറ്റിലെ ബിസിനസ് ഗ്രൂപ്പായ […]

ദില്ലി : ഇന്ത്യ-ചൈന ബന്ധങ്ങളിൽ ഇടപെടേണ്ടെന്നു അമേരിക്കയ്ക്കു ബെയ്‌ജിംഗ് താക്കീതു നൽകിയതായി പെന്റഗൺ റിപ്പോർട്ട്. ഇന്ത്യയുമായുള്ള അതിർത്തി പ്രശ്നങ്ങൾ പരിഹരിക്കാൻ ചൈന ശ്രമിക്കുമ്പോൾ യുഎസിനെ അകറ്റി നിർത്തുക എന്ന ലക്‌ഷ്യം കൂടിയുണ്ടെന്നു റിപ്പോർട്ട് സൂചിപ്പിക്കുന്നു. 2020-2021 ൽ ലഡാക്കിലെ ഗാൽവൻ താഴ്‌വരയിൽ ഉണ്ടായ അതിർത്തി സംഘർഷങ്ങൾ അതിന്റെ രൂക്ഷത കുറച്ചു കാണിക്കാൻ ചൈന ശ്രമിച്ചതും മൂന്നാം കക്ഷിയുടെ രംഗപ്രവേശം ഒഴിവാക്കാനാണ്. എന്നാൽ 46 വർഷത്തിനിടയിലെ ഏറ്റവും വലിയ ഏറ്റുമുട്ടൽ നടന്നിരുന്നു. ഇരു പക്ഷവും സൈനിക സാന്നിധ്യം വർധിപ്പിക്കയും […]

ഷാര്‍ജ: ഷാര്‍ജയിലുണ്ടായ വാഹനാപകടത്തില്‍ മലയാളി മരിച്ചു. ആലപ്പുഴ കായംകുളം പുതുപ്പള്ളി തെക്ക് എഴുത്തുപള്ളില്‍ പരേതരായ രാഘവന്‍ ഉണ്ണിത്താന്റെയും രത്നമ്മയുടെയും മകന്‍ ഗോപകുമാര്‍ (48) ആണ് മരിച്ചത്. 10 വർഷമായി ഷാർജയിൽ ജോലി ചെയ്യുകയായിരുന്നു. ഭാര്യ: ശ്രീജ. മകള്‍: ഗോപിക. നടപടികള്‍ പൂര്‍ത്തിയാക്കിയ ശേഷം മൃതദേഹം നാട്ടില്‍ കൊണ്ടുപോകും.

error: Content is protected !!