/sathyam/media/agency_attachments/5VspLzgrB7PML1PH6Ix6.png)
Follow Usദോഹ: ഡി ഗ്രൂപ്പിലെ തുടര്‍ച്ചയായ രണ്ടാം ജയത്തോടെ ഫ്രാന്‍സ് ലോകകപ്പ് പ്രീ ക്വാര്‍ട്ടര്‍ ഫൈനലില്‍ സ്ഥാനമുറപ്പാക്കി. സൂപ്പര്‍താരം കിലിയന്‍ എംബാപ്പെയുടെ ഇരട്ടഗോളാണ് ഡെന്‍മാര്‍ക്കിനെതിരേ ഫ്രാന്‍സിന്റെ വിജയത്തിനു കരുത്തു പകര്‍ന്നത്. ഒന്നിനെതിരെ രണ്ടു ഗോളുകള്‍ക്കായിരുന്നു നിലവിലുള്ള ചാമ്പ്യന്മാരുടെ വിജയം./sathyam/media/post_attachments/3XbowVCCTfsLFDnlkM8V.jpg "publive-image")
മൂന്നാം പകുതിയിലാണ് മത്സരത്തിലെ മൂന്നു ഗോളും പിറക്കുന്നത്. 61ാം മിനിറ്റിലാണ് എംബാപ്പെ ഫ്രാന്‍സിനെ മുന്നിലെത്തിക്കുന്നത്. എന്നാല്‍, ഏഴു മിനിറ്റിനുള്ളില്‍ ആന്‍ഡ്രിയാസ് ക്രിസ്ററന്‍സന്‍ ഡെന്‍മാര്‍ക്കിനു സമനില നേടിക്കൊടുത്തു.
പക്ഷേ, ഡാനിഷ് പ്രതീക്ഷകള്‍ തച്ചുതകര്‍ത്ത്, 86ാം മിനിറ്റില്‍ എംബാപ്പെ വീണ്ടും വല ചലിപ്പിക്കുകയായിരുന്നു. ഈ ലോകകപ്പില്‍ ആദ്യമായി പ്രീ ക്വാര്‍ട്ടര്‍ ഉറപ്പിക്കുന്ന ടീമാണ് ഫ്രാന്‍സ്. പരുക്കു കാരണം ആറ് മുന്‍നിര താരങ്ങളില്ലാതെയാണ് അവര്‍ മത്സരങ്ങള്‍ക്കിറങ്ങുന്നത്.
അതേസമയം, ആദ്യ കളിയില്‍ ടുനീഷ്യയോട് ഗോള്‍രഹിത സമനില വഴങ്ങിയതിനാല്‍ ഡെന്മാര്‍ക്കിന്റെ നോക്കൗട്ട് സാധ്യതകള്‍ മങ്ങി.