ജര്‍മനി വോളണ്ടറി റിട്ടയര്‍മെന്റ് നിര്‍ത്തിയേക്കും

ബര്‍ലിന്‍: വിരമിക്കല്‍ പ്രായമാകും മുന്‍പേ വിരമിക്കുന്ന പ്രവണത നിയന്ത്രിക്കണമെന്ന് ജര്‍മന്‍ ചാന്‍സലര്‍ ഒലാഫ് ഷോള്‍സ്.
രാജ്യത്തിന്റെ പെന്‍ഷന്‍ സംവിധാനം കടുത്ത പ്രതിസന്ധിയിലേക്കാണ് നീങ്ങുന്നത്. ഇതു നേരിടാനുള്ള മാര്‍ഗമെന്ന നിലയിലാണ്, മുന്‍കൂറായി വിരമിക്കുന്നുവരുടെ എണ്ണം നിയന്ത്രിക്കാനുള്ള ആഹ്വാനം.

നിലവില്‍ 65 വയസാണ് രാജ്യത്തെ വിരമിക്കല്‍ പ്രായം. 2031 ആകുന്നതോടെ ഇത് 67 ആക്കാനും ഉദ്ദേശിക്കുന്നത്. എങ്കിലും നിരവധി പേര്‍ അറുപത് കടക്കുന്നതോടെ വോളന്ററി റിട്ടയര്‍മെന്റ് എടുക്കുന്നത് സാധാരണമാണ്.63 ~ 64 പ്രായത്തിനിടയിലാണ് ഏറ്റവും കൂടുതലാളുകള്‍ സ്വയം വിരമിക്കുന്നത്. 45 വര്‍ഷം കോണ്‍ട്രിബ്യൂഷന്‍ നടത്തിയിട്ടുള്ള എല്ലാവരും 63 വയസ് മുതല്‍ മുഴുവന്‍ പെന്‍ഷന്‍ ആനുകൂല്യങ്ങള്‍ക്കും അര്‍ഹരാണ്.പുതിയ സ്റേററ്റ് പെന്‍ഷന്‍ വാങ്ങിയവരില്‍ 26.3 ശതമാനം പേരും 65 തികയും മുന്‍പ് വിരമിച്ചവരാണ്.

2014ല്‍ 45 വര്‍ഷത്തെ സംഭാവനകള്‍ക്ക് ശേഷം കിഴിവുകളില്ലാതെ പെന്‍ഷന്‍ അവതരിപ്പിച്ചതിനുശേഷം, രണ്ട് ദശലക്ഷത്തിലധികം ജീവനക്കാര്‍ ഈ ഓപ്ഷന്‍ പ്രയോജനപ്പെടുത്തി. 2021~ല്‍ മാത്രം ഏകദേശം 269,000 ജീവനക്കാരുണ്ടായിരുന്നു ~ പുതിയ പെന്‍ഷന്‍കാരില്‍ 26.3 ശതമാനം! ഒപ്പം: ഈ വര്‍ഷം ഒരു പുതിയ വര്‍ദ്ധനവിന് സാധ്യതയുണ്ട്. ഒക്ടോബര്‍ അവസാനത്തോടെ 63 വയസ്സില്‍ പെന്‍ഷനുവേണ്ടി 222,993 അപേക്ഷകള്‍ ലഭിച്ചിട്ടുണ്ട്, ഇത് 2021~നെ അപേക്ഷിച്ച് 4.1 ശതമാനം കൂടുതലാണ് (214,231).