ലാസ് വേഗസിനു സമീപം കാറപകടം: ഇന്ത്യൻ അമേരിക്കൻ  ബാലൻ മരിച്ചു 

ലാസ് വേഗസ്: ക്രിസ്മസ് ദിനത്തിൽ  ലാസ് വേഗസിനു സമീപമുണ്ടായ കാർ അപകടത്തിൽ രണ്ട് വയസ്സുള്ള ആരവ് മരിക്കുകയും അമ്മ ശ്രവ്യ മുത്യാല   ആശുപത്രിയിൽ ജീവനുവേണ്ടി മല്ലിടുകയും ചെയ്യുന്നു. കാലിഫോർണിയയിലെ ഇ വിനിൽ  താമസിക്കുന്ന രവീന്ദർ മുത്യാല, ശ്രവ്യ മുത്യാല, മകൻ ആരവ് എന്നിവർ ലാസ് വേഗത്തിൽ നിന്ന് മടങ്ങുമ്പോഴായിരുന്നു അപകടം. എങ്ങനെയാണ് അപകടം ഉണ്ടായതെന്ന് വ്യക്തമല്ല.  രവീന്ദ്ര കാര്യമായ പരിക്കില്ലാതെ രക്ഷപ്പെട്ടു.

ക്ലാർക്ക് കൗണ്ടിയിലെ പ്രധാന റോഡായ ലാസ് വെഗാസ് ബുലവാർഡിലാണ് അപകടമുണ്ടായതെങ്ങ് നെവാഡ സ്റ്റേറ്റ് പോലീസ് ഹൈവേ പട്രോൾ അറിയിച്ചു.

കുടുംബത്തെ സഹായിക്കുന്നതിനായി  ഗോ ഫൗണ്ട് മി വഴി തുക സമാഹരിക്കുന്നു.

വിവരണാതീതമായ വേദനയുടെയും സങ്കടത്തിന്റെയും ഈ മണിക്കൂറിൽ, കുടുംബത്തെ പിന്തുണയ്ക്കാനും കുടുംബം ഇപ്പോൾ നേരിടുന്ന സാമ്പത്തിക ബുദ്ധിമുട്ടുകൾ കുറയ്ക്കാനും  ആഗ്രഹിക്കുന്നുവെന്ന്  ഗോ ഫണ്ട് മി പേജിൽ പറയുന്നു. പേജ് വായിക്കുന്നു.

സമാഹരിക്കുന്ന തുക ശ്രവ്യയുടെ ചികിത്സാ ചെലവുകൾക്കായി ഉപയോഗിക്കും.

സമാഹരിക്കുന്ന തുക ശ്രവ്യയുടെ ചികിത്സാ ചെലവുകൾക്കായി ഉപയോഗിക്കും. ഈ അപകടത്തിന് ഒരു ദിവസം മുമ്പ്,  മഞ്ഞുവീഴ്ചയെ തുടർന്ന് പെൻസിൽവാനിയയിൽ ഉണ്ടായ  വാഹന അപകടത്തിൽ ഹരിയാനയിൽ നിന്നുള്ള 26 കാരനായ ഒരാൾ മരിച്ചു.

ഡിസംബർ 26 ന്, അമേരിക്കയിലെ അരിസോണ സംസ്ഥാനത്തിലെ തണുത്തുറഞ്ഞ തടാകത്തിൽ നടക്കുന്നതിനിടെ മഞ്ഞുപാളിയിലൂടെ വീണ മൂന്ന് ഇന്ത്യൻ-അമേരിക്കക്കാർ മുങ്ങിമരിച്ചു.