സെലന്‍സ്കി നാറ്റോ ഉച്ചകോടിയില്‍ പങ്കെടുത്തേക്കും

വില്‍നിയസ്: ലിത്വാനിയയിലെ വില്‍നിയസില്‍ നടക്കുന്ന നാറ്റോ ഉച്ചകോടിയില്‍ യുക്രെയ്ന്‍ പ്രസിഡന്‍റ് വൊളോദിമിര്‍ സെലന്‍സ്കി പങ്കെടുത്തേക്കും. ലിത്വാനിയയിലെ യുക്രെയ്ന്‍ അംബാസിഡര്‍ പെട്രോ ബെഷ്തയാണ് ഇതു സംബന്ധിച്ച സൂചന നല്‍കിയിരിക്കുന്നത്.

യുദ്ധം അവസാനിച്ചാല്‍ യുക്രെയ്ന്‍ നാറ്റോ അംഗമാകുമെന്നും ബെഷ്ത വ്യക്തമാക്കി. ജൂലൈ 11, 12 തീയതികളിലാണ് നാറ്റോ ഉച്ചകോടി.

യു.എസ് പ്രസിഡന്‍റ് ജോ ബൈഡന്റെ യുക്രെയ്ന്‍ സന്ദര്‍ശനത്തിനു പിന്നാലെ, യു.എസിന്‍റെ നേതൃത്വത്തിലുള്ള നാറ്റോ സഖ്യത്തെ റഷ്യന്‍ പ്രസിഡന്‍റ് വ്ലാദിമിര്‍ പുടിന്‍ രൂക്ഷമായി വിമര്‍ശിച്ചിരുന്നു.