പൃഥിരാജിന്റെ ലംബോര്‍ഗിനിക്ക് പുതിയ അവകാശി; ലംബോര്‍ഗിനി സ്വന്തമാക്കിയത് . കോഴിക്കോട് സ്വദേശി; വില കേട്ട് ഞെട്ടി സോഷ്യൽ മീഡിയ

താരങ്ങൾ വാഹനം വാകുന്നതും വിൽക്കുന്നതും എല്ലാം വലിയ വാർത്തയാണ്. അത്തരത്തിൽ ഒരു വാർത്ത ആണ് ഇപ്പോൾ സോഷ്യൽ മീഡിയയിൽ തരംഗമാകുന്നത്. നടൻ പൃഥിരാജ് ലംബോര്‍ഗിനിയുടെ ഹുറാക്കാന്‍ വാങ്ങിയത് വലിയ വാര്‍ത്തയായിരുന്നു. പിന്നീട് താരം ഹുറാക്കാന്‍ മാറ്റി ലംബോര്‍ഗിനിയുടെ ഉറൂസ് സ്വന്തമാക്കി. പൃഥ്വിരാജ് ഉറൂസ് സ്വന്തമാക്കിയതോടെ ഹുറാക്കാന്‍ പുതിയെ ഉടമയെ കാത്തിരിക്കുകയായിരുന്നു. ഇപ്പോൾ ആ കാറിന് പുതിയ ഉടമ എത്തിയതാണ് വാർത്തകളിൽ നിറയുന്നത്.

കോഴിക്കോട് സ്വദേശിയും ഇന്‍ഡോ ഇലക്ട്രിക് മാര്‍ട്ട് ഉടമയുമായ വി സനന്ദ് ആണ് പൃഥ്വിരാജിന്റെ ഹുറാക്കാൻ സ്വന്തമാക്കിയിരിക്കുന്നത്. കേരളത്തിലെ ഏറ്റവും വലിയ പ്രീമിയം സെക്കന്റ് ഹാന്‍ഡ് കാര്‍ ഡീലറായ റോയല്‍ ഡ്രൈവിന് കൈമാറിയാണ് പൃഥിരാജ് ലംബേര്‍ഗിനിയുടെ ഉറൂസ് വാങ്ങിയത്. റോയല്‍ ഡ്രൈവിന്റെ കോഴിക്കോട് ഷോറൂമില്‍ നിന്നാണ് സനന്ദ് ഹുറാക്കാന്‍ സ്വന്തമാക്കിയത്.

ലംബോര്‍ഗിനിയുടെ ഏറ്റവും മികച്ച മോഡലുകളില്‍ ഒന്നായ ഹുറാക്കാന്റെ എല്‍ പി 580 എന്ന റിയര്‍ വീല്‍ ഡ്രൈവ് മോഡലാണ് ഇത്. നാലരക്കോടിയാണ് ഈ സൂപ്പര്‍ കാറിന്റെ വില. സനന്ദിന് പകരം മക്കളായ എട്ടാം ക്ലാസില്‍ പഠിക്കുന്ന മാനവ് ഇന്‍ഡോയും അഞ്ചാം ക്ലാസില്‍ പഠിക്കുന്ന അഭിനവ് ഇന്‍ഡോയുമാണ് കാര്‍ വാങ്ങാനെത്തിയത്.

2018 ലായിരുന്നു പൃഥിരാജ് ലംബോര്‍ഗിനിയുടെ ഹുറാക്കാന്‍ സ്വന്തമാക്കിയത്. വെറും 1100 കിലോമീറ്റര്‍ മാത്രമേ ഈ കാര്‍ സഞ്ചരിച്ചിട്ടുള്ളു. 5.2 ലിറ്റര്‍, നാച്ചുറലി ആസ്പിരേറ്റഡ് വി 10 എഞ്ചിനാണ് ഈ സൂപ്പര്‍ കാറിനുള്ളത്. എഞ്ചിന് 572 ബിഎച്ച്പി കരുത്തും 540 എന്‍എം ടോര്‍ക്കുമുണ്ട്. 7 സ്പീഡ് ഓട്ടോമാറ്റിക്കാണ് ഗിയര്‍ ബോക്സ്. പൂജ്യത്തില്‍ നിന്ന് 100 കിലോമീറ്റര്‍ വേഗം കൈവരിക്കാന്‍ വെറും 3.4 സെക്കന്‍ഡ് മാത്രം മതി ഈ കിടിലൻ കാറിന്.