ജര്‍മന്‍ ജോബ് സീക്കര്‍ വിസ: പോയിന്റുകള്‍ എങ്ങനെ?

ബര്‍ലിന്‍: ജര്‍മനി പുതിയതായി അവതരിപ്പിച്ച കുടിയേറ്റ നയത്തിന്റെ ഭാഗമായി വരാന്‍ പോകുന്ന പുതിയ വിസ കാറ്റഗറിയാണ് ജോബ് സീക്കര്‍ വിസ. പോയിന്റ്സ് ബേസ്ഡ് സംവിധാനമായാണ് ഇതു നടപ്പാക്കുന്നത്.

ആകെ പതിനാല് പോയിന്റുകളാണ് ഇതിലുള്ളത്. അതില്‍ ആറെണ്ണം കിട്ടിയാല്‍ വിസയ്ക്ക് യോഗ്യതയാകും. ഇതില്‍ പരിഗണിക്കപ്പെടണമെങ്കില്‍ പ്രധാനമായും മൂന്നു കടമ്പകളാണുള്ളത്:

~ ജര്‍മന്‍ ഭാഷയില്‍ ബി1, അല്ലെങ്കില്‍ ഇംഗ്ളീഷ് ഭാഷയില്‍ സി1 പരിജ്ഞാനം
~ ജോലി കിട്ടുന്നതു വരെ സ്വന്തം കാര്യങ്ങള്‍ക്കുള്ള പണം കൈയിലുണ്ടെന്നതിനു തെളിവ്
~ രണ്ടു വര്‍ഷമെങ്കിലും പഠനം, അല്ലെങ്കില്‍ പരിശീലനം ഉള്‍പ്പെടുന്ന പ്രൊഫഷണല്‍ യോഗ്യദയോ ബിരുദമോ

ഇനി പോയിന്റുകള്‍ എങ്ങനെയൊക്കെ കിട്ടുമെന്നു പരിശോധിക്കാം:

~ 35 വയസിനു താഴെയാണെങ്കില്‍ രണ്ടു പോയിന്റ്, 35 മുതല്‍ 40 വരെയാണെങ്കില്‍ ഒരു പോയിന്റ്
~ ജര്‍മന്‍ ഭാഷാ പരിജ്ഞാനം 'ഗുഡ്' (ബി2) ആണെങ്കില്‍ മൂന്നു പോയിന്റ്, സഫിഷ്യന്റാണെങ്കില്‍ (ബി1) രണ്ട്
~ യോഗ്യതയും തൊഴില്‍പരിചയവും കണക്കിലെടുത്ത് പരമാവധി 7 പോയിന്റ്
~ ജര്‍മനിയുമായി ബന്ധമുണ്ടെങ്കില്‍ 2 പോയിന്റ് വരെ. അഞ്ച് വര്‍ഷത്തിനിടയില്‍ എപ്പോഴെങ്കിലും ആറു മാസം തുടര്‍ച്ചയായി ഇവിടെ താമസിച്ചിന്റെ തെളിവോ, സഹായം വാഗ്ദാനം ചെയ്യുന്ന സ്പോണ്‍സറുടെ കത്തോ ഉണ്ടെങ്കില്‍ ഇതില്‍ പരിഗണിക്കും