പാകിസ്താനിലെ എംബസി സ്വീഡന്‍ അടച്ചു

ഇസ്ലാമാബാദ്: പാകിസ്താനിലെ തങ്ങളുടെ എംബസി അടയ്ക്കുകയാണെന്ന് സ്വീഡിഷ് സര്‍ക്കാര്‍ പ്രഖ്യ്പനം. സുരക്ഷാ കാരണങ്ങള്‍ മുന്‍നിര്‍ത്തിയാണ് നടപടി.

അതേസമയം, ഏത് തരത്തിലുള്ള സുരക്ഷാ ഭീഷണിയാണ് നേരിടുന്നതെന്ന് അധികൃതര്‍ വ്യക്തമാക്കിയിട്ടില്ല. ഇസ്ലാമാബാദിലെ നിലവിലെ സുക്ഷാ സാഹചര്യങ്ങള്‍ പരിഗണിച്ച് എംബസി അടയ്ക്കുകയാണെന്നു മാത്രമാണ് അറിയിപ്പ്.

സ്വീഡിഷ് സര്‍ക്കാര്‍ വെബ്സൈറ്റില്‍ ഇതു സംബന്ധിച്ച പ്രസ്താവന പ്രസിദ്ധീകരിച്ചിട്ടുണ്ട്. ഇതെക്കുറിച്ചുള്ള ചോദ്യങ്ങള്‍ക്ക് ഇപ്പോള്‍ മറുപടി നല്‍കാനാവില്ലെന്നും പ്രസ്താവനയില്‍ പറയുന്നു.