ബെർലിൻ : ജര്‍മ്മനിയിലേയ്ക്കുളള നഴ്സിങ് റിക്രൂട്ട്മെന്റ് പദ്ധതിയായ നോര്‍ക്ക റൂട്ട്സിന്റെ ട്രിപ്പിള്‍ വിന്‍ പദ്ധതിയുടെ മൂന്നാംഘട്ടത്തിലേയ്ക്ക് തിരഞ്ഞെടുക്കപ്പെട്ട ഉദ്യോഗാര്‍ത്ഥികളുടെ റാങ്ക് പട്ടിക പ്രസിദ്ധീകരിച്ചു. 300 പേരുടെ പ്രധാന ലിസ്ററും 100 പേരടങ്ങുന്ന വെയ്റ്റിങ്ങ് ലിസ്ററുമാണ് പ്രസിദ്ധീകരിച്ചത്. ലിസ്ററിന്റെ പൂര്‍ണ്ണരൂപം നോര്‍ക്ക റൂട്ട്സ് വെബ്സൈറ്റായ www.norkaroots.org യിലും നോര്‍ക്ക ഇന്‍സ്ററിറ്റ്യൂട്ട് ഓഫ് ഫോറിന്‍ ലാംഗ്വേജ് വെബ്സൈറ്റായ www.nifl.norkaroots.org bnepw ലഭ്യമാണ്.
/sathyam/media/post_attachments/rNHFXVOoxIn0bhcwiPFT.jpg "publive-image")
കഴിഞ്ഞ ഏപ്രില്‍ 18 മുതല്‍ 28 വരെ തിരുവനന്തപുരം മസ്കറ്റ് ഹോട്ടലില്‍ നടന്ന അഭിമുഖങ്ങളില്‍ 706 ഉദ്യോഗാര്‍ത്ഥികളാണ് പങ്കെടുത്തത്. ഇവരില്‍ 224 പേരുള്‍പ്പടുന്നതാണ് പ്രധാനറാങ്ക് ലിസ്ററ്. ഇതിനോടകം ജര്‍മ്മന്‍ ഭാഷയിലെ ബി.1 സര്‍ട്ടിഫിക്കറ്റ് നേടിയ 19 പേരും ലിസ്ററില്‍ ഇടം നേടി. ഒപ്പം രണ്ടാം ഘട്ടത്തിലെ വെയ്റ്റിങ്ങ് ലിസ്ററില്‍ നിന്നുളള 57 പേരും ഉള്‍പ്പെടുന്നതാണ് 300 പേരുടെ പ്രധാനറാങ്ക് ലിസ്ററ്.
ജര്‍മ്മനിയില്‍ നിന്നും ഫെഡറല്‍ എംപ്ളോയ്മെന്‍റ് ഏജന്‍സിയിലെ അഞ്ച് പ്ളേസ്മെന്റ് ഓഫീസര്‍മാര്‍ അടങ്ങുന്ന ഉദ്യോഗസ്ഥ സംഘമാണ് ഇന്‍റര്‍വ്യൂ നടപടികള്‍ക്ക് നേതൃത്വം നല്‍കിയത്. നടപടികള്‍ നേരിട്ട് വീക്ഷിക്കുവാനും പ്രോഗ്രാം കൂടുതല്‍ മെച്ചപ്പെടുത്തുന്നതിനായുളള നിര്‍ദ്ദേശങ്ങള്‍ ആരായുന്നതിനുമായി ഡല്‍ഹിയിലെ ജര്‍മന്‍ എംബസിയില്‍ നിന്നുളള പ്രതിനിധികളും എത്തിയിരുന്നു.
പദ്ധതി പ്രകാരം ജര്‍മ്മന്‍ ഭാഷാ പഠനവും റിക്രൂട്ട്മെന്റും അടക്കമുള്ള മുഴുവന്‍ ചെലവുകളും നഴ്സുമാര്‍ക്ക് സൗജന്യമാണ്. നോര്‍ക്ക റൂട്ട്സും ജര്‍മ്മന്‍ ഫെഡറല്‍ എംപ്ളോയ്മെന്‍റ് ഏജന്‍സിയും ജര്‍മ്മന്‍ ഏജന്‍സി ഫോര്‍ ഇന്‍റര്‍നാഷണല്‍ കോ~ഓപ്പറേഷനും സംയുക്തമായി നടപ്പാക്കുന്ന, ജര്‍മ്മനിയിലേയ്ക്കുളള നഴ്സുമാരുടെ റിക്രൂട്ട്മെന്റ് പദ്ധതിയാണ് ട്രിപ്പിള്‍ വിന്‍.
രണ്ടാംഘട്ടത്തില്‍ തിരഞ്ഞെടുക്കപ്പെട്ടവരുടെ പരിശീലനം ജര്‍മ്മന്‍ ഭാഷാപഠന കേന്ദ്രമായ ഗോയ്ഥേ ഇന്‍സ്ററ്യൂട്ടിലെ തിരുവനന്തപുരം കൊച്ചി സെന്ററുകളിലായി പുരോഗമിക്കുന്നു.
ട്രിപ്പിള്‍വിന്‍ സംബന്ധിച്ച കൂടുതല്‍ വിവരങ്ങള്‍ക്ക് www.norkaroots.org എന്ന വെബ്സൈറ്റ് സന്ദര്‍ശിക്കുകയോ, 24 മണിക്കൂറും പ്രവര്‍ത്തിക്കുന്ന നോര്‍ക്ക ഗ്ളോബല്‍ കോണ്‍ടാക്ട് സെന്ററിന്റെ ടോള്‍ ഫ്രീ നമ്പറുകളിലോ ബന്ധപ്പെടാവുന്നതാണ്. ഇന്ത്യയില്‍ നിന്നും 18004253939, വിദേശത്തുനിന്നും +91~8802012345
Follow Us/sathyam/media/agency_attachments/5VspLzgrB7PML1PH6Ix6.png)
