റഷ്യന്‍ എണ്ണ ശുദ്ധീകരണശാലയില്‍ ആക്രമണം

കീവ്: റഷ്യ ~ യുക്രെയ്ന്‍ അതിര്‍ത്തിയോടു ചേര്‍ന്ന എണ്ണ ശുദ്ധീകരണശാലയില്‍ വ്യോമാക്രമണം. മോസ്കോയിലെ ജനവാസ കേന്ദ്രത്തിലുണ്ടായ ഡ്രോണ്‍ ആക്രമണത്തിനു പിന്നാലെയാണിത്.

റഷ്യയുടെ തെക്കന്‍ മേഖലയിലെ അഫിപ്സ്കി എണ്ണ ശുദ്ധീകരണ ശാലയിലുണ്ടായ ആക്രമണത്തില്‍ ആളപായമൊന്നും റിപ്പോര്‍ട്ട് ചെയ്തിട്ടില്ലെങ്കിലും വന്‍ നാശനഷ്ടങ്ങള്‍ സംഭവിച്ചതായാണ് സൂചന. ഡ്രോണുകള്‍ തന്നെയാണ് ഇവിടെയും ആക്രമണത്തിന് ഉപയോഗിച്ചത്. വലിയ അഗ്നിബാധയുണ്ടായതായി റിപ്പോര്‍ട്ട്.