കുടിയേറ്റക്കാര്‍ക്ക് കൂടുതല്‍ ശമ്പളം കൊടുക്കണം: ഷോള്‍സ്

ബര്‍ലിന്‍: പൂര്‍വ ജര്‍മനിയില്‍ കുടിയേറ്റ തൊഴിലാളികള്‍ക്ക് കൂടുതല്‍ ശമ്പളം ഉറപ്പാക്കണമെന്ന് ചാന്‍സലര്‍ ഒലാഫ് ഷോള്‍സ്. ഇവരെ കൂടുതല്‍ തുറന്ന മനസോടെ സ്വാഗതം ചെയ്യാനും തയാറാകണമെന്ന് അദ്ദേഹം ആഹ്വാനം ചെയ്തു.

വര്‍ധിച്ചു വരുന്ന തൊഴിലാളി ക്ഷാമം പരിഹരിക്കാന്‍ ഇതു മാത്രമാണ് മാര്‍ഗമെന്നും ഈസ്ററ് ജര്‍മന്‍ ഇക്കണോമിക് ഫോറത്തെ അഭിസംബോധന ചെയ്യവേ അദ്ദേഹം അഭിപ്രായപ്പെട്ടു.

വിദേശ തൊഴിലാളികളെ ഇവിടെ ആവശ്യമുണ്ടെന്നല്ല, അവരിവിടെ സ്വാഗതം ചെയ്യപ്പെടുന്നു എന്നു പ്രതീതിയാണ് ആവശ്യം. സാര്‍വലൗകികത്വമാണ് ഇതിനാവശ്യമെന്നും ഷോള്‍സ് പറഞ്ഞു.