കോടീശ്വര റാങ്കില്‍ ജര്‍മനി മൂന്നാമത്

ബര്‍ലിന്‍:അതിസമ്പന്നരുടെ എണ്ണത്തില്‍ ആഗോളതലത്തില്‍ ജര്‍മ്മനി മൂന്നാം സ്ഥാനത്തായി. കൊറോണ വൈറസ് പാന്‍ഡെമിക് സമയത്ത് വ്യക്തികളുടെ സ്വകാര്യ സമ്പത്തിന്റെ കുതിച്ചുചാട്ടമുണ്ടായി. ഇതാവട്ടെ ജര്‍മ്മന്‍ അതിസമ്പന്നര്‍ പ്രത്യേകിച്ചും നന്നായി പ്രയോജനപ്പെടുത്തി.

കോവിഡ് 19 പാന്‍ഡെമിക് സമയത്ത് സ്വകാര്യ സമ്പത്ത് റെക്കോര്‍ഡ് ഉയര്‍ന്ന നിലയിലേക്ക് വളര്‍ന്നു. പാന്‍ഡെമിക് സമയത്ത് 100 മില്യണ്‍ ഡോളറിലധികം (82.25 മില്യണ്‍ യൂറോ) സാമ്പത്തിക സമ്പത്തുള്ള വ്യക്തികളുടെ എണ്ണം 6,000 ആയി വര്‍ദ്ധിച്ചു. അതിസമ്പന്നരുടെ ക്ളബ്ബ് 2020~ല്‍ 60,000 അംഗങ്ങളുടെ റെക്കോര്‍ഡിലെത്തി.

യുഎസിനെയും ചൈനയെയും മാത്രം പിന്തുടര്‍ന്ന് ഏകദേശം 2,900 "ഉയര്‍ന്ന ആസ്തിയുള്ള വ്യക്തികള്‍" ഉള്ള ജര്‍മ്മനി ആഗോള റാങ്കിംഗില്‍ മൂന്നാം സ്ഥാനത്തെത്തി. ആഗോള അതിസമ്പന്നര്‍ ~ 100 മില്യണ്‍ ഡോളറിലധികം സമ്പത്തുള്ള 60,000 വ്യക്തികള്‍ ~ 2020~ല്‍ മൊത്തം നിക്ഷേപിക്കാവുന്ന മൂലധനത്തിന്റെ ഏകദേശം 15% നിയന്ത്രണം കൈവശപ്പെടുത്തി.

2020~ല്‍ മിക്ക ആളുകളും മാസങ്ങളോളം വീട്ടില്‍ താമസിച്ചിട്ടും, ജര്‍മ്മനിയിലെ ഡോളര്‍ കോടീശ്വരന്മാരുടെ എണ്ണം 35,000 വര്‍ദ്ധിച്ച് മൊത്തം 542,000 ആയി. ആഗോളതലത്തില്‍ ഈ ഗ്രൂപ്പ് മൊത്തം 26.6 ദശലക്ഷം വ്യക്തികളില്‍ എത്തി, മുന്‍ വര്‍ഷത്തേക്കാള്‍ 1.8 ദശലക്ഷം വര്‍ധന.