രാസായുധങ്ങള്‍ പൂര്‍ണമായി നശിപ്പിച്ചെന്ന് യുഎസ്

വാഷിങ്ടണ്‍: രാജ്യത്തിന്റെ പക്കലുണ്ടായിരുന്ന രാസായുധങ്ങള്‍ മുഴുവന്‍ നശിപ്പിച്ചു കളഞ്ഞതായി യുഎസ് സര്‍ക്കാര്‍ അവകാശപ്പെട്ടു. അവസാനത്തെ രാസായുധവും നശിപ്പിച്ചെന്ന് യു.എസ്. പ്രസിഡന്റ് ജോ ബൈഡന്‍ തന്നെയാണ് പ്രഖ്യാപനം നടത്തിയിരിക്കുന്നത്.

ഒന്നാം ലോക മഹായുദ്ധകാലം മുതല്‍ നിര്‍മിച്ച രാസായുധങ്ങള്‍ യുഎസിന്റെ ശേഖരത്തിലുണ്ടായിരുന്നു. പത്തു വര്‍ഷമെടുത്താണ് ഇവ മുഴുവന്‍ നശിപ്പിച്ചതെന്ന് യുഎസ് പറയുന്നു. 30,000 ടണ്‍ ആയുധങ്ങള്‍ ഔദ്യോഗിക കണക്കിലുണ്ടായിരുന്നു.

ശീതയുദ്ധകാലത്തിനു ശേഷമാണ് അന്താരാഷ്ട്ര ഉടമ്പടികള്‍ പ്രകാരം രാസായുധങ്ങള്‍ നശിപ്പിക്കാന്‍ യുഎസ് തീരുമാനമെടുത്തത്. ഈ വര്‍ഷം സെപ്റ്റംബര്‍ 30നകം ഇതു പൂര്‍ത്തിയാക്കാനാണ് ഉദ്ദേശിച്ചിരുന്നത്.

1997ല്‍ നടത്തിയ കണ്‍വന്‍ഷനില്‍, 193 രാജ്യങ്ങളാണ് രാസായുധ നിര്‍വ്യാപന കരാറില്‍ ഒപ്പുവച്ചിട്ടുള്ളത്.