ആംവേ ഇന്ത്യ ന്യൂട്രിലൈറ്റ് ച്യവനപ്രാശം പുറത്തിറക്കി

കൊച്ചി: രാജ്യത്തെ മുന്‍നിര എഫ്എംസിജി ഡയറക്ട് സെല്ലിങ് കമ്പനികളിലൊന്നായ ആംവേ ഇന്ത്യ, തങ്ങളുടെ പ്രധാന ബ്രാന്‍ഡായ ന്യൂട്രിലൈറ്റിന് കീഴില്‍ ന്യുട്രിലൈറ്റ് ച്യവനപ്രാശം പുറത്തിറക്കി. 16 സര്‍ട്ടിഫൈഡ് ഓര്‍ഗാനിക് ചേരുവകള്‍ ഉപയോഗിച്ച് നിര്‍മ്മിച്ചതും പ്രിസര്‍വേറ്റീവുകളില്ലാത്തതും ഡിഎന്‍എ ഫിംഗര്‍പ്രിന്റിംഗ് ഉപയോഗിച്ച് ഒഥന്റിക്കേറ്റ് ചെയ്ത പോഷക സമ്പുഷ്ടവുമായ 32 ഔഷധസസ്യങ്ങളുടെ കേന്ദ്രീകൃത മിശ്രിതമാണ് ന്യൂട്രിലൈറ്റിന്റെ ച്യവനപ്രാശം.

ക്ലാസിക്കല്‍ ഇന്ത്യന്‍ പാചകക്കുറിപ്പില്‍ നിന്ന് പ്രചോദനം ഉള്‍ക്കൊണ്ട് രൂപപ്പെടുത്തിയ ന്യൂട്രിലൈറ്റ് ച്യവന്‍പ്രാഷ് പ്രാഥമികമായി പ്രതിരോധശേഷി, ശരീരത്തെ പുനരുജ്ജീവിപ്പിക്കല്‍, ശക്തിയും ഊര്‍ജ്ജവും വര്‍ധിപ്പിക്കല്‍, ദൈനംദിന അണുബാധകളെ ചെറുക്കല്‍ എന്നിവയാണ് ലക്ഷ്യമിടുന്നത്.

പരമ്പരാഗത ഹെര്‍ബല്‍ വിഭാഗത്തില്‍ ശ്രദ്ധ കേന്ദ്രീകരിച്ച് വിറ്റാമിന്‍, ഡയറ്ററി സപ്ലിമെന്റ് മാര്‍ക്കറ്റില്‍ ശക്തമായ സാന്നിധ്യം തുടരുന്നത് ച്യവന്‍പ്രാഷ് വിഭാഗത്തിലേക്ക് പ്രവേശിക്കുന്നത് സുഗമമാക്കിയെന്നു ആംവേ ഇന്ത്യ സിഇഒ അന്‍ഷു ബുധ്രാജ പറഞ്ഞു. വിജയകരമായ വളര്‍ച്ചാ പാതയുടെയും കാറ്റഗറി സാധ്യതകളുടെയും പശ്ചാത്തലത്തില്‍, ആദ്യ വര്‍ഷത്തില്‍ പ്രീമിയം ച്യവന്‍പ്രാഷ് വിഭാഗത്തിന്റെ 20 ശതമാനം വിപണി വിഹിതം പിടിച്ചെടുക്കാന്‍ ഞങ്ങള്‍ ലക്ഷ്യമിടുന്നു.

പരമ്പരാഗത ഔഷധസസ്യങ്ങളുടെ ശ്രേണിയില്‍ പ്രത്യേക ശ്രദ്ധ കേന്ദ്രീകരിച്ച് പോഷകാഹാര വിഭാഗത്തെ നവീകരിക്കുകയും കൂടുതല്‍ ശക്തിപ്പെടുത്തുകയും ചെയ്യും. പോഷകാഹാര വിഭാഗത്തിലെ ആഗോള നേതാവായ ആംവേ, സ്ഥിരമായ ഉല്‍പ്പന്ന നവീകരണത്തിലൂടെയും അതുല്യമായ വിത്ത്-അനുബന്ധ പ്രക്രിയയിലൂടെയും പോഷകാഹാര, പ്രതിരോധശേഷി മേഖലയിലെ നേതൃത്വത്തെ ശക്തിപ്പെടുത്തുന്നുവെന്നും അന്‍ഷു ബുധ്രാജ പറഞ്ഞു.

പോഷകാഹാരത്തില്‍ ശ്രദ്ധ കേന്ദ്രീകരിച്ച് ആളുകള്‍ ക്ഷേമത്തിനായുള്ള സമഗ്ര സമീപനം സ്വീകരിക്കുന്ന ഈ സമയത്ത് ഇന്ത്യന്‍ പരമ്പരാഗത ഔഷധസസ്യങ്ങള്‍ ഉപയോഗിച്ച് ഉല്‍പ്പാദിപ്പിക്കുന്ന ഗുണനിലവാരമുള്ള പോഷകാഹാര ഉല്‍പന്നങ്ങള്‍ക്ക്, പ്രത്യേകിച്ച് പോഷകാഹാര സപ്ലിമെന്റുകള്‍ക്ക് ആവശ്യക്കാര്‍ വര്‍ധിച്ചുവരികയാണ്.

പോഷകാഹാരം, ക്ഷേമം എന്നിവയിലെ ഞങ്ങളുടെ വൈദഗ്ധ്യത്തിന്റെ പിന്തുണയോടെ ന്യൂട്രിലൈറ്റ് തദ്ദേശീയമായി ച്യവനപ്രാശം വികസിപ്പിച്ചു. പരമ്പരാഗത ഇന്ത്യന്‍ ജ്ഞാനത്തിന്റെയും ആധുനിക ശാസ്ത്രത്തിന്റെയും യഥാര്‍ത്ഥ സംയോജനമാണിത്. ഞങ്ങളുടെ ഉല്‍പ്പന്നം ഉയര്‍ന്ന തോതിലുള്ള പരിശുദ്ധി, സുരക്ഷ, കഴിവ് എന്നിവ ഉറപ്പാക്കുന്നു. കൂടാതെ ലളിതവും വിവരദായകവുമായ ലേബലിംഗും നല്‍കുന്നു. അത് ഉപഭോക്താക്കളെ മികച്ചതും അറിവുള്ളതുമായ തിരഞ്ഞെടുപ്പുകള്‍ നടത്താന്‍ സഹായിക്കുന്നു.

ന്യൂട്രിലൈറ്റ് ബ്രാന്‍ഡിന്റെ ശക്തമായ പാരമ്പര്യവും അത് കൈവശം വച്ചിരിക്കുന്ന ഇക്വിറ്റിയും കണക്കിലെടുക്കുമ്പോള്‍, ന്യൂട്രിലൈറ്റിന്റെ ച്യവന്‍പ്രാഷ് തീര്‍ച്ചയായും ഉപഭോക്തൃ വിശ്വാസം നേടുമെന്ന് ഞങ്ങള്‍ക്ക് ഉറപ്പുണ്ട്-ആംവേ ഇന്ത്യ നോര്‍ത്ത് ആന്‍ഡ് സൗത്ത് സീനിയര്‍ വൈസ് പ്രസിഡന്റ് ഗുര്‍ഷരന്‍ ചീമ പറഞ്ഞു.