02
Thursday February 2023
Column

അംബേദ്ക്കറെ കോൺഗ്രസ്സ് എത്രത്തോളം പിന്തുണച്ചിരുന്നു ? ചരിത്രത്തിന്റെ ഏടുകളിൽ മറഞ്ഞുകിടക്കുന്ന ചില അദ്ധ്യായങ്ങളിലൂടെ !

പ്രകാശ് നായര്‍ മേലില
Friday, January 20, 2023

ഡോക്ടർ ഭീംറാവ് അംബേദ്ക്കറെ കോൺഗ്രസ്സ് എത്രത്തോളം പിന്തുണച്ചിരുന്നു ?

അധികം ചർച്ചചെയ്യപ്പെടാതെപോയ അദ്ധ്യായമാണിത്. നെഹ്രുവും ഗാന്ധിജിയുമായി അദ്ദേഹത്തിന് പല കാര്യങ്ങളിലും അഭിപ്രായവ്യത്യാസമുണ്ടായിരുന്നു. ജവഹർലാൽ നെഹ്രുവിന്റെ നേതൃത്വത്തിൽ രൂപീകരിക്കപ്പെട്ട ആദ്യ ഇടക്കാല സർക്കാരിൽ അംബേദ്‌കർ നിയമമന്ത്രിയായിരുന്നെങ്കിലും പട്ടികജാതി വിഭാഗങ്ങളുമായി ബന്ധപ്പെട്ട കോൺഗ്രസിന്റെ നയങ്ങളിൽ അദ്ദേഹം തൃപ്തനായിരുന്നില്ല. ഹിന്ദു കോഡ് ബില്ലിൽ കോൺഗ്രസുമായുള്ള അഭിപ്രായവ്യത്യാസത്തെത്തുടർന്ന് 1951 സെപ്റ്റംബർ 27-ന് ഇടക്കാല സർക്കാരിൽ നിന്ന് അദ്ദേഹം രാജിവച്ചു.

അതിനുശേഷം അദ്ദേഹം നടത്തിയ പ്രസ്താവനയിലൂടെ നെഹ്‌റു തന്റെ നിലപാടുകളിൽനിന്ന് പിന്നോട്ട് പോകുകയാണെന്നും ആരോപിച്ചു. ഇതിനുശേഷം പിന്നോക്ക – പട്ടികവിഭാഗങ്ങളെ സംഘടിപ്പിക്കുന്നതിൽ അദ്ദേഹം വ്യാപൃതനായി. പട്ടികജാതി ഫെഡറേഷൻ എന്ന പേരിൽ ഒരു സംഘടന രൂപീകരിക്കുകയും അതിനെ ഇന്ത്യയൊട്ടാകെ ശക്തിപ്പെടുത്താനും അദ്ദേഹം ശ്രമിച്ചു.

രാജ്യത്തിന്റെ ഭരണഘടനാ ശില്പിയായ ഭീംറാവു അംബേദ്കറിന് ലോക്സഭാ തിരഞ്ഞെടുപ്പിൽ രണ്ടുതവണ പരാജയം ഏറ്റുവാങ്ങേണ്ടി വന്നു. രണ്ട് തവണയും അദ്ദേഹം കോൺഗ്രസ് സ്ഥാനാർത്ഥിയോട് പരാജയപ്പെട്ടു. അന്നത്തെ പ്രധാനമന്ത്രി ജവഹർലാൽ നെഹ്‌റു അംബേദ്‌കറിനെതിരെ തെരഞ്ഞെടുപ്പ് പ്രചാരണം നടത്തി. സത്യത്തിൽ അദ്ദേഹം ഭരണഘടനാ നിർമ്മാണ സഭയിൽ അംഗമാകാൻ പോലും കോൺഗ്രസ് ആഗ്രഹിച്ചിരുന്നില്ല. അതിനായി അക്കാലത്ത് പാർട്ടി എല്ലാ തന്ത്രങ്ങളും സ്വീകരിച്ചു. അംബേദ്കർ ഭരണഘടനയെ ധിക്കരിക്കുമെന്ന് ഭീഷണിപ്പെടുത്തിയപ്പോൾ മറ്റു ഗത്യന്തരമില്ലാതെ അദ്ദേഹത്തെ ഭരണഘടനാ നിർമ്മാണ സഭയിൽ അംഗമാക്കുവാൻ നിർബന്ധിതരായി.

ഇടക്കാല സർക്കാർ രാജിവച്ച് ഏകദേശം ഒരു വർഷത്തിനുശേഷം, രാജ്യത്ത് ആദ്യത്തെ പൊതുതെരഞ്ഞെടുപ്പ് നടക്കുകയും അംബേദ്കറും അതിൽ പങ്കെടുക്കാൻ തീരുമാനിക്കുകയും ചെയ്തു. അദ്ദേഹത്തിന്റെ പാർട്ടി രാജ്യത്തുടനീളം 35 സ്ഥാനാർത്ഥികളെ നിർത്തി. പക്ഷേ രണ്ട് പേർ മാത്രമാണ് വിജയിച്ചത്. മഹാരാഷ്ട്രയിലെ നോർത്ത് മുംബൈ സീറ്റിൽ നിന്നാണ് അംബേദ്കർ മത്സരിച്ചത്. എൻഎസ് കജോൽക്കറെയാണ് കോൺഗ്രസ് അംബേദ്‌കറിനെതിരെ മത്സരിപ്പിച്ചത്. കജോൾക്കർ ഒരു പാൽ വ്യാപാരിയും അംബേദ്കറുടെ സുഹൃത്തുമായിരുന്നു.

കജോൾക്കറിനുവേണ്ടി നെഹ്‌റു നേരിട്ട് തിരഞ്ഞെടുപ്പ് യോഗങ്ങൾ സംഘടിപ്പിച്ചിരുന്നു. കോൺഗ്രസ് സ്ഥാനാർത്ഥിക്ക് വേണ്ടി പ്രചരണത്തിനായി അദ്ദേഹം തന്നെ രണ്ട് തവണ ഈ ലോക്സഭാ മണ്ഡലത്തിൽ എത്തിയിരുന്നു. അന്ന് അംബേദ്കർ ഒരു ലക്ഷത്തി 23,576 വോട്ടുകൾ നേടിയപ്പോൾ കജോൾക്കറിന് ഒരു ലക്ഷത്തി 37,950 വോട്ടുകൾ ലഭിച്ചു. അങ്ങനെ 14,000-ത്തിലധികം വോട്ടുകൾക്ക് അംബേദ്കറിന് പരാജയം ഏറ്റുവാങ്ങേണ്ടി വന്നു.

അംബേദ്കറുടെ പരാജയ പരമ്പര ഇവിടെയും അവസാനിച്ചില്ല. 1954-ലെ ബണ്ടാര ലോക്‌സഭാ ഉപതെരഞ്ഞെടുപ്പിൽ കോൺഗ്രസ് അംബേദ്കറെ വീണ്ടും പരാജയപ്പെടുത്തി. ആ തോൽവിയിൽ അംബേദ്കർ വളരെ നിരാശനായിരുന്നു. 1952ൽ കജോൾക്കറുടെ വിജയം തീർത്തും അപ്രതീക്ഷിതമായിരുന്നു. അംബേദ്കർ സോഷ്യൽ പാർട്ടിക്കൊപ്പമാണെന്ന് കോൺഗ്രസ് പ്രചാരണം നടത്തി. അതുകൊണ്ട് അദ്ദേഹത്തെ എതിർക്കുകയല്ലാതെ കോൺഗ്രസിന് മറ്റു മാർഗങ്ങളില്ലായിരുന്നു എന്നാണ് അന്ന് പറഞ്ഞിരുന്നത്.

ഇതോടൊപ്പം കൂട്ടിവായിക്കേണ്ട മറ്റൊരു വസ്തുത, അംബേദ്കറെ തോൽപ്പിച്ച് 18 വർഷങ്ങൾക്ക് ശേഷം 1970ൽ കോൺഗ്രസ് സർക്കാർ സാമൂഹ്യസേവനരംഗത്ത് പത്മശ്രീ നൽകി കജോൾക്കറെ ആദരിച്ചു എന്നതാണ്.

പണ്ഡിറ്റ് ജവഹർലാൽ നെഹ്‌റുവിന്റെ നിർദ്ദേശപ്രകാരം അന്നത്തെ ബോംബെ പ്രവിശ്യയിൽ നിന്ന് ഭരണഘടനാ നിർമ്മാണ സഭയിലേക്കുള്ള അംബേദ്ക്കറുടെ പ്രവേശനം തടസ്സപ്പെട്ടുവെന്ന് പറയപ്പെടുന്നു.

അംബേദ്കറുടെ സാമൂഹിക പരിഷ്കർത്താവ് എന്ന പ്രതിച്ഛായയിൽ കോൺഗ്രസ് ആശങ്കാകുലരായിരുന്നു. അദ്ദേഹത്തെ ഭരണഘടനാ നിർമ്മാണ സഭയിൽ നിന്ന് അകറ്റി നിർത്താനും പാർട്ടി പദ്ധതിയിട്ടിരുന്നു. ഇതിനായി കോൺഗ്രസ് എല്ലാ തന്ത്രങ്ങളും പ്രയോഗിച്ചു. ഭരണഘടനാ അസംബ്ലിയിലേക്ക് ആദ്യം തെരഞ്ഞെടുത്ത 296 അംഗങ്ങളിൽ അംബേദ്കർ ഉണ്ടായിരുന്നില്ല. കോൺഗ്രസിന്റെ സ്വാധീനം മൂലം ബോംബെയിലെ പട്ടികജാതി സംഘടനയുടെ പിന്തുണ പോലും അംബേദ്കറിന് നേടാനായില്ല.

അംബേദ്കർ ഭരണഘടനാ നിർമ്മാണ സഭയിലേക്ക് തിരഞ്ഞെടുക്കപ്പെടുന്നില്ലെന്ന് ഉറപ്പുവരുത്താൻ അന്നത്തെ ബോംബെ മുഖ്യമന്ത്രിയായിരുന്ന ബി ജി ഖേർ എല്ലാ ശക്തിയും പ്രയോഗിച്ചു. ഇതിനുശേഷം ബംഗാളിലെ ദളിത് നേതാവ് ജോഗേ ന്ദ്രനാഥ് മണ്ഡൽ അംബേദ്കറെ അകമഴിഞ്ഞ് സഹായിച്ചു. ഒടുവിൽ മുസ്ലീം ലീഗിന്റെ സഹായത്തോടെയാണ് അദ്ദേഹം അംബേദ്കറെ ഭരണഘടനാ നിർമ്മാണ സഭയിലെത്തിച്ചത്.

എങ്കിലും , അംബേദ്കറുടെ പ്രശ്‌നങ്ങൾ അവിടെയും അവസാനിച്ചില്ല. അദ്ദേഹം ഭരണഘടനാ നിർമ്മാണ സഭയിൽ വോട്ടുകൾ നേടിയെത്തിയ ജില്ലകൾ ഹിന്ദു ആധിപത്യം ഉണ്ടായിരുന്ന കിഴക്കൻ പാകിസ്ഥാന്റെ ( ബംഗ്ളാദേശ് ) ഭാഗമായിരുന്നു. അതുകൊണ്ടുതന്നെ അംബേദ്കർ പാകിസ്ഥാൻ ഭരണഘടനാ അസംബ്ലിയിൽ അംഗമാകുകയും ഇന്ത്യൻ ഭരണഘടനാ അസംബ്ലിയിലെ അദ്ദേഹത്തിന്റെ അംഗത്വം റദ്ദാക്കപ്പെടുകയും ചെയ്തു.

ഒടുവിൽ ഒരു പോംവഴിയും കാണാതെ വന്നപ്പോൾ താൻ ഭരണഘടനയെ അംഗീകരിക്കില്ലെന്നും അതിനെ രാഷ്ട്രീയ വിഷയമാക്കുമെന്നും അംബേദ്കർ പരസ്യമായി ഭീഷണി മുഴക്കി. അത് ഫലം കണ്ടു. തുടർന്ന് മാർഗ്ഗങ്ങളില്ലാതെ അദ്ദേഹത്തിന് സ്ഥാനം നൽകാൻ കോൺഗ്രസ് ഹൈക്കമാൻഡ് നിർബന്ധിതമാകുകയായിരുന്നു. തുടർന്ന് ബോംബെയിൽ നിന്നുള്ള അംഗം എം.ആർ.എം ആർ ജയകർ ഭരണഘടനാ നിർമ്മാണ സഭയിലെ തന്റെ സ്ഥാനം രാജിവച്ചു. അദ്ദേഹത്തിന് പകരം അംബേദ്കറെ ഭരണഘടനാ നിർമ്മാണ സഭയിലേക്ക് അയക്കാൻ കോൺഗ്രസ് പാർട്ടി തീരുമാനിക്കുകയും ചെയ്തു.

ചരിത്രത്തിന്റെ ഏടുകളിൽ മറഞ്ഞുകിടക്കുന്ന ഈ സംഭവങ്ങൾ ഇന്നത്തെ രാഷ്ട്രീയ സാഹചര്യത്തിൽ കോൺഗ്രസ് പോലും മറക്കാൻ ആഗ്രഹിക്കുന്നവയാകാം.

-പ്രകാശ് നായര്‍ മേലില

More News

വാഷിങ്ടന്‍: യുഎസ് പ്രസിഡന്റ് തെരഞ്ഞെടുപ്പില്‍ സ്ഥാനാര്‍ഥിത്വം ലക്ഷ്യമിട്ട് ഇന്ത്യന്‍ വംശജ നിക്കി ഹാലിയും രംഗത്ത്. റിപ്പബ്ളിക്കന്‍ പാര്‍ട്ടി പ്രതിനിധിയായി മത്സരിക്കാനാണ് അമ്പത്തൊന്നുകാരി ക്യാംപെയ്ന്‍ ആരംഭിച്ചിരിക്കുന്നത്. പഞ്ചാബില്‍നിന്ന് 1960 കളില്‍ കാനഡയിലേക്കും തുടര്‍ന്ന് അമേരിക്കയിലേക്കും കുടിയേറിയ അജിത് സിങ് രണ്‍ധാവ രാജ് കൗര്‍ ദമ്പതികളുടെ മകള്‍ ആണ് നിക്കി ഹാലി. യുഎന്നിലെ മുന്‍ യുഎസ് അംബാസഡറും സൗത്ത് കാരലൈന മുന്‍ ഗവര്‍ണറുമാണ് നിക്കി. 2024 നവംബറില്‍ നടക്കുന്ന യുഎസ് പ്രസിഡന്റ് തെരഞ്ഞെടുപ്പില്‍ റിപ്പബ്ളിക്കന്‍ പാര്‍ട്ടിയുടെ പ്രതിനിധിയാകാന്‍ മുന്‍ പ്രസിഡന്റ് […]

ജിദ്ദ: റിയാദിലെ ആശുപത്രിയിൽ ചികിത്സയിലായിരിക്കേ ബുധനാഴ്ച്ച മരണപ്പെട്ട മലയാളി വിദ്യാർത്ഥിനിയുടെ മയ്യിത്ത് പ്രവാസ ദേശത്ത് തന്നെ ഖബറടക്കി. വ്യാഴാഴ്ച റിയാദിലായിരുന്നു ഖബറടക്കം. തൃശൂർ, മാള സ്വദേശി ബ്ലാക്കല്‍ അനസ് – ഷൈനി ദമ്പതികളുടെ മകളും റിയാദിലെ നൂറാ കോളജ് വിദ്യാർഥിനിയുമായിരുന്ന ആമിന ജുമാന (21) ആണ് മരിച്ചത്. പിതാവ് അനസ് സോണി കമ്പനിയുടെ റിയാദ് ബ്രാഞ്ചിൽ ജോലി ചെയ്യുന്നു. മൂവാറ്റുപുഴ കാവുങ്കര പടിഞ്ഞാറേചാലില്‍ പി എസ് അബുവിന്റെ മകളായ മാതാവ് ഷൈനി റിയാദിലെ ആഫ്രിക്കന്‍ എംബസി സ്‌കൂളിൽ […]

കിന്‍ഷാസാ: റിപ്പബ്ളിക്ക് ഓഫ് കോംഗോയില്‍ ഫ്രാന്‍സിസ് മാര്‍പാപ്പ നടത്തിയ കുര്‍ബാനയില്‍ പങ്കെടുത്തത് ഒരു മില്യന്‍ വിശ്വാസികള്‍. തലസ്ഥാനമായ കിന്‍ഷാസായിലെ വിമാനത്താവളത്തില്‍ വച്ചായിരുന്നു കുര്‍ബാന. ആഫ്രിക്കന്‍ വന്‍കരയില്‍ മാര്‍പാപ്പ നടത്തുന്ന ഏറ്റവും വലിയ കുര്‍ബാനയാണിത്. പതിറ്റാണ്ടുകള്‍ നീണ്ട അക്രമങ്ങളുടെ ദുരിതംപേറുന്ന രാജ്യത്ത് സമാധാനത്തിന്‍റെയും ക്ഷമയുടെയും ആഹ്വാനവുമായാണ് പോപ്പ് എത്തിയത്. ക്രിസ്ത്യന്‍ ഭൂരിപക്ഷ രാജ്യമായ കോംഗോയിലെ വിശ്വാസികളില്‍ നല്ലൊരു ഭാഗവും അദ്ദേഹത്തെ സ്വീകരിക്കാന്‍ വിമാനത്താവളത്തില്‍ എത്തിയിരുന്നു. 1985ല്‍ സെന്റ് ജോണ്‍ പോള്‍ രണ്ടാമനുശേഷം ആദ്യമായി രാജ്യത്തെത്തുന്ന മാര്‍പാപ്പയാണ് ഫ്രാന്‍സിസ് ഒന്നാമന്‍. […]

ലോസേന്‍: ടോക്യോ ഒളിമ്പിക്സില്‍ പങ്കെടുക്കാന്‍ സാധിക്കാതിരുന്ന റഷ്യയ്ക്കും ബെലാറസിനും അടുത്ത വര്‍ഷം പാരീസില്‍ നടക്കുന്ന ഒളിമ്പിക്സിലും പങ്കെടുക്കാനാവില്ല. അന്താരാഷ്ട്ര ഒളിമ്പിക് കമ്മിറ്റി ഇരു രാജ്യങ്ങള്‍ക്കും മേലുള്ള വിലക്ക് തുടരാന്‍ തീരുമാനിച്ചതാണ് കാരണം. നേരത്തെ, കായികതാരങ്ങള്‍ക്ക് ആസൂത്രിതമായി ഉത്തേജക മരുന്നുകള്‍ നല്‍കുന്ന പദ്ധതി സര്‍ക്കാര്‍ തലത്തില്‍ നടപ്പാക്കിയെന്നാരോപിച്ചാണ് വിലക്കേര്‍പ്പെടുത്തിയിരുന്നത്. അതിനു ശേഷം യുക്രെയ്ന്‍ അധിനിവേശം കാരണം കഴിഞ്ഞ വര്‍ഷം പുതിയ വിലക്ക് വന്നു. ഇതു തുടരാനാണ് ഇപ്പോഴത്തെ തീരുമാനം. അതേസമയം, ഇരു രാജ്യങ്ങളില്‍നിന്നുമുള്ള അത്ലറ്റുകള്‍ക്ക് ഒളിമ്പിക് വേദി നഷ്ടമാകാതിരിക്കാന്‍ […]

കൊച്ചി: എന്നും പ്രചോദനം തരുന്നതാണ് ബിനാലെ ആവിഷ്‌കാരങ്ങളെന്നു സംവിധായകൻ ലാൽ ജോസ്. ആദ്യത്തേത് മുതൽ എല്ലാ കൊച്ചി മുസിരിസ് ബിനാലെയും കണ്ടിട്ടുണ്ട്. ആദ്യ ബിനാലെക്കു ശേഷം ചെയ്‌ത സിനിമകളിൽ ബിനാലെയുടെ സ്വാധീനമുണ്ടായിരുന്നു. അതുകൊണ്ട് ‘ബിനാലെ ഡയറ്കടർ’ എന്ന് പരിഹാസവും കേൾക്കേണ്ടി വന്നിട്ടുണ്ട്.  ഇന്സ്റ്റലേഷനുകൾ കണ്ടു ഭ്രമിച്ച് ‘ പുള്ളിപ്പുലികളും ആട്ടിൻകുട്ടിയും’ എന്ന സിനിമയിലെ അവസാന ഷോട്ട്, ബിനാലെയിൽ ഉണ്ടായിരുന്ന ഒരു ഇൻസ്റ്റലേഷന്റെ പ്രചോദനത്തിൽ അതു തന്നെയായിരുന്നു. അത്ര കണ്ട് ബിനാലെ പ്രചോദനം പകർന്നിട്ടുണ്ട്. ദൃശ്യാവിഷ്കാരങ്ങൾക്ക് സഹായകമായിട്ടുണ്ട്. ദൃശ്യപരമായി […]

ജല്ലിക്കെട്ട് മത്സരത്തിന് ജില്ലാ ഭരണകൂടം അനുമതി നല്‍കാത്തതില്‍ പ്രതിഷേധിച്ച് വ്യാപക അക്രമം. തിരുവനന്തപുരത്തുനിന്ന് ബെംഗളൂരുവിലേക്ക് പോയ കെ.എസ്.ആര്‍.ടി.സി. സ്വിഫ്റ്റ് ബസിന് നേരെയും അക്രമം ഉണ്ടായി. കൃഷ്ണഗിരി ജില്ലയിലാണ് ജല്ലിക്കെട്ടു മത്സരത്തിന് ജില്ലാ ഭരണകൂടം അനുമതി നല്‍കാത്തത്. പ്രതിഷേധക്കാര്‍ കൃഷ്ണഗിരി- ഹൊസൂര്‍- ബെംഗളൂരു ദേശീയപാത ഉപരോധിച്ച് വാഹനങ്ങള്‍ തടഞ്ഞിട്ടു. മണിക്കൂറോളം ഉപരോധം തുടര്‍ന്ന പ്രതിഷേധക്കാര്‍ വാഹനങ്ങള്‍ ആക്രമിച്ചു. അക്രമികള്‍ നടത്തിയ കല്ലേറില്‍ വാഹനങ്ങളുടെ ചില്ലുകള്‍ തകര്‍ന്നിട്ടുണ്ട്. പോലീസുകാര്‍ക്കും ദേശീയപാതയില്‍ കടന്നുപോവുകയായിരുന്ന വാഹനങ്ങള്‍ക്കും നേരെ വ്യാപകമായ കല്ലേറുണ്ടായി. പ്രതിഷേധക്കാര്‍ക്കെതിരെ പോലീസ് […]

ബര്‍ലിന്‍: ജര്‍മനിയില്‍ ഇരട്ട പരൗത്വം അനുവദിക്കാന്‍ തത്വത്തില്‍ അംഗീകാരമായ സാഹചര്യത്തില്‍ പൗരത്വ അപേക്ഷകരുടെ എണ്ണത്തില്‍ വര്‍ധനയുണ്ടാകുമെന്നാണു പ്രതീക്ഷിക്കുന്നത്. നിലവിലുള്ള പൗരത്വം ഉപേക്ഷിക്കാതെ തന്നെ ജര്‍മന്‍ പൗരത്വം സ്വീകരിക്കാന്‍ കഴിയുന്ന സംവിധാനമാണിത്. ഇതിനു പുറമേ, അഞ്ച് വര്‍ഷം രാജ്യത്ത് താമസിച്ചവര്‍ക്കും പൗരത്വത്തിന് അപേക്ഷിക്കാന്‍ യോഗ്യത ലഭിക്കും. അതേസമയം, മറ്റെല്ലാ യോഗ്യതാ മാനദണ്ഡങ്ങളും മാറ്റമില്ലാതെ തുടരുകയാണ്. ഇതില്‍ പ്രധാനമാണ് ബി1 ലെവല്‍ ജര്‍മന്‍ ഭാഷാ പരിജ്ഞാനം പരിശോധിക്കാനുള്ള പരീക്ഷ. ഇന്റര്‍മീഡിയറ്റ് ലെവല്‍ ഭാഷാ പരിജ്ഞാനമാണ് ബി1 ലെവലില്‍ ഉദ്ദേശിക്കുന്നത്. കാര്യമായ […]

ജോര്‍ജിയ: ജോര്‍ജിയയിലെ ഒരു സ്‌കൂളില്‍ വിദ്യാര്‍ത്ഥിയുടെ മര്‍ദ്ദനത്തില്‍ പരിക്കേറ്റ അധ്യാപികയെ ആശുപത്രിയില്‍ പ്രവേശിപ്പിച്ചു. സംഭവത്തിന്റെ വീഡിയോ വൈറലായി. ജോര്‍ജിയയിലെ റോക്ക്ഡെയ്ല്‍ കൗണ്ടിയിലെ അധികാരികള്‍ ഈ വീഡിയോ അവലോകനം ചെയ്യുകയാണ്. ജനുവരി 26 ന് ഹെറിറ്റേജ് ഹൈസ്‌കൂളിലെ ഒരു ക്ലാസ് മുറിയിലാണ് സംഭവം. ഇംഗ്ലീഷ് അധ്യാപികയായ തിവാന ടര്‍ണറും വിദ്യാര്‍ത്ഥിയും തമ്മിലുള്ള വഴക്കാണ് വീഡിയോയില്‍ കാണിക്കുന്നത്. ഇരുവരും തമ്മിലുള്ള വഴക്ക് ശാരീരിക ആക്രമണത്തിലേക്ക് നീങ്ങുകയായിരുന്നു. 27 വയസ്സുള്ള അധ്യാപികയെ വിദ്യാര്‍ത്ഥി നിലത്തേക്ക് വലിച്ചെറിയുകയും ഇടിക്കുകയും ചെയ്തു. പരിക്കേറ്റ അധ്യാപികയെ […]

കൊച്ചി: ഹോണ്ട മോട്ടോര്‍സൈക്കിള്‍ ആന്‍ഡ് സ്‌കൂട്ടര്‍ ഇന്ത്യ (എച്ച്എംഎസ്‌ഐ) 2023 ജനുവരിയില്‍ 296,363 യൂണിറ്റ് വാഹനങ്ങള്‍ വിറ്റഴിച്ചു.  278,143 യൂണിറ്റ് ആഭ്യന്തര വില്‍പ്പനയും, 18,220 യൂണിറ്റ് കയറ്റുമതിയും ഉള്‍പ്പെടെയാണിത്. ഹോണ്ട ആക്ടിവ 2023 അവതരണവും, പ്രീമിയം മോട്ടോര്‍സൈക്കിള്‍ ബിസിനസ് നെറ്റ്‌വര്‍ക്ക് വിപുലീകരണവും ജനുവരിയില്‍ നടന്നു. വിവിധ ഇടങ്ങളില്‍ റോഡ് സുരക്ഷ ബോധവത്കരണ ക്യാമ്പുകള്‍ നടത്തിയ കമ്പനി, ഹരിയാന മനേസറിലെ ഗ്ലോബല്‍ റിസോഴ്‌സ് ഫാക്ടറിയില്‍ യുവ വിദ്യാര്‍ഥികള്‍ക്കായി വ്യാവസായിക സന്ദര്‍ശനവും സംഘടിപ്പിച്ചു. 2023ലെ ഡാകര്‍ റാലിയില്‍ മോണ്‍സ്റ്റര്‍ എനര്‍ജി […]

error: Content is protected !!