06
Thursday October 2022

ചാരക്കേസ് പുനർജനിക്കുന്നു… ഇത് ചരിത്രത്തിന്റെ തനിയാവർത്തനം

സത്യം ഡെസ്ക്
Friday, June 25, 2021

-തിരുമേനി

പോലീസിന് അതിവിപുലമായ അധികാര പരിധി ആണുള്ളത്. ഒരു എഫ്.ഐ.ആർ ഇടുമ്പോൾ അതിൽ ഏതെല്ലാം സെക്ഷൻ ചേർക്കണമെന്ന് സ്റ്റേഷൻ ഹൗസ് ഓഫീസർ ആണ് തീരുമാനിക്കുന്നത്. പോലീസ് വിചാരിച്ചാൽ ആരെ വേണമെങ്കിലും പ്രതി ചേർത്ത് അകത്തിടാം. ഇതാണ് നമ്മുടെ നിയമ വ്യവസഥ. പ്രതിപ്പട്ടികയിൽ നിന്ന് ഒഴിവാകണമെങ്കിൽ ഹൈക്കോടതിയിൽ പോകണം.

ഈ അധികാരം സ്വാർത്ഥ താൽപര്യങ്ങൾക്കു വേണ്ടി ദുരുപയോഗിക്കപ്പെട്ട അനവധി സംഭവങ്ങൾ ഉണ്ടായിട്ടുണ്ട്. യഥാർത്ഥ പ്രതി പുറത്ത് വിലസി നടന്നപ്പോൾ വർഷങ്ങളോളം ജയിലിൽ കിടന്ന ഒരു നിരപരാധിയുടെ കണ്ണീർ വാർക്കുന്ന കഥ ഈയിടെ വായിച്ചു.

തങ്ങളുടെ പ്രതാപകാലത്ത് നടത്തിയ അധികാര ദുർവിനിയോഗവും ക്രൂരമായ അക്രമവും കാലമേറെ ചെന്നപ്പോൾ തിരിഞ്ഞു കൊത്തുന്ന അപൂർവമായ സാഹചര്യമാണ് പ്രമാദമായ ചാരക്കേസിൽ ഉണ്ടായിരിക്കുന്നത്.

ചാരക്കേസ് നൂറ് ശതമാനവും കെട്ടിച്ചമച്ചതാണ്. കഥ മുമ്പോട്ട് കൊണ്ടുപോയവരിൽ പോലീസ് ഓഫീസർമാരുണ്ട്, മാധ്യമ പ്രവർത്തകരുണ്ട്, രാഷ്ട്രീയ നേതാക്കൾ ഉണ്ട്. ഉദ്ദേശം പലതായിരുന്നുവെന്ന് മാത്രം.

മറിയം റഷീദ എന്ന മാലി വനിതയെ അറസ്റ്റ് ചെയ്ത വാർത്ത ആദ്യമായി വന്നത് തനിനിറം എന്ന മഞ്ഞപത്രത്തിലാണ്. പിന്നീട് അത് ദേശാഭിമാനിയിൽ വലിയ വാർത്തയായി വന്നു. സ്മാർട്ട് വിജയൻ എന്ന് വിളിപ്പേരുള്ള എസ്.വിജയൻ എന്ന പോലീസ് ഓഫീസറാണ് മറിയം റഷീദയെ അറസ്റ്റ് ചെയ്തത്.

ബ്ലാക് മെയിലിങ് ജേണലിസത്തിലൂടെ കുപ്രസിദ്ധനായ ഒരു മാധ്യമ പ്രവർത്തകനും ചില പോലീസ് ഓഫീസർമാരും ചേർന്ന് പിന്നീട് കെട്ടിച്ചമച്ച കഥയാണ് കേരളത്തെ നടുക്കിയ ചാരക്കേസ്. ഈ മാധ്യമ പ്രവർത്തകൻ പിന്നീട് ചില ക്രിമിനൽ കേസുകളിൽ പ്രതിയായി.

ലോക പ്രശസ്ത ശാസ്ത്രജ്ഞനാകേണ്ടിയിരുന്ന നമ്പി നാരായണൻ ക്രയോജനിക് സാങ്കേതിക വിദ്യ ഐ.എസ്.ആർ.ഒ യിൽ നിന്ന് മറിയം റഷീദക്കും ഫൗസിയ ഹസനും ചോർത്തി നൽകി എന്നതാണ് കേസ്.

അന്നത്തെ രാഷ്ട്രീയ പശ്ചാത്തലം കൂടി മനസ്സിലാക്കണം. നരസിംഹറാവു ഇന്ത്യൻ പ്രധാനമന്ത്രി. സർവ പ്രതാപിയായ കെ.കരുണാകരൻ കേരള മുഖ്യമന്ത്രി. കോൺഗ്രസിലെ ഐ – എ ഗ്രൂപ്പ് പോര് പാരമ്യത്തിലെത്തി നിൽക്കുന്ന സമയം. എ.കെ.ആന്റണിയും ഉമ്മൻ ചാണ്ടിയും കെ. കരുണാകരനെ വലിച്ച് താഴെയിടാൻ തക്കം പാർത്തിരിക്കുന്ന സമയം.

കരുണാകരന്റെ വിശ്വസ്തനായിരുന്ന രമൺ ശ്രീവാസ്തവ യാതൊരു ബന്ധവുമില്ലാത്ത ചാരക്കേസിലേക്ക് വലിച്ചിഴകപ്പെടുന്നു. രമൺ ശ്രീവാസ്തവ ആയിരുന്നില്ല ലക്ഷ്യം. കെ. കരുണാകരൻ ആയിരുന്നു.

മലയാളത്തിലെ പ്രധാന പത്രം ഇതിനായി അരയും തലയും മുറുക്കി രംഗത്തിറങ്ങി. ചരിത്രത്തിലെ ചാരസുന്ദരിമാരുടെ കഥകൾ ഓരോ ദിവസവും വായനാക്കാരുടെ നെഞ്ചിടിപ്പ് കൂട്ടി. പ്രധാന പത്രം ചാരക്കഥകൾ എഴുതിത്തുടങ്ങിയപ്പോൾ മറ്റ് പത്രങ്ങൾക്ക് നിവൃത്തിയില്ലാതായി.

നിറം പിടിപ്പിച്ച കഥകൾ അവരും എഴുതിത്തുടങ്ങി. ഐ.ബി. ഉദ്യോഗസ്ഥനായിരുന്ന ആർ.ബി ശ്രീകുമാറിന്റെ ബാംഗ്ലൂരിലെ ഓഫീസിലേക്ക് തിരുവനന്തപുരത്ത് നിന്ന് മാധ്യമ പ്രമുഖർ ഫ്ലൈറ്റുകളിൽ പറന്നെത്തി. അഭിമുഖം നടത്തി. രാജ്യത്തെ നടുക്കിയ ചാരക്കേസ് കണ്ടെത്തിയ സ്മാർട്ട് വിജയനും, ജോഷ്വായും, ആർ.ബി.ശ്രീകുമാറും, സിബി മാത്യൂസും മലയാളികളുടെ ഹീറോകളായി.

അന്ന് കെ.കരുണാകരൻ പറഞ്ഞിരുന്നു ചാരക്കേസ് വെറും ചാരമാകും എന്ന്. നരസിംഹ റാവുവിന്റെ ഉദ്ദേശ്യം വേറെയായിരുന്നു. സർവ പ്രതാപിയായ കെ.കരുണാകരന്റെ അപ്രമാദിത്വം ഇല്ലാതാക്കുക. ഇതിന് വേണ്ടി ഐ.ബിയെ ഉപയോഗിച്ചതിന്റെ തെളിവാണ് ആർ.ബി.ശ്രീകുമാറിന്റെ കേസിലെ സാന്നിദ്ധ്യം.

കെ.കരുണാകരൻ എന്ന വൻമരം കടപുഴകി വീണു. അദ്ദേഹത്തിന്റെ ശത്രുക്കൾ കൈകൊട്ടി ചിരിച്ചു. നമ്പി നാരായണൻ, ശശികുമാർ തുടങ്ങിയ ശാസ്ത്രജ്ഞർ അഴിക്കുള്ളിലായി. ഇവരുടെ കുടുംബാംഗങ്ങൾ അപമാനിതരായി വീട്ടിനുള്ളിൽ കഴിഞ്ഞു.

കാലം തിരിഞ്ഞു കൊണ്ടേയിരുന്നു. ശക്തമായ നിയമ യുദ്ധത്തിനൊടുവിൽ നമ്പി നാരായണനുൾപ്പടെയുള്ള ശാസ്ത്രജ്ഞർ കുറ്റവിമുക്തരാക്കപ്പെട്ടു. നമ്പിനാരായണന് നഷ്ടപരിഹാരം നൽകാൻ വിധിയായി.

മറിയം റഷീദ, ഫൗസിയ ഹസൻ എന്നിവർ വർഷങ്ങളോളം ജയിലിൽ കിടന്നു. കേരളത്തിലേക്ക് വരാൻ തോന്നിയ അഭിശപ്തമായ നിമിഷത്തെ ശപിച്ചു കൊണ്ട്. പുനരന്വേഷണം ആവശ്യപ്പെട്ടുള്ള നമ്പി നാരായണന്റെ ഹർജിയിൽ പരമോന്നത നീതിപീഠം സി.ബി.ഐ യെ അന്വേഷണം ഏൽപ്പിച്ചു കൊണ്ട് ഉത്തരവായി.

ഏറ്റവുമവസാനം എസ്.വിജയൻ, ആർ ബി. ശ്രീകുമാർ, സിബി മാത്യൂസ്, ജോഷ്വ തുടങ്ങിയവരെ പ്രതി ചേർത്ത് കേസ് എടുത്തിരിക്കുന്നു. കള്ളക്കേസുണ്ടാക്കിയതിൽ ഇവർക്കെല്ലാമെതിരെ തെളിവുണ്ട് എന്ന് വ്യക്തമായ സാഹചര്യത്തിലാണ് പരമോന്നത നീതിപീഠം ഉത്തരവ് നൽകിയിരിക്കുന്നത്.

കേസ് നല്ല രീതിയിൽ നടന്നാൽ ഇവരെല്ലാം അകത്താകാൻ സാധ്യതയുണ്ട്. കാലം എല്ലാത്തിനും സാക്ഷിയായി നിൽക്കുന്നുവെന്ന സത്യം മറക്കുന്നവർക്കാണ് ഇത്തരം ദുരനുഭവം ഉണ്ടാകുന്നത്. അധികാരം കൈയിലിരിക്കുമ്പോൾ മറ്റുള്ളവരെ നശിപ്പിക്കാൻ അത് ഉപയോഗിക്കുന്നവരെ പിന്നീട് അതേ ചക്രായുധം പിന്തുടരും എന്ന സത്യം മറക്കരുത്.

ഇതിലുൾപ്പെട്ട തത്വദീക്ഷയില്ലാത്ത ബ്ലാക്മയിലിങ് ജേണലിസ്റ്റുകളെക്കൂടി പ്രതിപ്പട്ടികയിൽ ചേർക്കണം. ചുക്കാൻ പിടിച്ച നേതാക്കളേയും. ചാരക്കേസിലൂടെ തകർന്നടിഞ്ഞ ജീവിതങ്ങൾക്ക് തങ്ങളെ ഇല്ലാതാക്കിയവരെ അഴിക്കുള്ളിലാക്കുന്ന ചരിത്രത്തിന്റെ തനിയാവർത്തനം അങ്ങിനെയെങ്കിലും നീതി നൽകട്ടെ.

Related Posts

More News

കാർത്തി നായകനായെത്തുന്ന ഏറ്റവും പുതിയ ചിത്രം സർദാർ ഒക്ടോബർ 21ന് റിലീസിനെത്തുന്നു. ദീപാവലി റിലീസായി എത്തുന്ന ചിത്രം നിർമിച്ചിരിക്കുന്നത് പ്രിൻസ് പിക്ചേഴ്‍സിന്റ ബാനറിൽ എസ്. ലക്ഷ്‍മണ്‍ കുമാറാണ്. കാർത്തിയുടെ കരിയറിലെ ഏറ്റവും മുതൽമുടക്കിലുള്ള ചിത്രമായിരിക്കും ഇത്. പ്രേക്ഷകരിൽ ആകാംക്ഷ നിറയ്ക്കുന്ന ടീസറാണ് ഇതിനോടകം സർദാർ ടീം പുറത്തിറക്കിയിരിക്കുന്നത്. ടീസർ റിലീസ് ചെയ്ത് മണിക്കൂറുകൾക്കുള്ളിൽ 55 ലക്ഷത്തിലധികം പേരാണ് ടീസർ യൂട്യൂബിൽ കണ്ടത്. ഒരു സ്പൈ ആയിട്ടാണ് കാർത്തി ചിത്രത്തിൽ അഭിനയിക്കുന്നത്. അതുകൊണ്ട് തന്നെ വ്യത്യസ്ത ​ഗെറ്റപ്പുകളിൽ എത്തുന്ന […]

ലണ്ടന്‍: രാജ്യാന്തര വിപണിയില്‍ അസംസ്കൃത എണ്ണയ്ക്ക് വിലയിടിവ് തുടരുന്ന സാഹചര്യത്തില്‍, ഇതു നേരിടാന്‍ എണ്ണ ഉത്പാദനം വെട്ടിക്കുറയ്ക്കുന്നതിന് ഒപെക് രാജ്യങ്ങള്‍ തീരുമാനമെടുത്തു. പ്രതിദിനം 20 ലക്ഷം ബാരലിന്റെ കുറവാണ് വരുത്തുന്നത്. കോവിഡ് കാലഘട്ടത്തിനു ശേഷം ആദ്യമായാണ് ഇത്രയും ഭീമമായ വെട്ടിക്കുറവ്. ഇതുവഴി ഡിമാന്‍ഡ് വര്‍ധിക്കുകയും വില കൂടുകയും ചെയ്യുമെന്നാണ് കണക്കൂകൂട്ടല്‍. എണ്ണ ഉത്പാദനം കുറയ്ക്കരുതെന്ന യു.എസ് പ്രസിഡന്റ് ജോ ബൈഡന്റെ അഭ്യര്‍ഥന അവഗണിച്ചാണ് എണ്ണ ഉത്പാദക രാജ്യങ്ങളുടെ സംഘടന തീരുമാനമെടുത്തിരിക്കുന്നത്. അടുത്ത മാസം ഇതു പ്രാബല്യത്തില്‍ വരും.

കൊച്ചി: വടക്കഞ്ചേരി ബസ് ദുരന്തത്തിന്റെ പശ്ചാത്തലത്തിൽ നാളെ കോടതിയിൽ ഹാജരാകാൻ ട്രാൻസ്പോർട്ട് കമ്മിഷണർക്ക് ഹൈക്കോടതി നിർദേശം നൽകി. റോഡ് സുരക്ഷാ കമ്മിഷണർ കൂടിയായ ട്രാൻസ്പോർട്ട് കമ്മിഷണർക്ക് നേരിട്ട് ഹാജരാകാനായില്ലെങ്കിൽ ഓൺലൈനിലൂടെ ഹാജരാകാമെന്നും കോടതി പറഞ്ഞു. ഇത്തരം അപകടങ്ങൾ ആവർത്തിക്കാതിരിക്കാൻ മാർഗങ്ങൾ ഇല്ലേയെന്നു ജസ്റ്റിസ് ദേവൻ രാമചന്ദ്രൻ ആരാഞ്ഞു. മോട്ടർവാഹനങ്ങൾക്ക് വേഗപ്പൂട്ട് നിർബന്ധമാക്കണമെന്നും റോഡിൽ വഴിവിളക്ക് ഉറപ്പാക്കണമെന്നുമുള്ള നിയമങ്ങൾ നിലവിലുണ്ടെങ്കിലും അതൊന്നും പാലിക്കപ്പെടാറില്ലെന്ന് അഭിഭാഷകർ കോടതിയിൽ സൂചിപ്പിച്ചു. നിർദേശങ്ങളെയും നിയമങ്ങളെയും ഭയമില്ലാത്തതാണു പ്രശ്നം. സർക്കുലറുകൾ ഇറക്കുകയല്ല, നടപടിയെടുക്കുകയാണു വേണ്ടതെന്നും […]

ഹൂസ്റ്റൺ: ഫ്രണ്ട് ഓഫ് തിരുവല്ലയുടെ ആഭിമുഖ്യത്തിൽ വൈവിധ്യമാർന്നതും ശ്രദ്ധേയവുമായ പരിപാടികളോടെ കേരളത്തിന്റെ ആഘോഷങ്ങളുടെ ആഘോഷമായ ഓണം പ്രൗഢഗംഭീരമായി ആഘോഷിച്ചു. ഒക്ടോബർ 2 ന് ഞായറാഴ്ച മിസ്സോറി സിറ്റിയിലുള്ള അപ്ന ബസാർ ഹാളിൽ തയ്യാറാക്കപ്പെട്ട വേദിയിൽ ജനമനസ്സുകളിൽ ആഹ്‌ളാദം നിറച്ചു കൊണ്ട് പ്രവേശനം ചെയ്ത മഹാബലിയും തിരുവല്ലയുടെ തരുണീമണികൾ അവതരിപ്പിച്ച തിരുവാതിരയും തിരുവല്ലയുടെ പുത്രൻ ഷിനു ജോസെഫിന്റെ ശ്രുതിമധുരമായ ഗാനങ്ങളും ഓണപ്പാട്ടുകളും ഒരു ഉത്സവ പ്രതീതി ഉളവാക്കി. കുട്ടികൾ മുതൽ മുതിർന്നവർ വരെ അവതരിപ്പിച്ച കലാപരിപാടികൾ ഒന്നിനൊന്നു മെച്ചപ്പെട്ടതായിരുന്നു., […]

തിരുവനന്തപുരം: വടക്കഞ്ചേരി ബസ് അപകടത്തിൽ മരിച്ചവരുടെ കുടുംബത്തിനും പരുക്കേറ്റവർക്കും സംസ്ഥാന സർക്കാർ ഉടൻ നഷ്ടപരിഹാരം അനുവദിക്കണമെന്നു ബിജെപി സംസ്ഥാന അധ്യക്ഷൻ കെ.സുരേന്ദ്രൻ. അപകടത്തിൽ മരിച്ചവരുടെ കുടുംബങ്ങൾക്കു 2 ലക്ഷം രൂപയും പരുക്കേറ്റവർക്ക് 50,000 രൂപയും പ്രധാനമന്ത്രി നരേന്ദ്ര മോദി അനുവദിച്ചത് ആശ്വാസകരമാണ്. കേന്ദ്രത്തിനെ മാതൃകയാക്കാൻ സംസ്ഥാന സർക്കാർ തയാറാവണം. സംസ്ഥാനത്തു റോഡ് അപകടങ്ങൾ തടയാൻ സർക്കാർ കർശനമായി ഇടപെടണം. അപകടത്തിൽപ്പെട്ട ബസിനെതിരെ നേരത്തേ 5 കേസുകൾ എടുത്തിരുന്നുവെന്നത് ഞെട്ടിക്കുന്നതാണ്. കുപ്രസിദ്ധമായ ബസിനെതിരെ മോട്ടോർ വാഹന വകുപ്പ് ജാഗ്രത […]

ലണ്ടന്‍: ഒരു മിനിറ്റില്‍ 42 തവണ സ്ക്വാറ്റ് ലിഫ്റ്റ് ചെയ്ത് ബ്രിട്ടീഷ് ഇന്ത്യന്‍ യുവതി പവര്‍ ലിഫ്റ്റിങ്ങില്‍ ലോക റെക്കോഡിന് അര്‍ഹയായി. കരണ്‍ജീത് കൗര്‍ ബെയിന്‍സ് എന്ന ഇരുപത്തഞ്ചുകാരിയാണ് അപൂര്‍വ നേട്ടം സ്വന്തമാക്കിയിരിക്കുന്നത്. പവര്‍ ലിഫ്റ്റിങ്ങില്‍ ബ്രിട്ടനെ പ്രതിനിധീകരിക്കുന്ന ആദ്യത്തെ ബ്രിട്ടീഷ്~സിഖ് വനിതയാണ്. പതിനേഴാം വയസില്‍ പവര്‍ ലിഫ്റ്റിങ്ങിലേക്കു കടന്ന കരണ്‍ജീത് ഒന്നിലേറെ ചാമ്പ്യന്‍ഷിപ്പുകളില്‍ ജേത്രിയാണ്. അച്ഛന്‍ കുല്‍ദീപും പവര്‍ലിഫ്റ്ററാണ്.

ഡോക്ടർ ശശി തരൂരിന്റെ പേരിൽ സോഷ്യൽ മീഡിയയിൽ നടക്കുന്ന വാക്ക്‌പോരുകൾ കാണുമ്പോൾ കോൺഗ്രസ് പാർട്ടിയുടെ കാര്യത്തിൽ കോൺഗ്രസുകാരേക്കാൾ ഛേദം കോൺഗ്രസിതര പാർട്ടിക്കാർക്കും പകൽ കോൺഗ്രസും രാത്രി കാക്കി ട്രൗസറിട്ട് നടക്കുന്നവര്‍ക്കും ആണെന്ന് തോന്നി പോകുന്നു. കോൺഗ്രസ് പാർട്ടിയുടെ ആഭ്യന്തര പ്രശ്നത്തിൽ ഏറ്റവും ഊറ്റം കൊള്ളുന്നത് മറ്റുള്ളവരാണ്. ഇതെല്ലാം കോൺഗ്രസിന്റെ ഒരു അടവ് നയം ആണെങ്കിൽ ഇവിടെ പെട്ടുപോകുന്നത് ഇക്കൂട്ടരാണ്. കോൺഗ്രസിനെ സംബന്ധിച്ചിടത്തോളം എഐസിസി യുടെ പ്രസിഡണ്ട് സ്ഥാനത്തേക്ക് ഡോക്ടർ ശശി തരൂരിന്റെ മേലെ ഒരാളെ കിട്ടുക എന്നത് […]

വാഷിങ്ടണ്‍: അപകടകാരികളായ ഛിന്നഗ്രഹങ്ങളില്‍നിന്ന് ഭൂമിയെ രക്ഷിക്കുക എന്ന പരീക്ഷണത്തിന്റെ ഭാഗമായി നാസ നടത്തിയ ഡാര്‍ട്ട് വിക്ഷേപണത്തിന്റെ കൂടുതല്‍ വിവരങ്ങള്‍ പുറത്തുവരുന്നു. ഡാര്‍ട്ട് ഇടിച്ചു തെറിപ്പിച്ച ഛിന്നഗ്രഹത്തിന് ഇടിയുടെ ആഘാതത്തില്‍ പതിനായിരം കിലോമീറ്റര്‍ ദൈര്‍ഘ്യമാുള്ള വാല്‍ ദൃശ്യമായിട്ടുണ്ട്. ഛിന്നഗ്രഹത്തിന്റെ തന്നെ അവശിഷ്ടങ്ങളാണ് ജ്വലിക്കുന്ന വാലായി മാറിയത്. ചിലിയില്‍ സ്ഥാപിച്ചിരിക്കുന്ന ടെലിസ്കോപാണ് ഇതിന്റെ ചിത്രങ്ങള്‍ പകര്‍ത്തിയത്. ദിദിമോസ് ഛിന്നഗ്രഹത്തിനു ചുറ്റും കറങ്ങുന്ന ചെറുഛിന്നഗ്രഹമായ ദിമോര്‍ഫോസിനെയാണ് നാസയുടെ ഡാര്‍ട്ട് ഉപഗ്രഹം ഇടിച്ചത്. ദൗത്യം ഛിന്നഗ്രഹത്തിന്റെ സഞ്ചാരപഥത്തില്‍ മാറ്റം വരുത്തിയിട്ടുണ്ടോ എന്നറിയാന്‍ ഇനിയും […]

കൊല്ലം: വടക്കാഞ്ചേരിയില്‍ ഒമ്പതു പേരുടെ മരണത്തിനിടയാക്കിയ ടൂറീസ്റ്റ് ബസ് അപകടത്തെ തുടര്‍ന്ന് ഒളിവില്‍ പോയ ഡ്രൈവര്‍ ജോമോന്‍ (ജോജോ പത്രോസ്) അറസ്റ്റില്‍. കൊല്ലം ചവറയില്‍ നിന്നാണ് ഇയാളെ പിടികൂടിയത്. തിരുവനന്തപുരത്തേയ്ക്ക് കടക്കാന്‍ ശ്രമിക്കുന്നതിനിടെയാണ് കൊല്ലം ചവറ ശങ്കരമങ്കലത്ത് നിന്ന് ചവറ പൊലീസ് ജോമോനെ പിടികൂടി വാളാഞ്ചേരി പൊലീസിന് കൈമാറിയത്.

error: Content is protected !!