ഹോണ്ട മോട്ടോർസൈക്കിള്‍ & സ്‌കൂട്ടർ ഇന്ത്യ പുതിയ സിബി350സി സ്പെഷ്യൽ എഡിഷൻ ലോഞ്ച് ചെയ്‌തു

ഗുരുഗ്രാം:പ്രീമിയം 350 സിസി മോട്ടോർസൈക്കിൾ വിഭാഗത്തിൽ തങ്ങളുടെ സ്ഥാനം ഉറപ്പിച്ചുകൊണ്ട് ഹോണ്ട മോട്ടോർസൈക്കിള്‍ & സ്‌കൂട്ടർ ഇന്ത്യ (എച്ച്എംഎസ്‌ഐ) ഇന്ന് പുതിയ സിബി350സി സ്പെഷ്യൽ എഡിഷൻ പുറത്തിറക്കി. 

ഈ റെട്രോ ക്ലാസിക് മോട്ടോർസൈക്കിളിനായുള്ള ബുക്കിംഗുകൾ ഇപ്പോൾ ആരംഭിച്ചിരിക്കുന്നു, 2025 ഒക്ടോബർ ആദ്യ വാരം മുതൽ രാജ്യത്തുടനീളമുള്ള എല്ലാ ഹോണ്ട ബിഗ്‌വിംഗ് ഡീലർഷിപ്പുകളിലും ഇത് ലഭ്യമാകും. പുതിയ ഹോണ്ട സിബി350സി സ്പെഷ്യൽ എഡിഷൻ്റെ ബെംഗളൂരു, കർണാടക എക്‌സ്-ഷോറൂം വില 2,01,900 രൂപയാണ്.

പുതിയ സിബി350സി സ്പെഷ്യൽ എഡിഷൻ പുറത്തിറക്കിയതോടെ, ക്ലാസിക് മോട്ടോർസൈക്കിൾ പ്രേമികളെ ആകർഷിക്കുന്ന ഒരു മോട്ടോർസൈക്കിൾ എന്ന നിലയിൽ എച്ച്എംഎസ്‌ഐ ഐക്കണിക് സിബി350യെ സിബി350സി എന്ന് പുനർനാമകരണം ചെയ്തു. ക്ലാസിക് മോട്ടോർസൈക്കിൾ പ്രേമികൾക്ക് അനുയോജ്യമായൊരു മോട്ടോർസൈക്കിൾ എന്ന നിലയിൽ അതിൻ്റെ സ്ഥാനം ശക്തിപ്പെടുത്തിയിട്ടുണ്ട്. 

പുതിയ 'സിബി350സി' ലോഗോയും ഇന്ധന ടാങ്കിൽ വ്യക്തമായി സ്ഥാപിച്ചിരിക്കുന്ന ഒരു സ്പെഷ്യൽ എഡിഷൻ സ്റ്റിക്കറും ഇതിലുണ്ട്. ഇന്ധന ടാങ്ക്, ഫ്രണ്ട് ഫെൻഡർ, റിയർ ഫെൻഡർ എന്നിവയുൾപ്പെടെയുള്ള ബോഡി പാനലുകളെ പുതിയ വരകളുള്ള ഗ്രാഫിക്സ് അലങ്കരിക്കുന്നു, ഇത് ബോൾഡ്, പ്രീമിയം ആകർഷണീയത നൽകുന്നു.