ഹ്യുണ്ടായ് ക്രെറ്റ എൻ ലൈനിനായുള്ള രാജ്യവ്യാപക ബുക്കിംഗ് ആരംഭിച്ചു

ഹ്യുണ്ടായ് ക്രെറ്റ എൻ ലൈനിനായുള്ള രാജ്യവ്യാപക ബുക്കിംഗ് ആരംഭിച്ചു. വാങ്ങാൻ ആഗ്രഹിക്കുന്നവർക്ക് 25,000 രൂപ ബുക്കിംഗ് തുക നൽകി വാഹനം ബുക്ക് ചെയ്യാം. വാഹനത്തിന്‍റെ ഡെലിവറികൾ മെയ് പകുതിയോടെ ആരംഭിക്കുമെന്ന് പ്രതീക്ഷിക്കുന്നു. സാധാരണ ക്രെറ്റയുടെ ഈ സ്‌പോർട്ടിയർ പതിപ്പ് N8, N10 എന്നിങ്ങനെ രണ്ട് വേരിയൻ്റുകളിൽ ലഭിക്കും.  

ഉപഭോക്താക്കൾക്ക് മൂന്ന് മോണോടോണും മൂന്ന് ഡ്യുവൽ ടോൺ കളർ ഓപ്ഷനുകളും തിരഞ്ഞെടുക്കാം. ടൈറ്റൻ ഗ്രേ മാറ്റ്, അബിസ് ബ്ലാക്ക്, പേൾ എന്നിവ മോണോടോണിൽ ഉൾപ്പെടുന്നു. അതേസമയം ഡ്യുവൽ-ടോൺ ഓപ്ഷനുകളിൽ ബ്ലാക്ക് റൂഫുള്ള ഷാഡോ ഗ്രേ, ബ്ലാക്ക് റൂഫുള്ള അറ്റ്ലസ് വൈറ്റ്, ബ്ലാക്ക് റൂഫുള്ള തണ്ടർ ബ്ലൂ എന്നിവ ഉൾപ്പെടുന്നു.

ഫീച്ചറുകളുടെ കാര്യത്തിൽ, ലെവൽ 2 എഡിഎഎസ് ടെക്, 360-ഡിഗ്രി ക്യാമറ, ഫ്രണ്ട് ആൻഡ് റിയർ പാർക്കിംഗ് സെൻസറുകൾ, ബ്ലൈൻഡ് സ്പോട്ട് മോണിറ്റർ, ഓട്ടോമാറ്റിക് വൈപ്പറുകൾ, ഓട്ടോമാറ്റിക് ഹെഡ്‌ലാമ്പുകൾ എന്നിവ ഹ്യുണ്ടായ് ക്രെറ്റ എൻ ലൈൻ വാഗ്ദാനം ചെയ്യും. എട്ട് സ്പീക്കർ ബോസ് ഓഡിയോ സിസ്റ്റവും വെൻ്റിലേറ്റഡ് ഫ്രണ്ട് സീറ്റുകളും പോലുള്ള പ്രീമിയം ഫീച്ചറുകൾ ടോപ്പ് എൻഡ് N10 ട്രിമ്മിൽ മാത്രമായിരിക്കും.

ആറ് എയർബാഗുകൾ, ഓട്ടോ ഹോൾഡ് ഫംഗ്ഷനോടുകൂടിയ ഇലക്ട്രോണിക് പാർക്കിംഗ് ബ്രേക്ക്, ഇലക്ട്രോണിക് സ്റ്റെബിലിറ്റി കൺട്രോൾ, ഇബിഡിയുള്ള എബിഎസ്, ഹിൽ അസിസ്റ്റ് കൺട്രോൾ എന്നിവ സ്റ്റാൻഡേർഡ് സുരക്ഷാ ഫീച്ചറുകളിൽ ഉൾപ്പെടും. എൻ ലൈൻ-നിർദ്ദിഷ്ട സ്റ്റിയറിംഗ് വീൽ, അലൂമിനിയം റേസ് പെഡലുകൾ, ഗിയർ സെലക്ടർ, കോൺട്രാസ്റ്റ് റെഡ് സ്റ്റിച്ചിംഗ് ഉള്ള സീറ്റ് അപ്ഹോൾസ്റ്ററി, വ്യതിരിക്തമായ ഫ്രണ്ട് ഗ്രിൽ, ഡ്യുവൽ എക്‌സ്‌ഹോസ്റ്റ് തുടങ്ങിയ ഫീച്ചറുകളും ലഭിക്കും.