/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/ihMA6qWqk8iOd03OtQyQ.jpeg)
എവിജിസി-എക്സ്ആര് മേഖലയില് സ്കൂള് തലം മുതല് സര്വകലാശാല തലം വരെ സമഗ്രമായ ഇടപെടലുകള് വഴി 50,000 തൊഴിലവസരങ്ങള് സൃഷ്ടിക്കുകയാണ് ലക്ഷ്യമെന്നും മന്ത്രി പറഞ്ഞു. ഈ കാലയളവില് മള്ട്ടി നാഷണലുകള് ഉള്പ്പെടെ 250 കമ്പനികള് തുടങ്ങും. രാജ്യത്തെ എവിജിസി-എക്സ്ആര് കയറ്റുമതി വരുമാനത്തിന്റെ പത്ത് ശതമാനം കരസ്ഥമാക്കാന് സംസ്ഥാനത്തെ പ്രാപ്തമാക്കുന്നതാണ് നയം.
ഭാവിയുടെ സാങ്കേതികമേഖലയെന്ന് വിശേഷിപ്പിക്കാവുന്ന ആനിമേഷന്, വിഷ്വല് ഇഫക്ട്സ്, ഗെയ്മിംഗ്, കോമിക്സ് - എക്സറ്റെന്ഡഡ് റിയാലിറ്റി മേഖലയ്ക്കായി സമഗ്ര നയം പുറത്തിറക്കിയിരിക്കുകയാണ് സംസ്ഥാന സര്ക്കാര്. സാങ്കേതികവിദ്യാ രംഗത്ത് മുന്പന്തിയില് നില്ക്കുന്ന സംസ്ഥാനമെന്ന നിലയില് എവിജിസി-എക്സ്ആര് മേഖലയിലെ പതാകവാഹകരാകാന് ഒരുങ്ങുകയാണ് കേരളം.
2029 ഓടെ എവിജിസി-എക്സ്ആര് മേഖലയില് സ്കൂള് തലം മുതല് സര്വകലാശാല തലം വരെ സമഗ്രമായ ഇടപെടലുകള് വഴി 50,000 തൊഴിലവസരങ്ങള് സൃഷ്ടിക്കുകയാണ് ലക്ഷ്യം. ഈ കാലയളവില് മള്ട്ടി നാഷണലുകള് ഉള്പ്പെടെ 250 കമ്പനികള് തുടങ്ങും. രാജ്യത്തെ എവിജിസി-എക്സ്ആര് കയറ്റുമതി വരുമാനത്തിന്റെ പത്ത് ശതമാനം കരസ്ഥമാക്കാന് സംസ്ഥാനത്തെ പ്രാപ്തമാക്കുന്നതാണ് നയം. രാജ്യത്തെ എവിജിസി-എക്സ്ആര് ഉള്ളടക്കത്തിന്റെ 15 ശതമാനമെങ്കിലും കേരളത്തില് നിന്നാക്കാന് ശ്രമിക്കും.
കേരള സ്റ്റാര്ട്ട്പ്പ് മിഷന്, കെഎസ്ഐഡിസി, കെഎസ്എഫ്ഡിസി, കേരള ഡിജിറ്റല് സര്വ്വകലാശാല, കേരള ടെക്നിക്കല് യൂണിവേഴ്സിറ്റി, സി-ഡിറ്റ്, കേരള ഫൈബര് ഒപ്ടിക് നെറ്റ് വര്ക്ക് (കെ-ഫോണ്), കേരള ഡെവലപ്മന്റ് ഇനോവേഷന് സ്ട്രാറ്റജി കൗണ്സില് (കെ-ഡിസ്ക്), കേരള നോളഡ്ജ് ഇക്കണോമി മിഷന്, തുടങ്ങി വിവിധ സ്ഥാപനങ്ങളുടെ സംയുക്ത പ്രവര്ത്തനമാണ് എവിജിസി-എക്സ്ആര് മേഖലയ്ക്കായി ഉപയോഗപ്പെടുത്തുന്നത്.