ഇലക്ട്രിക് എസ്‌യുവിയായ കിയ ഇവി 3 ആഗോളവിപണിയിൽ അരങ്ങേറ്റം കുറിച്ചു

കിയയിൽ നിന്നുള്ള പുതിയ ഇലക്ട്രിക് എസ്‌യുവിയായ കിയ ഇവി 3, ഉൽപ്പാദനത്തിന് തയ്യാറായ രൂപത്തിൽ ആഗോളവിപണിയിൽ അരങ്ങേറ്റം കുറിച്ചു. മോഡൽ ആദ്യം അതിൻ്റെ ആഭ്യന്തര വിപണിയായ ദക്ഷിണ കൊറിയയിൽ 2024 ജൂണിൽ ലോഞ്ച് ചെയ്യും. തുടർന്ന് യൂറോപ്പ് 2024 അവസാനത്തിലും ഏഷ്യൻ വിപണികളിൽ അടുത്ത വർഷം തുടക്കത്തിലും.

EV3 യുടെ ഏകദേശം 200,000 യൂണിറ്റുകൾ ലോകമെമ്പാടും വിൽക്കാൻ കമ്പനി ലക്ഷ്യമിടുന്നു. വില ഏകദേശം 35,000 - 50,000 യുഎസ്‍ഡി ആയിരിക്കും. ഇത് ഏകദേശം 30 ലക്ഷം മുതൽ 42 ലക്ഷം രൂപ വരെ വരും. ഇ-ജിഎംപി പ്ലാറ്റ്‌ഫോമിന് കീഴിൽ, എൽജി കെമിൽ നിന്ന് ലഭിക്കുന്ന രണ്ട് ബാറ്ററി പാക്കുകളുമായാണ് കിയ EV3 വരുന്നത്.

ഇവി3ക്ക് പൂജ്യം മുതൽ 100kmph വരെ വേഗതയിലേക്ക് വെറും 7.5 സെക്കൻഡിൽ കുതിക്കാൻ കഴിയും. പരമാവധി വേഗത 170 കിമി ആണ്. ലോംഗ്-റേഞ്ച് പതിപ്പ് WLTP സൈക്കിളിൽ 600 കിലോമീറ്റർ വരെ ഓഫർ ചെയ്യുമെന്ന് കമ്പനി അവകാശപ്പെടുന്നു. 400V ആർക്കിടെക്ചർ ഉപയോഗിച്ച്, അതിൻ്റെ ബാറ്ററി 10 മുതൽ 80 ശതമാനം വരെ ചാർജ് ചെയ്യാൻ 31 മിനിറ്റ് എടുക്കും.

പുനരുൽപ്പാദിപ്പിക്കുന്ന ബ്രേക്കിംഗിനായി പാഡിൽ ഷിഫ്റ്ററുകൾക്കൊപ്പം V2L കഴിവുകളോടെയാണ് പുതിയ EV3 വരുന്നത്. കിയയിൽ നിന്നുള്ള കോംപാക്റ്റ് ഇലക്ട്രിക് എസ്‌യുവി അതിൻ്റെ ലേഔട്ടും സവിശേഷതകളും EV9-മായി പങ്കിടുന്നു. 30 ഇഞ്ച് വൈഡ് സ്‌ക്രീൻ സജ്ജീകരണവും അതിൻ്റെ സോഫ്റ്റ്‌വെയറും ഉൾപ്പെടുന്നു.