ശക്തവും ആഡംബരവുമായ ഫീച്ചറുകളുമായി ഔഡി ക്യു 5

ശക്തവും ആഡംബരവുമായ ഫീച്ചറുകളുള്ള ഒരു കാർ വാങ്ങാൻ നിങ്ങൾ ആഗ്രഹിക്കുന്നുവെങ്കിൽ, ഔഡി ക്യു 5 നിങ്ങൾക്ക് മികച്ച ഓപ്ഷനായിരിക്കും. 249 എച്ച്പി പവറും 370 എൻഎം ടോർക്കും ഉൽപ്പാദിപ്പിക്കാൻ ശേഷിയുള്ള 2.0 ലിറ്റർ ടിഎഫ്എസ്ഐ എഞ്ചിനാണ് ഓഡി ക്യു5ൽ സജ്ജീകരിച്ചിരിക്കുന്നത്. ഔറംഗബാദിലെ  പ്ലാൻ്റിൽ നിർമ്മിച്ച ഔഡി Q5 പ്രീമിയം പ്ലസ്, ടെക്‌നോളജി എന്നീ രണ്ട് വേരിയൻ്റുകളിൽ പുറത്തിറക്കുന്നു.

ഓഡി ക്യു 5 ന് ഒരു സ്പോർട്ടി സ്വഭാവമാണ് നൽകിയിരിക്കുന്നത്. 65ലക്ഷം രൂപ മുതലാണ് ഓഡി ക്യു5 എക്സ്-ഷോറൂം വില ആരംഭിക്കുന്നത്. അതിൻ്റെ സവിശേഷതകൾ അറിയാം.ഓഡി ക്യു 5 ൻ്റെ മുൻവശത്ത് ട്രേഡ് മാർക്ക് സിംഗിൾ-ഫ്രെയിം ഗ്രില്ലും അഷ്ടഭുജ രൂപരേഖയും ഉണ്ട്, അതിന് വളരെ മൂർച്ചയുള്ളതും നന്നായി നിർവചിക്കപ്പെട്ടതുമായ അരികുകൾ ഉണ്ട്. ഗ്രില്ലും സ്ലാറ്റും, ക്രോം ഗാർണിഷും വരുന്നു.

സ്‌കിഡ് പ്ലേറ്റുകളിലും റൂഫ് റെയിലുകളിലും പുതിയ ഫോഗ് ലാമ്പ് കേസിംഗിലും സിൽവർ ആക്‌സൻ്റുകൾ ഉണ്ട്. ഇതിന് 48.26 സെ.മീ. കെ അലോയ് വീലുകൾ, റാപ്പറൗണ്ട് ഷോൾഡർ ലൈൻ, എൽഇഡി കോമ്പിനേഷൻ ലാമ്പുകൾ, പനോരമിക് സൺറൂഫ്, അലുമിനിയം റൂഫ് റെയിലുകൾ എന്നിവ കാഴ്ചയെ കൂടുതൽ മെച്ചപ്പെടുത്തുന്നു. 

പിയാനോ ബ്ലാക്ക് ഫിനിഷിംഗ്, അറ്റ്‌ലസ് ബീജ്, ഒകാപി ബ്രൗൺ ലെതർ അപ്‌ഹോൾസ്റ്ററി എന്നിവ പുതിയ ഔഡി ക്യു 5 ൻ്റെ ഇൻ്റീരിയറിനെ കൂടുതൽ ആഡംബരമുള്ളതാക്കുന്നു. സെൻസർ നിയന്ത്രിത ബൂട്ട് ലിഡ് ഓപ്പറേഷൻ, പാർക്കിംഗ് എയ്ഡ് പ്ലസ് ഉള്ള പാർക്ക് അസിസ്റ്റ്, ഡ്രൈവർ മെമ്മറിയുള്ള പവർ ഫ്രണ്ട് സീറ്റുകൾ, വയർലെസ് ചാർജിംഗ് സിസ്റ്റം എന്നിവയുണ്ട്. ഇതിൽ, യാത്രക്കാർക്ക് 3-സോൺ എയർ കണ്ടീഷനിംഗ് ലഭിക്കും.