സഫാരി മോഡലിൻ്റെ മൈലേജ് വിശദാംശങ്ങൾ വെളിപ്പെടുത്തി ടാറ്റ മോട്ടോഴ്‌സ്

സഫാരിയുടെ ഡീസൽ ഓട്ടോമാറ്റിക് വേരിയന്‍റ് ജനപ്രിയമാണ്. മൂന്ന് നിര ഇരിപ്പിടങ്ങളോടെയാണ് സഫാരി വരുന്നത്. ഈ മിഡ്-സൈസ് എസ്‌യുവിയുടെ ഫെയ്‌സ്‌ലിഫ്റ്റ് വേരിയൻ്റിലും കമ്പനി നിരവധി മാറ്റങ്ങൾ വരുത്തിയിട്ടുണ്ട്. ഇപ്പോഴിതാ ഈ മോഡലിൻ്റെ യഥാർത്ഥ മൈലേജിൻ്റെ വിശദാംശങ്ങൾ വെളിപ്പെടുത്തി. കമ്പനി പറയുന്നതനുസരിച്ച് മൈലേജ് 14.08 Kmpl വരെയാണ്.

ഇപ്പോൾ അതിൻ്റെ മൈലേജിൻ്റെ യഥാർത്ഥ ലോക പരീക്ഷണം നടത്തി. ടാറ്റയുടെ അവകാശവാദം അനുസരിച്ച്, സഫാരി ഡീസൽ എടി 14.08 കിലോമീറ്റർ മൈലേജ് നൽകുന്നു. 50 ലിറ്ററിൻ്റെ വലിയ ഇന്ധന ടാങ്കാണ് ഈ എസ്‌യുവിക്കുള്ളത്. ഫുൾ ടാങ്ക് പിടിച്ച് നഗരത്തിലും ഹൈവേയിലും ഈ എസ്‌യുവി ഓടിച്ചപ്പോൾ വ്യത്യസ്തമായ മൈലേജ് നൽകി എന്നാണ് കാർ വെയ്‍ൽ പറയുന്നത്.

ഈ കാർ നഗരത്തിൽ ലിറ്ററിന് 10.97 കിലോമീറ്റർ മൈലേജ് നൽകി. ഹൈവേയിൽ ഇത് ലിറ്ററിന് 13.94 കിലോമീറ്റർ മൈലേജ് നൽകി. ഈ രീതിയിൽ അതിൻ്റെ ശരാശരി മൈലേജ് 12.45 Kmpl ആയിരുന്നു. ഇങ്ങനെ ഫുൾ ടാങ്ക് നിറച്ച ശേഷം 620 കിലോമീറ്റർ ദൂരം ഈ എസ്‌യുവി പിന്നിട്ടു. 168 ബിഎച്ച്‌പി കരുത്തും 350 എൻഎം ടോർക്കും ഉൽപ്പാദിപ്പിക്കുന്ന 2.0 ലിറ്റർ ഡീസൽ എൻജിനാണ് ടാറ്റ സഫാരിയിലുള്ളത്.

ഈ എഞ്ചിൻ 6-സ്പീഡ് മാനുവൽ അല്ലെങ്കിൽ സ്പീഡ് ടോർക്ക് കൺവെർട്ടർ ഓട്ടോമാറ്റിക്കുമായി ജോടിയാക്കിയിരിക്കുന്നു. ഇത് സ്മാർട്ട്, പ്യുവർ, പ്യുവർ പ്ലസ്, അഡ്വഞ്ചർ, അക്‌പ്ലിഷ്ഡ് ട്രിം ലെവലുകളിലോ ടാറ്റ വിളിക്കുന്ന പേഴ്‌സണയിലോ ലഭ്യമാണ്. സ്മാർട്ട്, പ്യൂവർ ഒഴികെയുള്ള എല്ലാ പതിപ്പുകളും AT, AMT ഓപ്ഷനുകളിൽ ലഭ്യമാണ്. അതിൻ്റെ എക്സ്-ഷോറൂം വില 16.19 ലക്ഷം മുതൽ 27.34 ലക്ഷം വരെയാണ്.