ഏറ്റവും ജനപ്രീതി നേടിയ കാർ ഏതാണെന്നുള്ള ചോദ്യത്തിന് ചാറ്റ് ജിപിറ്റിയുടെ ഉത്തരം..

ഏറ്റവും മികച്ച കാർ ഏതാണെന്ന് ചോദിച്ചാൽ പലരും പല പേരുകളാവും പറയുക. ഇൻഡിക്ക, സഫാരി, ആൾട്ടോ, വാഗൺആർ, സ്വിഫ്റ്റ് തുടങ്ങി വ്യക്തിപരമായ ഇഷ്ടങ്ങളുടെ അടിസ്ഥാനത്തിൽ പേരുകൾ മാറിക്കൊണ്ടേയിരിക്കും. എന്നാൽ ഇന്ത്യയിലെ ഏറ്റവും പ്രശസ്തവും ജനപ്രീതി നേടിയതുമായ കാർ ഏതാണെന്നുള്ള ചോദ്യത്തിന് ചാറ്റ് ജിപിറ്റി നൽകിയ ഉത്തരം മാരുതി 800 എന്നായിരുന്നു. ഇന്ത്യയിൽ ഇതുവരെ നിർമിച്ചതിൽ വച്ച് ഏറ്റവും മികച്ചതും ജനങ്ങൾക്ക് ഏറെ പ്രിയപ്പെട്ടതും മാരുതി 800 ആണെന്നാണ് ചാറ്റ് ജിപിറ്റി പറയുന്നത്.

1983ൽ പുറത്തിറങ്ങിയത് മുതൽ പകരം വയ്ക്കാനാകാത്ത സ്ഥാനം ഉണ്ടാക്കിയെടുക്കാനും ജനങ്ങളുടെ മനസിൽ വേറിട്ടൊരു സ്ഥാനം നേടിയെടുക്കാനും മാരുതി 800ന് കഴിഞ്ഞിട്ടുണ്ട്. മാരുതി 800ന്റെ രൂപകൽപ്പനയാണ് അതിനെ മറ്റുള്ളവയിൽ നിന്ന് വേറിട്ടതാക്കുന്നത്. ഇന്ത്യയിലെ തിരക്കേറിയ വഴികളിലൂടെ എളുപ്പത്തിൽ സഞ്ചരിക്കാൻ ഈ കാറിന് കഴിയും. മിഡിൽ ക്ലാസ് കുടുംബങ്ങൾക്ക് താങ്ങാനാകുന്ന വില എന്നതും മാരുതി 800നെ ജനങ്ങൾക്ക് പ്രിയപ്പെട്ടതാക്കി.

പിന്നീട് പല മോഡൽ കാറുകൾ പുറത്തിറങ്ങിയെങ്കിലും മാരുതി 800നെ വെല്ലാൻ ഒന്നിനും കഴിഞ്ഞിരുന്നില്ല. ചാറ്റ് ജിപിറ്റി പറയുന്നതനുസരിച്ച് ഈ കാർ ജനങ്ങൾക്ക് പ്രിയപ്പെട്ടതാകാൻ മറ്റ് ചില കാരണങ്ങൾ കൂടിയുണ്ട്. മദ്ധ്യവർഗത്തിന്റെ കൈയിലൊതുങ്ങുന്ന പണത്തിന് സ്വന്തമാക്കാൻ കഴിയും. താങ്ങാനാവുന്ന വില, ഇന്ധനക്ഷമത, ഒതുക്കമുള്ള മോഡൽ ആയതിനാൽ തിരക്കേറിയ റോഡുകളിലും പാർക്കിംഗ് ബുദ്ധിമുട്ടുള്ള സ്ഥലങ്ങളിലും എളുപ്പത്തിൽ കൈകാര്യം ചെയ്യാനാകും. രാജ്യത്തിന്റെ വളർച്ചയിൽ പങ്ക് വഹിക്കാൻ കഴിഞ്ഞ കാർ.