റെനോ ഇന്ത്യ ഗോവയിൽ പൻജിമിലും മർഗോവിലും രണ്ട് പുതിയ ഷോറൂമുകൾ തുറന്നു

റീട്ടെയിൽ ഷോറൂമുകളും വർക്ക്‌ഷോപ്പുകളും ഉൾപ്പെടുന്ന അഞ്ച് പുതിയ ടച്ച്‌പോയിന്റുകൾ ഒറ്റ ആഴ്ചയ്ക്കുള്ളിൽ ഇന്ത്യയിൽ തുറക്കുമെന്ന് റെനോ ഇന്ത്യ പ്രഖ്യാപിച്ചു. റെനോ ഇന്ത്യ ഗോവയിൽ പൻജിമിലും മർഗോവിലും രണ്ട് പുതിയ ഷോറൂമുകൾ തുറന്നു. കൂടാതെ ഛത്തീസ്‍ഗഢ് സംസ്ഥാനത്ത് ബിലാസ്പൂർ, അംബികാപൂർ, കോർബ എന്നിവിടങ്ങളിൽ മൂന്ന് ഷോറൂമുകൾ കൂടി തുറന്നു.

ഈ അഞ്ച് പുതിയ ഡീലർഷിപ്പുകളുടെയും വർക്ക് ഷോപ്പുകളുടെയും ഉദ്ഘാടനം റെനോയുടെ ഉൽപ്പന്നങ്ങളും സേവനങ്ങളും കൂടുതൽ അടുപ്പിക്കുന്നതിനുള്ള തങ്ങളുടെ പ്രതിബദ്ധതയുടെ സുപ്രധാന തെളിവാണെന്ന് റെനോ ഇന്ത്യ പ്രൈവറ്റ് ലിമിറ്റഡിന്റെ സെയിൽസ് മാർക്കറ്റിംഗ് വൈസ് പ്രസിഡന്റ് പറഞ്ഞു. തങ്ങളുടെ ഉപഭോക്താക്കൾക്ക് ഈ പുതിയ സൗകര്യങ്ങൾ മികച്ച ഇൻ-ക്ലാസ് ഉപഭോക്തൃ അനുഭവങ്ങൾ വാഗ്ദാനം ചെയ്യുന്നതിനുള്ള തങ്ങളുടെ സമർപ്പണത്തിന് തെളിവാണെന്നും അദ്ദേഹം വ്യക്തമാക്കി.