എഞ്ചിൻ ഓയിലി​ന്റെ കാര്യത്തിൽ വാഹനം നല്കുന്ന സൂചനകൾ അറിയാം

എഞ്ചിൻ ഓയിൽ പലപ്പോഴും വാഹനത്തിൻ്റെ പ്രകടനത്തിന് പിന്നിലെ പ്രധാനപ്പെട്ട ഘടകമാണ്. എഞ്ചിൻ സുഗമമായി വാഹനത്തെ മുന്നോട്ട് കൊണ്ടുപോകുന്നതിൻ എഞ്ചിൻ ഓയിൽ മുഖ്യപങ്കുവഹിക്കുന്നു. എഞ്ചിൻ ബ്ലോക്കിനുള്ളിലെ സങ്കീർണ്ണമായ ചലിക്കുന്ന ഭാഗങ്ങൾ ശരിയായി ലൂബ്രിക്കേറ്റ് ചെയ്യപ്പെടുന്നുവെന്നും ഏകീകൃതമായി പ്രവർത്തിക്കുന്നുവെന്നും ഇത് ഉറപ്പാക്കുന്നു.

എഞ്ചിൻ ഓയിലും സാഹചര്യത്തിനനുസരിച്ച് സമയബന്ധിതമായി മാറ്റേണ്ടത് അത്യാവശ്യമാണ്. വാഹനത്തിൻ്റെ മൊത്തത്തിലുള്ള പതിവ് അറ്റകുറ്റപ്പണിയുടെ ഒരു പ്രധാന ഭാഗമാണ് എഞ്ചിൻ ഓയിൽ മാറ്റലും പുതിയത് നിറയ്ക്കലും മറ്റും. ഇത് കാർ നല്ല നിലയിൽ തുടരുന്നുവെന്ന് ഉറപ്പാക്കുന്നു. 

എഞ്ചിൻ ഓയിൽ സാധാരണയായി ഓരോ 10,000 കിലോമീറ്റർ ഡ്രൈവിങ്ങിന് ശേഷവും അല്ലെങ്കിൽ ആനുകാലിക അറ്റകുറ്റപ്പണികൾക്കിടയിൽ വർഷത്തിലൊരിക്കൽ മാറ്റപ്പെടുന്നു. പക്ഷേ ചിലപ്പോൾ ഷെഡ്യൂൾ ചെയ്ത അറ്റകുറ്റപ്പണിക്ക് മുമ്പ് നിങ്ങൾ എഞ്ചിൻ ഓയിൽ ടോപ്പ് അപ്പ് ചെയ്യുകയോ മാറ്റി സ്ഥാപിക്കുകയോ ചെയ്യേണ്ടതായി വന്നേക്കാം.

കാറിൽ എഞ്ചിൻ ഓയിൽ കുറവായേക്കാമെന്നും കുറച്ച് ശ്രദ്ധ ആവശ്യമാണെന്നും പറയുന്ന നിരവധി സൂചനകൾ വാഹനം തന്നെ നിങ്ങൾക്ക് തരും. നിങ്ങളുടെ കാറിലെ എഞ്ചിൻ ഓയിൽ ലെവൽ കുറയുന്നു എന്നതിൻ്റെ ഏറ്റവും നേരിട്ടുള്ള സൂചന നിങ്ങളുടെ എഞ്ചിൻ ഓയിൽ ലൈറ്റ് ഓണായിരിക്കുമ്പോഴാണ്. നിങ്ങളുടെ എഞ്ചിൻ ഓയിൽ ലൈറ്റ് ഒരു മുന്നറിയിപ്പ് ലൈറ്റാണ്. എഞ്ചിൻ ഓയിലിൻ്റെ കുറഞ്ഞ അളവ് നിങ്ങളുടെ വാഹനത്തിൻ്റെ കാര്യക്ഷമത കുറയാൻ ഇടയാക്കും.