കുവൈറ്റ്: പാൻ ഇന്ത്യൻ സങ്കൽപത്തിൽ ബോളിവുഡ് തീമില് കുവൈറ്റിലെ മണ്ണില് അണിയിച്ചൊരുക്കിയ ബോളിവുഡ് ലൈഫ് റസ്റ്ററൻറ് പ്രവർത്തനമാരംഭിച്ചു. കുവൈത്തിലെ ഫഹാഹീൽ അജിയാൾ മാളിൽ ശനിയാഴ്ച വൈകീട്ട് 7.30ന് നടന്ന ചടങ്ങിൽ പാണക്കാട് മുനവ്വറലി ശിഹാബ് തങ്ങളാണ് രുചിലോകത്തെ വിസ്മയ സാമ്രാജ്യം രാജ്യത്തിന് സമര്പ്പിച്ചത്.
സ്കൈ വേയ്സ് ഗ്രൂപ്പിന് കീഴിലാണ് ബോളിവുഡ് ലൈഫ് റസ്റ്റാറൻറ് തനത് രുചിഭേദങ്ങളോടെ ആരംഭം കുറിച്ചിട്ടുള്ളത്. ഭക്ഷണം ആഘോഷമാക്കാൻ സൗകര്യമൊരുക്കി പാർട്ടി ഹാൾ, കാറ്ററിങ്, ലൈവ് മ്യൂസിക് വിത്ത് ഡിന്നർ, ലൈവ് മ്യൂസിക് വിത്ത് ലഞ്ച്, ഔട്ട് ഡോർ കാറ്ററിങ് തുടങ്ങിയവയുണ്ടാവും. 182 പേര്ക്ക് ഒരേ സമയം ഭക്ഷണം കഴിക്കാനുള്ള സൗകര്യം ഒരുക്കിയിട്ടുണ്ട്.
ലൈവ് കാറ്ററിങ് കുക്ക് ചെയ്തുകൊടുക്കുമെന്നതാണ് ബോളിവുഡ് ലൈഫിന്റെ പ്രധാന ആകർഷണം. കേരളവിഭവങ്ങൾ മാത്രമല്ല പാൻ ഇന്ത്യൻ സ്വഭാവത്തിൽ ഇന്ത്യന് രുചികളുടെ ഫ്യൂഷന് തന്നെയായിരിക്കും ബോളിവുഡ് ലൈഫ് ഒരുക്കുന്നത്.
മുഗൾ ബിരിയാണിയടക്കം ഒമ്പതുതരം ബിരിയാണിയാണ് മെനുവിൽ ഉൾപ്പെട്ടിട്ടുള്ളത്. രാവിലെ 11 മണി മുതൽ രാത്രി 12 മണി വരെ സേവനം ലഭ്യമായിരിക്കും.
മലബാർ കിച്ചൻ, കാലിക്കറ്റ് ലൈവ് സാൽമിയ, കാലിക്കറ്റ് ലൈവ് എക്സ്പ്രസ് മഹബൂല, കാലിക്കറ്റ് ലൈവ് എക്സ്പ്രസ് അബൂഹലീഫ തുടങ്ങി നിരവധി സ്ഥാപനങ്ങളുടെ നടത്തിപ്പ് പരിചയവും അനുഭവസമ്പത്തും കൈമുതലാക്കിയാണ് 42 ജീവനക്കാരുമായി ബോളിവുഡ് ലൈഫിന് തുടക്കം കുറിച്ചതെന്ന് മാനേജ്മെന്റ് പ്രതിനിധികളായ നാസർ പട്ടാമ്പി (മാനേജിങ് ഡയറക്ടർ), ജയകുമാർ (പാർട്ണർ), ബിജോയ് മാത്യൂ (റസ്റ്റാറൻറ് മാനേജർ) എന്നിവർ വ്യക്തമാക്കി.