/sathyam/media/agency_attachments/5VspLzgrB7PML1PH6Ix6.png)
Follow UsNew Update
/sathyam/media/media_files/oQ8Bzz1GajKbHYZCtcLU.jpg)
തിരുവനന്തപുരം: ഏഷ്യയിലെ ആദ്യത്തെ ലിസ്റ്റഡ് ഡിപ്പോസിറ്ററിയും 16.7 കോടിയിലധികം ഡീമാറ്റ് അക്കൗണ്ടുകളുടെ വിശ്വാസ്യതയും നേടിയ സെന്‍ട്രല്‍ ഡിപ്പോസിറ്ററി സര്‍വീസസ് (ഇന്ത്യ) ലിമിറ്റഡ് (സിഡിഎസ്എല്‍) ആദ്യമായി വിദ്യാര്‍ത്ഥികള്‍ക്കായുള്ള ഐഡിയത്തോണ്‍ ഇന്നൊവേഷന്‍ ചലഞ്ച് ആരംഭിച്ചു. സിഡിഎസ്എല്ലിന്‍റെ വാര്‍ഷിക റിഇമാജിന്‍ സിമ്പോസിയത്തിന്‍റെ മൂന്നാം പതിപ്പിന് കീഴിലുള്ള ഒരു സംരംഭമാണ് റിഇമാജിന്‍ ഐഡിയത്തോണ്‍.
Advertisment
വിപണി പങ്കാളിത്തം കൂടുതല്‍ ഉത്തരവാദിത്തമുള്ളതും ഉള്‍ക്കൊള്ളുന്നതുമാക്കി മാറ്റുന്നതിനായി ഇന്ത്യയെ പരിവര്‍ത്തനം ചെയ്യുന്ന പരിഹാരങ്ങള്‍ രൂപകല്‍പ്പന ചെയ്യുന്നതില്‍ യുവ മനസ്സുകളെ പാകപ്പെടുത്തുക എന്നതാണ് ഐഡിയത്തോണിലൂടെ ലക്ഷ്യമിടുന്നത്.
21 കോടിയിലധികം നിക്ഷേപക ഡീമാറ്റ് അക്കൗണ്ടുകളുടെ ആസ്തികള്‍ ഡിപോസിറ്ററിലൂടെ സുരക്ഷിതമാക്കുന്നു. സെക്യൂരിറ്റീസ് മാര്‍ക്കറ്റിലെ പങ്കാളിത്തം കൂടുതല്‍ ആഴത്തിലാക്കാനും, പൗരന്മാര്‍ക്ക് പ്രയോജനം ലഭിക്കുന്നത് തടയുന്ന തടസ്സങ്ങള്‍ തന്ത്രപരമായി പരിഹരിക്കാനുമുള്ള കഴിവുമുണ്ട്. സെബി, ആര്‍ബിഐ തുടങ്ങിയ റെഗുലേറ്റര്‍മാരുടെ സമാനമായ സംരംഭങ്ങളുടെ അടിസ്ഥാനത്തില്‍ കൂടുതല്‍ ആളുകളെ സാമ്പത്തിക മേഖലയിലേക്ക് കൊണ്ടുവരുന്നതിനും അവരുടെ കാഴ്ചപ്പാടുകളില്‍ മാറ്റം വരുത്താനുമുള്ള ശ്രമത്തില്‍ സിഡിഎസ്എല്‍ പങ്കുചേരുന്നു.
നിക്ഷേപക അറിവും ബോധപൂര്‍വവും ഉത്തരവാദിത്തമുള്ളതുമായ പങ്കാളിത്തവും വര്‍ദ്ധിപ്പിച്ചുകൊണ്ട് വിപണിയെ ജനകീയമാക്കുക എന്നതാണ് ഈ സംരംഭത്തിന്‍റെ ലക്ഷ്യം. ശാക്തീകരണം, ഉള്‍പ്പെടുത്തല്‍, വിശ്വാസം എന്നീ മൂന്ന് പ്രധാന തത്വങ്ങളെയാണ് ഇത് പ്രതിഫലിപ്പിക്കുന്നത്.
സെക്യൂരിറ്റീസ് മാര്‍ക്കറ്റ് എല്ലാ നിക്ഷേപകര്‍ക്കും ആക്സസ് ചെയ്യാവുന്നതുമായിരിക്കണമെന്ന് സിഡിഎസ്എല്‍ മാനേജിംഗ് ഡയറക്ടറും സിഇഒയുമായ നെഹാല്‍ വോറ പറഞ്ഞു. ഈ ഐഡിയത്തോണ്‍ രാഷ്ട്രനിര്‍മ്മാണത്തിനും ഒരു ആത്മനിര്‍ഭര്‍ നിക്ഷേപകന്‍റെ കാഴ്ചപ്പാട് ശക്തിപ്പെടുത്തുന്നതിനുമുള്ള സിഡിഎസ്എല്ലിന്‍റെ പ്രതിബദ്ധതയെ പ്രതിഫലിപ്പിക്കുന്നു. മികച്ച ഒരു നിക്ഷേപകന്‍ ഒരു സംരക്ഷിത നിക്ഷേപകനായിരിക്കും കൂടാതെ അവരുടെ അഭിലാഷങ്ങളെ പ്രതിഫലിപ്പിക്കുന്ന തീരുമാനങ്ങള്‍ എടുക്കാന്‍ ശാക്തീകരിക്കപ്പെട്ടവരുമാകും. ആ മികവുറ്റ ഭാവി രൂപപ്പെടുത്തുന്നതില്‍ പങ്കെടുക്കാന്‍ ഞങ്ങള്‍ വിദ്യാര്‍ത്ഥികളെ ക്ഷണിക്കുന്നതായും അദ്ദേഹം കൂട്ടിച്ചേര്‍ത്തു.
ഐഡിയത്തോണ്‍ 2025-നുള്ള രജിസ്ട്രേഷന്‍ 2025 നവംബര്‍ 19-ന് ആരംഭിക്കും. നാല് വിദ്യാര്‍ത്ഥികളും ഒരു മെന്‍ററും (ഒരേ സ്ഥാപനത്തില്‍ നിന്ന്) ഉള്‍പ്പെടുന്ന ടീമുകള്‍ക്ക് പങ്കെടുക്കാം. മികച്ച ആശയത്തിന് 5 ലക്ഷം രൂപ, റണ്ണേഴ്സ് അപ്പിന് 3 ലക്ഷം രൂപ, 2 ലക്ഷം രൂപ നാലാമത്തെയും അഞ്ചാമത്തെയും സ്ഥാനങ്ങള്‍ക്ക് 75,000 വീതം എന്നിങ്ങനെ സമ്മാനമായി നല്‍കും. https://ideathon.cdslindia.com സന്ദര്‍ശിക്കുക.