യുടിഐ വാല്യൂ ഫണ്ടിന്‍റെ മൊത്തം ആസ്തികള്‍ 10,000 കോടി രൂപ കടന്നു

കൊച്ചി: യുടിഐ വാല്യൂ ഫണ്ട് കൈകാര്യം ചെയ്യുന്ന മൊത്തം ആസ്തികള്‍ 10,000 കോടി രൂപ കടന്നതായി 2025 ഒക്ടോബര്‍ 31-ലെ കണക്കുകള്‍ സൂചിപ്പിക്കുന്നു. 2005 ലാണ് ഫണ്ട് ആരംഭിച്ചത്. പോര്‍ട്ട്ഫോളിയോയില്‍ ലാര്‍ജ് ക്യാപ് ഷെയറുകള്‍ക്ക് കൂടുതല്‍ പ്രാധാന്യം ലഭിക്കുമ്പോഴും മൂല്യനിര്‍ണ്ണയ വ്യത്യാസങ്ങളെ  അടിസ്ഥാനമാക്കി മിഡ്ക്യാപ് നിക്ഷേപം കൂടുതല്‍ വ്യത്യാസപ്പെടാന്‍ ഇടയുണ്ട്.

2025 ഒക്ടോബര്‍ 31 വരെ ഫണ്ടിന്‍റെ നിക്ഷേപത്തിന്‍റെ ഏകദേശം 66 ശതമാനം  ലാര്‍ജ് ക്യാപ് ഓഹരികളിലും ബാക്കി മിഡ് & സ്മോള്‍ ക്യാപ് ഓഹരികളിലുമാണ്. എച്ച്.ഡി.എഫ്.സി ബാങ്ക് ലിമിറ്റഡ്, ഐ.സി.ഐ.സി.ഐ ബാങ്ക് ലിമിറ്റഡ്, ഭാരതി എയര്‍ടെല്‍ ലിമിറ്റഡ്, ഇന്‍ഫോസിസ് ലിമിറ്റഡ്, ആക്സിസ് ബാങ്ക് ലിമിറ്റഡ്, കൊട്ടക് മഹീന്ദ്ര ബാങ്ക് ലിമിറ്റഡ്, സ്റ്റേറ്റ് ബാങ്ക് ഓഫ് ഇന്ത്യ ലിമിറ്റഡ്, റിലയന്‍സ് ഇന്‍ഡസ്ട്രീസ് ലിമിറ്റഡ്, മഹീന്ദ്ര ആന്‍ഡ് മഹീന്ദ്ര ലിമിറ്റഡ്, ടെക് മഹീന്ദ്ര ലിമിറ്റഡ് എന്നിവയിലാണ് പദ്ധതിയുടെ പ്രധാന നിക്ഷേപങ്ങള്‍.

ഇക്വിറ്റി പോര്‍ട്ട്ഫോളിയോ കെട്ടിപ്പടുക്കാനും  ദീര്‍ഘകാല മൂലധന വളര്‍ച്ച ലക്ഷ്യമിടുന്ന ഇക്വിറ്റി നിക്ഷേപകര്‍ക്ക് യുടിഐ  വാല്യൂ ഫണ്ട് അനുയോജ്യമായിരിക്കാം. മിതമായ റിസ്ക് പ്രൊഫൈല്‍ ഉള്ളതും വിപണി സാഹചര്യങ്ങളനുസരിച്ച് മിതമായ, ദീര്‍ഘകാല വരുമാനത്തിന് ലക്ഷ്യമിടുന്ന നിക്ഷേപകര്‍ക്കും ഈ ഫണ്ട് അനുയോജ്യമാണ്.