റിക്കാർഡ് തകർത്ത് കുതിപ്പ് തുടർന്ന് സ്വർണം: എല്ലാവരെയും ഞെട്ടിച്ച്  പ​വ​ന് 1,08,000 രൂ​പ

 
കൊ​ച്ചി: സം​സ്ഥാ​ന​ത്ത് റിക്കാർഡുകൾ‌ തകർത്തു മുന്നേറുന്ന സ്വർണവില ചരിത്രത്തിലെ ഏറ്റവും ഉയർന്ന നിരക്കിൽ. 

ഇ​ന്ന് ഗ്രാ​മി​ന് 95 രൂ​പ​യും പ​വ​ന് 760 രൂ​പ​യു​മാ​ണ് വ​ര്‍​ധി​ച്ച​ത്. ഇ​തോ​ടെ സ്വ​ര്‍​ണ​വി​ല ഗ്രാ​മി​ന് 13,500 രൂ​പ​യിലും പ​വ​ന് 1,08,000 രൂ​പയിലുമാണ് വ്യാപാരം പുരോഗമിക്കുന്നത്.

അതേസമയം, 18 കാ​ര​റ്റ് സ്വ​ര്‍​ണവില ഗ്രാ​മി​ന് 75 രൂ​പ വ​ര്‍​ധി​ച്ച് 11,095 രൂ​പ​യും 14 കാ​ര​റ്റ് സ്വ​ര്‍​ണം ഗ്രാ​മി​ന് 60 രൂ​പ വ​ര്‍​ധി​ച്ച് 8,640 രൂ​പ​യു​മാ​യി. ഒമ്പതു കാ​ര​റ്റ് സ്വ​ര്‍​ണ​ത്തി​ന് ഗ്രാ​മി​ന് 40 രൂ​പ വ​ര്‍​ധി​ച്ച് 5,575 രൂ​പയിലാണ് വി​ല്പ​ന ന​ട​ക്കു​ന്ന​ത്.

കുതിപ്പിന്‍റെ പാതയിലുള്ള സ്വർണവില തിങ്കളാഴ്ച ഗ്രാമിന് 175 രൂപയും പവന് 1,400 രൂപയും വർധിച്ചിരുന്നു. ജനുവരി 14ന് രേഖപ്പെടുത്തിയ പവന് 1,05,600 രൂപയെന്ന റിക്കാർഡാണ് തിങ്കളാഴ്ച മറികടന്നത്. 

14ന് കുതിപ്പിന് ശേഷം 15ന് രാവിലെ പവന് 600 രൂപ കുറഞ്ഞെങ്കിലും ഉച്ചകഴിഞ്ഞ് 320 രൂപ കൂടുകയാണുണ്ടായത്.

16ന് 160 രൂപ താഴേക്ക് പോയിരുന്നു. തുടർന്ന് 17ന് തിരിച്ചുകയറിയ സ്വർണവില പവന് 280 രൂപ വർധിക്കുകയായിരുന്നു.

പുതുവർഷത്തിൽ കുതിപ്പോടെ തുടങ്ങിയ സ്വർണവില ഈമാസം അഞ്ചിന് പവന് ഒറ്റയടിക്ക് 1,160 രൂപയും ഗ്രാമിന് 145 രൂപയും വർധിച്ച് വീണ്ടും ഒരു ലക്ഷം പിന്നിട്ടിരുന്നു. ഇതിനു പിന്നാലെയാണ് കുതിപ്പും കിതപ്പുമായി മുന്നോട്ടുപോയത്.

2025 ജനുവരിയിൽ 57,000 രൂപ മാത്രമായിരുന്ന വിലയാണ് വർഷാവസാനം ലക്ഷം ഭേദിച്ചത്. 2025 ജ​നു​വ​രി 22-നാ​ണ് പ​വ​ന്‍ വി​ല ആ​ദ്യ​മാ​യി 60,000 ക​ട​ന്ന​ത്. 31ന് ​പ​വ​ന് ഒ​റ്റ​യ​ടി​ക്ക് 960 രൂ​പ ഉ​യ​ർ​ന്ന് 61,000 രൂ​പ​യെ​ന്ന പു​തി​യ ഉ​യ​രം താ​ണ്ടി. ഫെ​ബ്രു​വ​രി ഒ​ന്നി​ന് ഒ​രു പ​വ​ന്‍ സ്വ​ര്‍​ണ​ത്തി​ന് 61,960 രൂ​പ​യാ​യി​രു​ന്നു വി​ല.