/ "publive-image")
കുവൈറ്റ്: കത്തോലിക്ക സഭയുടെ കീഴിലുള്ള ഗൾഫ് റീജനിലെ ദേവാലയങ്ങളിലെ കൂട്ടായ്മകളുടെ സംഗമമായ യൂണിറ്റി കോൺഫറൻസിന് കുവൈറ്റിൽ വര്‍ണാഭമായ തുടക്കമായി. കുവൈറ്റ്, സൗദി, ഖത്തര്‍, യുഎഇ, ബഹറിന്‍, ഒമാന്‍ എന്നിവിടങ്ങളില്‍ നിന്നുള്ള നൂറു കണക്കിന് പ്രതിനിധികളാണ് യൂണിറ്റി കോൺഫറൻസില്‍ പങ്കെടുക്കുന്നത്.
ബിഷപ്പുമാരായ കമിലോ ബാലിൻ, പോൾ ഹിൻറർ എന്നിവരുടെ നേതൃത്വത്തിലാണ് മൂന്നുദിവസത്തെ പരിപാടി നടക്കുന്നത്. ആത്മീയ പ്രഭാഷണങ്ങൾ, പ്രത്യേക പ്രാർഥന, കൊയറുകളുടെ നേതൃത്വത്തിൽ കലാ പരിപാടികൾ തുടങ്ങിയവ നടക്കുന്നു.
ബിഷപ്പുമാരായ കമിലോ ബാലിൻ, പോൾ ഹിൻറർ, ഗൾഫ് അപ്പോത്തലിക് നൂൻഷ്യോ ഫ്രാൻസിസ്കോ പടില്യ എന്നിവർ ചേർന്ന് ഉദ്ഘാടനം നിർവഹിച്ചു.
വെള്ളിയാഴ്ച ജിം മർഫി, ആന്ദ്രെ അരാൻഗോ, ഫാ. ഇർദ്മാൻ, ജോസഫ് മേലൂക്കാരൻ, ബിഷപ്പ് കാമിലോ ബാലിൻ, സിറിൾ ജോൺ, നിയോ കാറ്റെക് ഹ്യൂമൻ, മൈക്കൽ ഡിസിൽവ, ഫാ. ലയണൽ, ഫാ. ബെന്നി, വിൻസെൻറ് റെഗ്രോ, അജിൻ ജോസഫ് എന്നിവർ വിവിധ വിഷയങ്ങളിൽ ക്ലാസുകള്‍ നയിച്ചു.
ഡോ. ജീൻ ലൂക് അധ്യക്ഷത വഹിച്ചു. ഖത്തർ, യമൻ, സൗദി, കുവൈത്ത്, ബഹ്റൈൻ, യു.എ.ഇ എന്നിവിടങ്ങളിൽനിന്നുള്ള 3500ൽപരം പ്രതിനിധികൾ പെങ്കെടുക്കുന്നു. വിവിധ കലാ സാംസ്കാരിക, വിനോദ പരിപാടികൾ സംഗമത്തിന് മാറ്റുകൂട്ടി. ഞായര്‍ രാത്രി 9 നാണ് സമാപനം.
Follow Us/sathyam/media/agency_attachments/5VspLzgrB7PML1PH6Ix6.png)
