ഷബാന ആസ്മിക്കൊപ്പം അഭിനയിക്കുന്നത് സ്വപ്നസാക്ഷാത്കാരം പോലെയായിരുന്നു, എന്റെ മുന്നില്‍ അവരുടെ അഭിനയം കാണുന്നത് മാന്ത്രികമായി തോന്നി: നിമിഷ സജയന്‍

പ്രശ്‌സത അഭിനേത്രി ഷബാന ആസ്മിക്കൊപ്പം അഭിനയിക്കുന്നത് സ്വപ്നസാക്ഷാത്കാരം പോലെയായിരുന്നു എന്ന് നടി നിമിഷ സജയന്‍. 

''ഈ അവസരം ലഭിച്ചപ്പോള്‍ നിരസിക്കാന്‍ എനിക്ക് ഒരു കാരണവുമില്ലായിരുന്നു. അഞ്ച് സ്ത്രീകളെക്കുറിച്ചുള്ള ശക്തമായ ഒരു കഥയാണിത്.

എന്റെ കഥാപാത്രം വളരെ രസകരമായിരുന്നു. ഷബാന ആസ്മിക്കൊപ്പം അഭിനയിക്കുന്നത് ഒരു സ്വപ്നസാക്ഷാത്കാരം പോലെയായിരുന്നു. എന്റെ മുന്നില്‍ അവരുടെ അഭിനയം കാണുന്നത് മാന്ത്രികമായി തോന്നി. 

ജ്യോതിക എന്റെ പ്രിയപ്പെട്ട നടിമാരില്‍ ഒരാളാണ്. അവരോടൊപ്പം പ്രവര്‍ത്തിക്കുന്നത് മറക്കാനാവാത്ത അനുഭവമായിരുന്നു...'' -  നിമിഷ എക്‌സ് അക്കൗണ്ടില്‍ കുറിച്ചു.

ഷബാന ആസ്മി, ജ്യോതിക തുടങ്ങിയ അഭിനേതാക്കള്‍ അഭിനയിക്കുന്ന നെറ്റ്ഫ്‌ളിക്‌സ് വെബ് സീരീസായ 'ഡബ്ബ കാര്‍ട്ടല്‍' എന്നതില്‍ മാല എന്ന കഥാപാത്രത്തെയാണ് നിമിഷ അവതരിപ്പിക്കുന്നത്.