/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2025/07/31/aea96d25-bf76-4f9d-9899-2b08648ddde0-2025-07-31-11-44-15.jpg)
കൊച്ചി: റാപ്പര്‍ വേടന്‍ വിവാഹ വാഗ്ദാനം നല്‍കി ഡോക്ടറെ പീഡിപ്പിച്ചെന്ന കേസില്‍ കൂടുതല്‍ വിവരങ്ങള്‍ പുറത്ത്. ശാരീരികമായും സാമ്പത്തികമായും ചൂഷണം ചെയ്‌തെന്നാണ് പരാതി.
''പിജി ചെയ്യുന്ന സമയത്ത് ഇന്‍സ്റ്റഗ്രാമിലൂടെയാണ് വേടനെ പരിചയപ്പെട്ടത്. വേടന്റെ പാട്ടുകളോടും മറ്റും ഇഷ്ടം തോന്നി താന്‍ അങ്ങോട്ട് മെസേജ് അയക്കുകയായിരുന്നു. പിന്നീട് ഫോണ്‍ നമ്പരുകള്‍ കൈമാറി. വിവാഹം കഴിക്കാന്‍ ആഗ്രഹമുണ്ടെന്ന് വേടന്‍ പറഞ്ഞു.
ഒരിക്കല്‍ ഒരു ഫേസ്ബുക്ക് പോസ്റ്റിനെക്കുറിച്ച് സംസാരിക്കാനുണ്ടെന്ന് പറഞ്ഞ് ഇയാള്‍ വിളിച്ചു. അന്ന് ഉച്ചയ്ക്ക് വേടന്‍ ഫ്‌ളാറ്റിലെത്തി. സംസാരിക്കുന്നതിനിടെ ചുംബിച്ചോട്ടെയെന്ന് വേടന്‍ ചോദിച്ചു. താന്‍ സമ്മതിച്ചു. എന്നാല്‍ ചുംബിച്ചതിന് പിന്നാലെ വേടന്‍ തന്നെ കിടക്കയിലേക്ക് തള്ളിയിട്ടു, ബലാത്സംഗം ചെയ്തു.
വിവാഹം കഴിച്ചോളാമെന്നും പറഞ്ഞു. മൂന്ന് ദിവസത്തിന് ശേഷമാണ് ഇയാള്‍ ഫ്‌ളാറ്റില്‍ നിന്ന് പോയത്. പലവട്ടം പണം നല്‍കി. നിരവധി തവണ ഫ്‌ളാറ്റില്‍ തങ്ങി ലൈംഗികബന്ധത്തിലേര്‍പ്പെട്ടു.
2022ല്‍ താന്‍ കൊച്ചിയില്‍ ജോലിയില്‍ പ്രവേശിച്ചു. കൊച്ചിയിലെ ഫ്‌ളാറ്റിലും വേടനെത്തി, ദിവസങ്ങളോളം തങ്ങി. ഈ സമയവും ലൈംഗികമായി ഉപദ്രവിച്ചു. 2023 മാര്‍ച്ചില്‍ സുഹൃത്തിന്റെ ഫ്‌ളാറ്റില്‍വച്ചും ലൈംഗികമായി ഉപയോഗിച്ചു.
ജൂലൈ 14ന് കൊച്ചിയിലെ ഹോട്ടലില്‍ സംഗീതനിശയില്‍ പങ്കെടുക്കാനെത്തുമെന്ന് പറഞ്ഞാണ് മടങ്ങിയത്. എന്നാല്‍ വന്നില്ല. തുടര്‍ന്ന് താന്‍ വേടന്റെ സുഹൃത്തുക്കളെ വിളിച്ചു. ജൂലായ് പതിനഞ്ചിന് വേടന്‍ മൂന്ന് സുഹൃത്തുക്കള്‍ക്കൊപ്പം ഫ്‌ളാറ്റിലെത്തി.
താന്‍ ടോക്‌സിക്കാണെന്നും പറഞ്ഞ് ദേഷ്യപ്പെട്ടു. മറ്റുള്ള പെണ്‍കുട്ടികളുമായി സെക്‌സ് ചെയ്യാന്‍ തന്നെ അനുവദിക്കുന്നില്ലെന്ന് വേടന്‍ സുഹൃത്തുക്കളോട് പറഞ്ഞു. നമുക്ക് പിരിയാമെന്ന് പറഞ്ഞ് വേടന്‍ ഫ്‌ളാറ്റില്‍ നിന്ന് മടങ്ങി..'' -യുവതി പരാതിയില്‍ പറയുന്നു.