'സ്‌നേഹം നിറഞ്ഞ ദിവസം, ഒരു ജീവിതകാലത്തേക്ക്; ആര്യ ബാബു വിവാഹിതയായി

നടിയും അവതാരകയുമായ ആര്യ ബാബു വീണ്ടും വിവാഹിതയായി. കൊറിയോഗ്രഫറും ഡിജെയുമായ സിബിന്‍ ബെഞ്ചമിനാണ് വരന്‍. 'സ്‌നേഹം നിറഞ്ഞ ദിവസം, ഒരു ജീവിതകാലത്തേക്ക്' എന്ന ക്യാപ്ഷനോടെയാണ് ആര്യ ചിത്രങ്ങള്‍ പങ്കുവച്ചത്. 

ഇരുവരുടെയും രണ്ടാം വിവാഹമാണ്. അടുത്ത ബന്ധുക്കളുടെയും സുഹൃത്തുക്കളുടെയും സാന്നിധ്യത്തിലായിരുന്നു വിവാഹം. വിവാഹ ചിത്രങ്ങള്‍ ആര്യ തന്നെയാണ് സോഷ്യല്‍ മീഡിയയിലൂടെ പങ്കുവച്ചിരിക്കുന്നത്.