ഒരു ബൈക്ക് കേന്ദ്ര കഥാപാത്രമാകുന്ന ചിത്രമായ  യമഹയുടെ ചിത്രീകരണം ആരംഭിച്ചു

പാലാ ക്രിയേഷന്‍സിന്റെ ബാനറില്‍  സുരേഷ് സുബ്രഹ്മണ്യന്‍ നിര്‍മ്മിച്ച് മധു ജി കമലം രചന നടത്തി സംവിധാനം ചെയ്യുന്ന ചിത്രമാണ് യമഹ. അന്തരിച്ച പ്രശസ്ത സംവിധായകന്‍ ത്മരാജന്‍ അന്ത്യവിശ്രമം കൊള്ളുന്ന മുതുകുളത്തെ  ഞവരക്കല്‍ തറവാട്ട് മുറ്റത്ത് വച്ചായിരുന്നു മാസങ്ങള്‍ക്കു മുമ്പ് പൂജ നടന്നത്.

സുധീ ഉണ്ണിത്താന്റെ ജീവിതത്തിലുണ്ടായ രസകരമായ ഒരേടാണ് യമഹ എന്ന ചിത്രത്തിന് ആധാരം. ഹ്യൂമറിന്റെ പശ്ചാത്തലത്തില്‍ ഒരുങ്ങുന്ന ചിത്രത്തിന്റെ ചിത്രീകരണം ആരംഭിച്ചു. ബാംഗ്ലൂര്‍, കായംകുളം, ഹരിപ്പാട് മുതുകുളം, മാവേലിക്കര പരിസരപ്രദേശങ്ങളാണ് ലൊക്കേഷന്‍.

പ്രധാന അഭിനേതാക്കള്‍: ഹരി പത്തനാപുരം (പ്രമുഖ ടിവി അവതാരകനും പ്രഭാഷകനും), തോമസ് കുരുവിള, നോബി, കോബ്ര രാജേഷ്, ഷാജി മാവേലിക്കര, വിനോദ് കുറിയന്നൂര്‍, നെപ്ട്യൂണ്‍ സുരേഷ്, വിഷ്ണു ഗോപിനാഥ്, അജിത് കൃഷ്ണ. സുരേഷ് സുബ്രഹ്മണ്യന്‍, ഷെജിന്‍, ആന്‍സി ലിനു, ചിഞ്ചു റാണി, ഉഷ കുറത്തിയാട്, 
കൃഷ്ണപ്രിയ. ഡിയോ പി: നജീബ് ഷാ. ഗാനരചന: ശ്രീകുമാര്‍ നായര്‍. സംഗീതം: രതീഷ് കൃഷ്ണ. പ്രൊഡക്ഷന്‍ കണ്‍ട്രോളര്‍: സുധീഷ് രാജ്. പ്രൊഡക്ഷന്‍ എക്‌സിക്യൂട്ടീവ്: സജിറിസ. കലാസംവിധാനം: ലാലു തൃക്കുളം. മേക്കപ്പ്: സുബ്രു തിരൂര്‍. സ്റ്റില്‍സ്: അജേഷ് ആവണി. അസോസിയേറ്റ് ഡയറക്ടര്‍: ടോമി കലവറ, അജികുമാര്‍ മുതുകുളം.