പൃഥ്വിരാജ് കഷ്ടപ്പെട്ട് മെലിഞ്ഞു, താടി വളര്‍ത്തി എന്നൊക്കെ പറഞ്ഞ് അവാര്‍ഡ് കൊടുക്കാനാകില്ല, അതിലും നല്ല പെര്‍ഫോമന്‍സ് സിനിമകള്‍ വേറെയുണ്ട്: മേജര്‍ രവി

ദേശീയ ചലച്ചിത്ര പുരസ്‌കാരത്തില്‍ നേടിയ പൃഥ്വിരാജ് ചിത്രം ആടുജീവിതത്തിന് അംഗീകാരം ലഭിക്കാത്തതില്‍ ഏറെ വിമര്‍ശനങ്ങള്‍ ഉയര്‍ന്നിരുന്നു. ഇപ്പോഴിതാ വിവാദങ്ങളില്‍ പ്രതികരിച്ച് സംവിധായകനും നടനുമായ മേജര്‍ രവി.

''പൃഥ്വിരാജ് ഒരുപാട് കഷ്ടപ്പെട്ട് മെലിഞ്ഞു, കഥാപാത്രത്തിനുവേണ്ടി താടി വളര്‍ത്തി എന്നൊക്കെ പറഞ്ഞ് അവാര്‍ഡ് കൊടുക്കാനാകില്ല. കാരണം അപ്പുറത്ത് വേറെയും പടങ്ങളുണ്ട്. 

അതൊന്നും നമ്മള്‍ കണ്ടിട്ടില്ല. അതിലും നല്ല പെര്‍ഫോമന്‍സ് ഉണ്ടായിട്ടുണ്ട്. അതെല്ലാം കണ്ട ആളുകളാണ് അവാര്‍ഡ് നല്‍കുന്നത്. നമ്മള്‍ ആടുജീവിതം മാത്രമേ കണ്ടിട്ടുള്ളൂ. അപ്പോള്‍ കേരള സ്റ്റോറിക്ക് അവാര്‍ഡ് കൊടുത്തതെന്തിനെന്ന് ചിലര്‍ ചോദിക്കും.

ആ സിനിമ കേരളത്തെ അപമാനിക്കാന്‍ വേണ്ടി എടുത്തതാണെന്ന് ചിലര്‍ പറയുന്നുണ്ട്. എനിക്ക് അങ്ങനെ തോന്നിയിട്ടേയില്ല. ഈയടുത്തും ഒരു വാര്‍ത്ത നമ്മളെല്ലാവരും കണ്ടതാണ്. 

പക്ഷേ അതൊന്നും ഇവിടത്തെ ചില ആളുകള്‍ അംഗീകരിക്കില്ല. നമ്മുടെ പാര്‍ട്ടിയെ തെറ്റായിട്ട് കാണിച്ചു എന്നതുകൊണ്ട് ആ സിനിമ മോശമാണെന്ന് പറയാന്‍ കഴിയില്ല..''