ചുരുളി സിനിമ വിവാദം: ജോജു ജോര്‍ജിനെതിരായ ഫെയ്‌സ്ബുക്ക് പോസ്റ്റ് പിന്‍വലിച്ച് ലിജോ ജോസ് പെല്ലിശേരി

ചുരുളി സിനിമ വിവാദവുമായി ബന്ധപ്പെട്ട് നടന്‍ ജോജു ജോര്‍ജിനെതിരായ ഫെയ്‌സ്ബുക്ക് പോസ്റ്റ് പിന്‍വലിച്ച് സംവിധായകന്‍ ലിജോ ജോസ് പെല്ലിശേരി. ചുരുളിയില്‍ അഭിനയിച്ചതിനുള്ള പ്രതിഫലവുമായി ബന്ധപ്പെട്ടാണ് ഇരുവരും തമ്മില്‍ തര്‍ക്കമുണ്ടായിരുന്നത്.

മൂന്ന് ദിവസത്തെ അതിഥി വേഷത്തിനായി ജോജുവിന് നല്‍കിയ ശമ്പളം ഉള്‍പ്പെടെയാണ് ലിജോ ജോസ് മറുപടി നല്‍കി പോസ്റ്റ് പങ്കുവച്ചത്. അഞ്ച് ലക്ഷത്തിലധികം രൂപയാണ് ജോജുവിന് കൊടുത്ത ശമ്പളം. സുഹൃത്തുക്കളായ നിര്‍മാതാക്കള്‍ക്കുണ്ടായ മനോവിഷമം കണക്കിലെടുത്താണ് വിശദീകരണമെന്നും ഫെയ്‌സ്ബുക്ക് കുറിപ്പില്‍ ലിജോ ജോസ് പറഞ്ഞിരുന്നു.