തമിഴ് സിനിമകള്‍ ഇല്ലായിരുന്നെങ്കില്‍ ഞാന്‍ പിച്ച എടുക്കേണ്ടി വന്നേനെ, സിനിമയ്ക്ക് വിളിച്ചാല്‍ എനിക്ക് രണ്ട് കാര്യം നിര്‍ബന്ധമാണ്, തുണിയും വേണം, മണിയും വേണം: കുളപ്പുള്ളി ലീല

തമിഴ് സിനിമകള്‍ ഇല്ലായിരുന്നെങ്കില്‍ താന്‍ പിച്ച എടുക്കേണ്ടി വന്നേനെയെന്ന് നിരവധി കഥാപാത്രങ്ങളിലൂടെ നമ്മളെ ചിരിപ്പിച്ച നടി കുളപ്പുള്ളി ലീല. ഒരു മാധ്യമത്തിന് നല്‍കിയ അഭിമുഖത്തില്‍ സംസാരിക്കുകയായിരുന്നു അവര്‍. 

''തമിഴ് സിനിമകള്‍ ഇല്ലായിരുന്നെങ്കില്‍ ഞാന്‍ പിച്ച എടുക്കേണ്ടി വന്നേനെ. മലയാളത്തില്‍ വര്‍ക്ക് വളരെ കുറവാണ്. സിനിമയ്ക്ക് വിളിച്ചാല്‍ എനിക്ക് രണ്ട് കാര്യം നിര്‍ബന്ധമാണ്. തുണിയും വേണം മണിയും വേണം. 

ഡയലോഗ് പറയുന്നതിനൊന്നും എനിക്ക് പ്രശ്‌നമില്ല. ഒരു അമ്പത് ശതമാനമെങ്കിലും ആ ക്യാരക്ടറിനോട് നീതി പുലര്‍ത്തണമെന്ന് എനിക്ക് പ്രധാനമാണ്. അത് സാധിച്ചിട്ടുണ്ടെന്നാണ് വിശ്വാസം...''