ബിജു മേനോന്‍, ജോജു ജോര്‍ജ് നായകന്മാരായ വലതു വശത്തെ കള്ളന്‍ പൂര്‍ത്തിയായി

ബിജു മേനോന്‍, ജോജു ജോര്‍ജ് എന്നിവരെ കേന്ദ്ര കഥാപാത്രങ്ങളാക്കി ജീത്തു ജോസഫ് സംവിധാനം ചെയ്യുന്ന വലതു വശത്തെ കള്ളന്‍ പൂര്‍ത്തിയായി. സമൂഹത്തിലെ വ്യത്യസ്ത തലത്തില്‍ രണ്ടു വ്യക്തികളുടെ ജീവിതത്തില്‍ അരങ്ങേറുന്ന സംഘര്‍ഷങ്ങളാണ് ഇമോഷണല്‍ ഡ്രാമയായി പൂര്‍ണമായും ത്രില്ലര്‍ ജോണറില്‍ ജീത്തു ജോസഫ് അവതരിപ്പിക്കുന്നത്. 

ലെന, നിരഞ്ജന അനൂപ്, ഇര്‍ഷാദ്, ഷാജു ശ്രീധര്‍, ശ്യാമപ്രസാദ്,മ നോജ് കെ.യു, ലിയോണ ലിഷോയ്, എന്നിവരും പ്രധാന വേഷങ്ങളിലെത്തുന്നു. ഡിനു തോമസ് ഈലാനാണ് തിരക്കഥ. ഛായാഗ്രഹണം: സതീഷ് കുറുപ്പ്, എഡിറ്റിംഗ്: വിനായക്, സംഗീതം:വിഷ്ണു ശ്യാം, കലാസംവിധാനം: പ്രശാന്ത് മാധവ്, മേക്കപ്പ്: ജയന്‍ പൂങ്കുളം. കോസ്റ്റ്യും ഡിസൈന്‍: ലിന്‍ഡ ജീത്തു. ആഗസ്റ്റ് സിനിമയുടെ ബാനറില്‍ ഷാജി നടേശന്‍, ബഡ് ടൈംസ്റ്റോറീസുമായി സഹകരിച്ചാണ് നിര്‍മ്മിക്കുന്നത്. 

സിനി ഹോളിക്‌സ് സാരഥികളായ ടോണ്‍സണ്‍, സുനില്‍ രാമാടി, പ്രശാന്ത് നായര്‍ എന്നിവരാണ് സഹനിര്‍മ്മാതാക്കള്‍. എക്‌സിക്യൂട്ടീവ് പ്രൊഡ്യൂസേഴ്‌സ്: കെറ്റിന ജീത്തു, മിഥുന്‍ ഏബ്രഹാം. പി.ആര്‍.ഒ: എ.എസ്. ദിനേശ്, വാഴൂര്‍ ജോസ്.